2 Tesalonaeka 1:6 - Hano Niu Testamen

⁶ God vi lol hano be nu vavtutu. Vi lai silo vevegi lalainira be ram bevegigo.

2 Tesalonaeka 1:6 ပူးပေါင်းရင်းမြစ်များ

Kolosi 3:25

Take gov vinihi dumwia be atatu gabe mwa lol vahala vi lai silo vevegi huri vahalana gea, i God mwa lolia lalai atatu duluai dadariha.

Hibru 6:10

Huri alen̄an God vataha mahavana nu tavuha n̄ano. I kea sihav vinihi te dum malioi rovoga duluai gea be gin lolia. I kea vi vinihi dumwia be kimiu gim dabea lol nomiu doroniva liu, i be gin bului raduinira atatun uloilua dodolua, i gin bului raduinira.

Visirai 11:18

Haḡe ira len̄len̄aga ram lol horo butbutui, huri be taron nom lolhoro mwa sosori, I taron be vi vevegira be ran mate. Tarona mwa sosori be vi lai tavwe lalai nom ira atatun rovoga, mai ira atatun vevsera, i ira nom sinombu duluai, kera gabe ram dau nora binihi marahi alumwa, lalavoa mai ira kokolo mulei. Tarona mwa mai be men lol kaburai ira hei gabe ram lol kaburai ureure!”

Visirai 15:4

God, ihei tehe sihav vinihi te marahinigo? Ihei tehe sihav lol te roroai ihamwa? Giḡo n̄an gon sabuga. Varan sinombu duluai la ureure rav mai ba ḡogonainigo, bwatuna be gon seserai alen̄amwa be alen̄ vavtutu lalai sinombu.

Visirai 18:20

“Ute ata amare vi samsamwara mai sinombu non God mai ira hala i ira atatun vevsera! God mwa bevegia huri hano be nu lolia lalainigo!”

Visirai 18:24

Silo vevegi mwa mai la babilon huribe dagan atatun vevsera mai sinombu duluai mwa dogo aia. Uwe, dagan kera duluai be ram mate lol ureure.

Visirai 19:2

Bwatuna be non vevegi duluai nu mwasigi i nu dadariha. God mwa bevegi vavin rovrovoi homu huribe mwa salan̄ai beroveroi ureure gin busbusianan lalaḡov hantai. Take God mwa bevegia i mwa lai lalainia huria be kea mwa wehira be non atatun rovoga.”

Visirai 6:10

Ram haharigi gin silo gaivua ram bevea be, “Ratahigi God mwasin roron̄o, sabuga i mwasigi! Gosav mom hohovi tehe, goi vevegi sinombu ata lol ureure, ba lai silo vevegi lalainira, huri be ran wehi bamat kamai.”