2 Tesalonaeka 1:8 - Hano Niu Testamen

⁸ Kea vi vevegi kera be ram len̄ai God i ram hav tabe tehe roroi tavuha huri Ratahigi Jisas Kraes.

2 Tesalonaeka 1:8 ပူးပေါင်းရင်းမြစ်များ

Matiu 25:41

“Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Matiu 25:46

Haḡe kera duluai gea rai vano lol silo vevegi gabe si hav nogo te dum, i kera atat vavtutu rai vano lol rahuana vai tuai.”

Leo Tavuha gabe Jon nu Ravae 3:19

Silo vevegi mwa lalaḡo kun geki: gigita nu mai huba vai lol ureure, take sinombu ram dabe ute meto nin gigita, bwatuna nora lalaḡov hantai.

Leo Tavuha gabe Jon nu Ravae 8:19

Haḡe ram hudalinia be, “Tamamwa kehibehe?” Haḡe Jisas mwa bwaliura be, “Gim hav iloau tehe i gim hav ilo te Tata mulei.” Mwa bevea be, “Be gis iloau kunia gis ilo Tamaḡu mulei.”

Lalaḡova 6:7

I kunia avoana non God mwa mauri rahurahu. Haḡe tovtovon ira hala gaivua mwa mauri doratora vataha gubwen̄i alun binihimwasigi, lol vanua Jerusalem, i ira tataroi ivusi maragai ram binihimwasigi alun Kraes.

Ravrava non Pol lalai ata Rom 1:28

Sinombu ran hav vinihia tehe be mwa du maragai be rav ilo mataisao mwasigi non God. I God mwa bisdagai ninira i mwa mahin̄ainira be rav haḡo nora binihiv taltale sibora i be rav lol ginau be mwa du be rasav lolia tehe.

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Ravrava non Pol lalai ata Rom 10:16

Ta mwa hav vora te ira Jius n̄oto be ram dara alun Roroi Tavuha. Aesaia mwa bevea be, “God, ihei mwa binihimwasigi ginau be gan vevea lalainira?”

Ravrava non Pol lalai ata Rom 15:18

Nasav mom avo tehe huri ginau vwate take nav avo huri havanau be Kraes nu lolia siviau lol taro be nan tomuai ira Lolobon̄i kun hanigi haḡe rav tabe God. Kera ran tabe God bwatuna havanau be nan vevea i nan lolia,

Ravrava non Pol lalai ata Rom 16:26

Nu loliana mwa melmelo sivi ravrava nin ira atatun vevsera. I hurin avoan wasi non God, be mwa dogo vai tuai mwa loliana lalai ureure duluai huribe kera rav binihimwasigi i rav gogonainia.

Ravrava non Pol lalai ata Rom 6:16

Kunia gom iloe huba, lol taro be gom lin̄igo sibomwa gi turin rovoga lalai atatu be gov tabea, kea gom bora turi non atatu gea. Atatu be gom dabe silona kea haḡea nom ratahigi lavoa. Gov huri dum vuro, be mwa lai mateana sa gov tabe dum God, kea gabe gom bavtutu la lolmatana.

1 Korin 15:34

Giv mai mulei la mwasin halan binbinihi i gisav mom buroga tehe, kimiu rituai giv busbusi huribe gim hav ilo te God.

2 Korin 10:5

i ginau ravravwega be ram lin̄ i ram ron̄ maḡemu huri Kraes.

Kelesia 3:1

Kimiu ata Kelesia nu vevean melmeloi lalai kimiu huri mateanan Jisas Kraes alun volovolo. Take kimiu ira taltaleana; gim lin̄ atatu vwate mwa ruruhigo.

Kelesia 4:8

Amua gon hav ilo te God, i gon vora turi lalai tagaro be mwa hav vora te mwasina.

1 Tesalonaeka 4:5

Gisav lol te rebehimiu lol bwatigoro mai vavine i atamwani kun ira len̄len̄aga.

Hibru 10:27

Tav matagun God n̄ano i tav hohov vevegi be vi mai kun gabi gaivua be mwa lol oda kaburai kera be ram bwalo mai God.

Hibru 10:30

Tam iloe be God mwa bevea be, “Alen̄ rabaraba mwa dogo maiau i inau n̄ano be nai vol muleinira.” I mulei God mwa bevea be, “Inau Ratahigi i nai vevegi ira atatuku.”

Hibru 11:8

Bwatuna gabe Ebraham mwa binihimwasigi garagusi alun God, bwatuna haḡe gea kea mwa dabe silon God, lol taro gea be God nu uloinia be vi vano lol ute dolua vwate. Ute gea God nu tatauleo huba lalainia be vi laia lalainia. I Ebraham mwa mwalue nin vanuana, take mwa hav iloe tehe be vanua gara gea mwa dogo halabehe, be kea mwa bano huria.

Hibru 12:29

bwatuna be nonda God kea kun gabe gabi gaivua be vi oda kaburai vataha ginau.

Hibru 2:3

Be gida tas varihai hal gaivua geki huri halan varahuva, i kunia tav lol haninia be tamen romaragai nin silo vevegi? Ratahigi sibona kea muana be nu vevea huri varahuva, i sinombu gabe ran ron̄ roroi lol taro gea mwa seserainia lalai gida be mwasigi.

Hibru 5:9

Mahavana be kea mwa bavtutu, i mwa bora gi bwatun varahuva be mosmosianana nu sigai huri kera be ram dabea.

1 Pita 1:2

God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.

1 Pita 3:6

Sera nu lin̄ maḡemu lalai Ebraham, ahoana, i nu uloinia be non ratahigi. I kimiu ira vavine haḡea ira mwasin nitun sera kebe giv lol havanau n̄an be nu tavuha i gisav matagu tehe.

1 Pita 4:17

Taron vevegi be mwa dau bwatuna mai atatu ata lol imwan God. I kebe vevegi gea vi tau bwatuna mai gida, Havanau haḡea vi loli lalai sinombu be ram hav lin̄ te maḡemu huri Leo Tavuha non God?

2 Pita 3:7

Take God mwa lol dautau ute atamare mai ureure be rav togo radu vaivotu gubwen̄in vevegi vi mai. Vuri vi taura lol gabi i vi lol kaburai atat vuroga duluai.

Ravrava nin Jud 1:7

Mulei giv vinihi dum ira bwatutun Vanua Sodom i Komora i ira bwatutun vanua dodolua dalisira, ira atatuna ran lolia kun ira enjel kerageki be ram lol alen̄ hahantai lol davolan vavine i atamwani: vevegin gabi be ran van sivinia mwa bora malele lalai gida duluai be tav gitae.

Visirai 20:10

Haḡe atmate be mwa ruruhira vi vohai kaburainia vai lol numbun wain gabi tabwalue mai salva. I Kea vi togo aia maira ginau rahu turu i ira atatun vevsera tentene, i rav ron̄ḡagarasi bon̄i i rani mosmosianana sigai.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”

Visirai 6:10

Ram haharigi gin silo gaivua ram bevea be, “Ratahigi God mwasin roron̄o, sabuga i mwasigi! Gosav mom hohovi tehe, goi vevegi sinombu ata lol ureure, ba lai silo vevegi lalainira, huri be ran wehi bamat kamai.”