2 Tesalonaeka 1:7 - Hano Niu Testamen

⁷ I vi lai mabuana lalai kimiu be gim ron̄ ḡagarasi i lalai kamai mulei lol taro be Ratahigi Jisas vi visirai mai gabi oda nin amare mai ira non enjel muramuraga.

2 Tesalonaeka 1:7 ပူးပေါင်းရင်းမြစ်များ

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Matiu 16:28

Nam bev mwasigi lalai kimiu be atatu rituai teti rasav mate te radu, vai votu rav gitau, Nitun Atatu, nav mai kun Ratahigi lavoa.”

Matiu 25:31

“La mahavana be inau Nitun Atatu nav mai mulei kun gabe Ratahigi Lavoa maira enjel duluai bul maiau, inau nav togo alun tanon togotogon lavoa,

Matiu 25:41

“Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Matiu 26:64

Jisas mwa bevea lalainia be, “Gom bevea haḡea. Ta nam bev mwasigi lalai kimiu be, nin kekadogaha giv gitau Nitun Atatu nav togo la mwatuan Mwasin Roron̄o, i nav mai alun ten lan̄i lol ute atamare.”

Leo Tavuha gabe Mak nu Ravae 14:62

Jisas mwa bwaliua mwa bevea be, “Inau haḡea giv gita, inau nitun atatu nav togo la mwatuan mwasin roron̄o, i nav mai alun ten lan̄i lol ute atamare!”

Leo Tavuha gabe Mak nu Ravae 8:38

Inau Nitun Atatu nav mai vai non̄oiha mai noḡu enjel mai ginau tavtavuha be tamaḡu vi laira lalaiau. La mahavana gea inau nav tavwe vataha atatu hurin nora lalaḡova. Be, atatu mwa busbusi giniau mai noḡu silo vagahi abera sinombu hantai be ram dogo garigi be God sigai abera, kunia inau mulei Nitun Atatu nav busbusi ginia batena nav mai mai ira enjel sabuga, lol sarisarin Tamaḡu.”

Leo Tavuha gabe Luk nu Ravae 16:25

Take Ebraham mwa bevea be, “Gov binihi dumwia nituku, be lol gubwen̄in rahumwa gon haḡo ginau tavtavuha ivusi, i Lasarus nu to ririhai lol rahuna. Ta uhugaha kea mwa samsamwara teti i giḡo gom ron̄ ḡagarasi.

Leo Tavuha gabe Luk nu Ravae 17:30

Vi loli n̄an mulei kunia lol gubwen̄i gabe Nitun Atatu vi visirai alolona.”

Leo Tavuha gabe Jon nu Ravae 1:3

God nu lol ginau duluai ginia; ginau vwate lol tauva nu hav tauana te dagai ninia.

Leo Tavuha gabe Jon nu Ravae 1:51

I kea mwa bevea lalainira be, “Nam bev mwasigi lalai kimiu be: giv gita mahao vi mahavan̄i i ira enjel non God rav hae i rav himai aluku, inau Nitun Atatu.”

Lalaḡova 1:11

Ira tarua geki ramuru bevea lalainira be, “Ata Kalili, huri hano gim du gim ḡarere vai hae lol mahao? Jisas geki, gabe God mwa laia nin kimiu hae vai lol mahao, vi himai mulei la hala n̄an kunia be gim ḡitae mwa hae vai lol ute atamare.”

Lalaḡova 3:19

Nu vevea be giv binihi leahi i giv tabagilu huri God, huri be vi binihi kaburai vuromiu. Be giv lolia kunia,

Ravrava non Pol lalai ata Rom 8:17

Kebe tai vora ira nitun God, tau lai vatavuha nin God saraḡo mai Kraes. Tav tau ron̄ḡagarasi kunia be Kraes nu ron̄ḡagarasi huribe tav sarisari kunia be Kraes nu sarisari.

1 Korin 3:13

Nora rovoga vi visirae ute melmelo, bwatuna be Gubwen̄ Vevegi non Kraes vi lai bisirainia ute melmelo. Gubwen̄i gea gabi gea vi lol seserainia be hava rovoga haḡea be nu loliana; gabi gea vi haḡo ron̄oe i vi seserai lua non mwasigi sage non hantai.

2 Korin 4:17

Gam habwe taro ririhai kokolo huri mahavana kadogaha, take ram bului kamai be gav lai dum sarisari vai tuai kea haḡea ginau gaivua lalai kamai liu taro ririhai.

Ifisas 1:2

Hogoi i tamwata lalai kimiu nin God Tamanda i nonda Ratahigi Jisas Kraes.

Kolosi 1:16

Sivi non muramura God nu lol ginau duluai mwa lol ginau amare i ata lol ureure, ginau be mwa ḡitana i mwa hav gitana tehe, muramura duluai, ginau mutai ratahigi i tomuai. Ginau duluai mwa loli sivi Kraes i huri Kraes.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

2 Timoti 2:12

Be tav mahin̄a ḡoro ron̄ ḡagarasi, gida mulei tav gitaḡoro bul maia. Be tav visigai ḡoroe, Kea mulei vi varihai be vi dame ḡoro gida.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Hibru 10:27

Tav matagun God n̄ano i tav hohov vevegi be vi mai kun gabi gaivua be mwa lol oda kaburai kera be ram bwalo mai God.

