2 Tesalonaeka 1:3 - Hano Niu Testamen

³ Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

2 Tesalonaeka 1:3 ပူးပေါင်းရင်းမြစ်များ

Leo Tavuha gabe Luk nu Ravae 15:32

Take mwa du be tav samsamwara ba ḡan ginau huria, bwatuna be tuamwa nu mate haḡe ta mwa rahu mulei; nu sala take mwa habwean mulei.’ ”

Leo Tavuha gabe Luk nu Ravae 17:5

Haḡe ira hala ram hudali Ratahigi ram bevea be, “Gov lol gavuai nomai binihimasigi garagusi.”

Leo Tavuha gabe Jon nu Ravae 15:2

Mwa dai n̄andu rarana duluai niniau gabe ram hav vwavwae tehe, i mwa bagaha rarana duluai gabe ram bwavwae, huribe vi melmelo tavuhai ba bwaevwae bilin̄ai.

Ravrava non Pol lalai ata Rom 1:8

Muana nam doron be nav vevea be nam hav vev te tabeana lalai noḡu God sivi Jisas Kraes huri kimiu duluai, bwatuna be sinombu duluai lol ureure ram avoi nomiu binihimwasigi garagusi.

1 Korin 1:4

Nam avkari God huri kimiu bwatun hogoi be God nu laia lalai kimiu sivi Kraes Jisas.

2 Korin 10:15

Gam dau matavwen nomai avoan ravravwega alun rovoga be nomwa, nu hav vora te havanau be atat dodolua ran lolia huba. Gam doronhohov be nomiu binihimwasigi garagusi vi mauri rahurahu, kimiu giv bului nomai rovoga be vi mauri gaivua maragai.

Ifisas 5:20

Giv avkari God huri vataha ginau duluai, lol ihan Ratahigi gida Jisas Kraes.

Filipae 1:7

I inau nam iloe be nan vavtutu be nav binihia kungeki huri kimiu duluai, bwatuna be nam haḡo kimiu lol irubwiku. Kimiu duluai gim bete alolon lolotavuha non God maia kadogaha be inau lol imwa vauvauhi i kadogaha be nam duḡoro i nam seserai lua mwasigi non Roroi tavuha.

Filipae 1:9

Geki haḡea noḡu tataro huri kimiu: be nomiu lolotabetabe vi mauri liu maragai; be giv haḡo iloute i giv ilo halana mai git batoi,

1 Tesalonaeka 3:12

Nam dataro be Ratahigi vi lol nomiu lolotabetabe vi mauri liu i vi mauri huri kimiu gaitutuvwai i huri sinombu duluai huri be giv lolotabetabe kera dodolua kunia be kamai gam dabe kimiu.

1 Tesalonaeka 3:6

Take Timoti kadogaha nu mai mulei nin kimiu vai abemai nu tabagilu mai Roroi Tavuha vai abemai huri nomiu binihimwasigi garagusi i lolotabetabe. Nu vevea lalai kamai be kimiu mulei gim binihi dum kamai lol hal tavuha i be gim doron be gimen gita te kamai kunia be kamai mulei gam doron be gamen gita te kimiu.

1 Tesalonaeka 3:9

Nomai samsamwarana maragai lolmatan nonda God bwatuna kimiu. Gisav lai te avoan avkari be vi dadariha huri samwarana duluai be gam ron̄oe.

1 Tesalonaeka 4:1

Ira tuaku, gan vagahi kimiu be hanigi giv togo la hala be God vi samsamwara ginia, i kimiu gim dogo alun hala gea. Kadogaha gam hudaligi i gam avdura kimiu lol Ratahigi Jisas be giv togo la hala gea vi liu.

2 Tesalonaeka 2:1

Ira tuaku, ginau vwate be nav vevea huri maiana non ratahigi Jisas Kraes i taro be tav visvisogari vatuvwa maia.

2 Tesalonaeka 2:13

Ira tuaku, kimiu gabe God mwa doron kimiu, God nu gita luago la bwativuna be gov rahu. I gida duluai tav avkari God vataha mahavana hurigo. Giḡo gom rahu gin Vui Sabuga be mwa loligo gom sabuga gin nom binihimwasigi garagusi lol mwasigi.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

2 Pita 1:13

Nam binihia be nu mwasigi huriau be nav bului kimiu be nav vinihia lol taro be nam dogo lol rebehi geki.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.