Hibru 12:29

bwatuna be nonda God kea kun gabe gabi gaivua be vi oda kaburai vataha ginau.

Hibru 4:1

God nu taua huba lalai gida be tav lai dum mambuana gea be nu tatauleo huba huria lalai gida. Gida atatun God tav gitae be vwate aloloda sihav vahal te tarona be vi haroro lol mambuana non God.

Hibru 4:11

Haḡe bwatuna gea gida tav lol ron̄oe be tav haroro dum huri mambuana aben God. I sihav tavuha te maragai be vwate nin gida vi lolia kunira tuai be ran hav tabe te silon God, i rasav haroro te dumwi.

Hibru 4:9

Take mwa hav vora te kunia. Haḡe bwatuna gea, tarona radu huri sinombu non God be rav haroro huri mambuana la hala n̄an gea be God nu lolia amua, gabe nu mambu harainia la gubwen̄ gaibituna.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

1 Pita 3:22

Kadogaha Jisas nu vano vai lol ute atamare i mwa dogo la mwatuan God i mwa ḡitaḡoro ira enjel, ira roron̄o i ira muramura.

2 Pita 3:7

Take God mwa lol dautau ute atamare mai ureure be rav togo radu vaivotu gubwen̄in vevegi vi mai. Vuri vi taura lol gabi i vi lol kaburai atat vuroga duluai.

Ravrava nin Jud 1:7

Mulei giv vinihi dum ira bwatutun Vanua Sodom i Komora i ira bwatutun vanua dodolua dalisira, ira atatuna ran lolia kun ira enjel kerageki be ram lol alen̄ hahantai lol davolan vavine i atamwani: vevegin gabi be ran van sivinia mwa bora malele lalai gida duluai be tav gitae.

Visirai 1:7

Gin gitae! Kea mwa mai mai ten lan̄i. Mata duluai rav gitae, vaivotu gabe kera gabe ran wehia. Ira sinombu ata lol ureure rav dei ba dalan̄lan̄a bwatuna kea. Ginau gea vi loli! Amen.

Visirai 14:10

vi mwin waen non God sibona, waen huri non lol horo, gabe kea mwa salilia alun muramura liu vai alolon lahan non lolhoro! Kera gabe rai mwin waen gea rav ron̄ ḡagarasi maragai gin gabi i salva la lolmatan ira enjel sabuga mai nitui Sipsip.

Visirai 14:13

Haḡe nam ron̄ silo mwa himai nin amare mwa bevea be, “Gov ravae geki be: Samwarana lalai ira hei gabe mwa dau bwatuna kadogaha rav mate alolon rovoga non God!” Vui mwa bevea be, “Uwe mwasigi! Ram mambuharainira nin nora rovoga hahavwani, bwatuna be vwain nora rovoga hahavwani vi vano bul maira.”

Visirai 20:11

Nam ḡita tanon togotogo maita kun gabe tanon togotogon ratahigi i atatu vwate mwa dogo aluna. Haḡe ureure mai mahao ramuru lol ron̄oe be raru vi rov maragai, take ute vwat sigai mulei be raru vi hili aia.

Visirai 21:4

Haḡe God vi man̄ kaburai hun matara duluai nin matara, i mateana mulei sigai, i lolovono mulei sigai, sa deiana, sa gagarasi vainon̄oiha, bwatuna ginau ata amua ram ban dagai kaburai vai tuai.”

Visirai 22:16

Inau haḡea, Jisas. Nan hora noḡu enjel be vi vev ginau duluai geki lalainigo i mwa bano lalai ira uloilua. Inau haḡea mwasin varan Deved. Inau visiu sarisari huri mabon̄i.

Visirai 22:6

Haḡe mwa bevea lalaiau be: “Avoana kera geki rav mwasigi, i mwa du be vi vinihi mwasigiana na Ratahigi God n̄ano mwa domuai rahun non atatun vevsera, i kea n̄an gaituvwa be nu hora non enjel be vi seserainia lalai ira non atatun rovoga havanau be vi loli be ramen loli darihou.”

Visirai 22:9

Take enjel mwa bevea be, “Gosav lolia te kunia. Inau atatu n̄an kunigo, inau atatun rovoga n̄an kunigo mai ira tuada i ira atatun vevsera mai ira hei duluai gabe ram ron̄ avoana duluai ata lol buka geki. Take giv gogonai God n̄an gaituvwa.”

Visirai 6:11

“God nu saga ḡorora gin gaisaga maita vatvatahara, i mwa lai tanon mabuana vai tuai lalainira, vaivotu be atatu rituai be ran lol rovoga bul mai kimiu, sa ira tuamiu be mwa du be atatu ras wehi bamatera kun gabe ran wehi kimiu tuai. I mwa du be tovtovona huri kimiu duluai gea vi visirae amua.”