2 Tesalonaeka 1:10 - Hano Niu Testamen

¹⁰ Geki vi loli lol gubwen̄i be God ratahigi vi mai i atatu be non atatu rav uloi roroainia. I sinombu duluai be ram binhimwasigi rav dan̄an̄a gin Jisas. Giḡo gov togo lol tatan̄ana gea bwatuna be gom binihimwasigi havanau be gam bevea lalainigo.

2 Tesalonaeka 1:10 ပူးပေါင်းရင်းမြစ်များ

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Matiu 16:28

Nam bev mwasigi lalai kimiu be atatu rituai teti rasav mate te radu, vai votu rav gitau, Nitun Atatu, nav mai kun Ratahigi lavoa.”

Matiu 24:36

“Ihei mwa hav ilo te gubwen̄ mai mahavana be ginau kera geki rav mai, ira enjel lol ute atamare sage inau Nitun God, take tata gaituvwa n̄an mwa iloe.

Matiu 25:31

“La mahavana be inau Nitun Atatu nav mai mulei kun gabe Ratahigi Lavoa maira enjel duluai bul maiau, inau nav togo alun tanon togotogon lavoa,

Matiu 7:22

La mahavana gubwen̄ vevegi vi mai, atatu ivusi rai vevea lalaiau be, ‘Ratahigi, Ratahigi, kamai gan seserai avoana non God lol ihamwa, gam hora lua vui hantai lol ihamwa, i gam lol tagaro ivusi lol ihamwa,’

Leo Tavuha gabe Luk nu Ravae 10:12

Nam bev mwasigi lalai kimiu be, lol Gubwen̄ Vevegi God vi gita hagav vanua Sodom nin bwatutun vanua kera uhu!”

Leo Tavuha gabe Jon nu Ravae 11:4

Mahavana be Jisas mwa ron̄oe, mwa bevea be, “Lasarus mwa haro, take mwa hav vora te gin binihiva be vi mate; take huria be men seserai lua muramura non God. Harova geki, hala huri be God men lol roroai ihaku, inau nituna.”

Leo Tavuha gabe Jon nu Ravae 17:10

Ginau duluai be noḡu kea nomwa, i ginau duluai be nomwa kea noḡu; i mwa lol bisirai sarisariku ginira.

1 Korin 1:6

Roroi Tavuha huri Ratahigi Jisas Kraes kea mwa mai gi ginau wasi huba alolomiu.

1 Korin 3:13

Nora rovoga vi visirae ute melmelo, bwatuna be Gubwen̄ Vevegi non Kraes vi lai bisirainia ute melmelo. Gubwen̄i gea gabi gea vi lol seserainia be hava rovoga haḡea be nu loliana; gabi gea vi haḡo ron̄oe i vi seserai lua non mwasigi sage non hantai.

Kelesia 1:24

I atat binihimwasigi ran avkari God bwatuna inau.

Ifisas 1:12

Gida haḡea muan sinombu be tan tau nonda doronhohov alun Kraes, i nu gita lua gida be tav lai roroai lalai God sabuga.

Ifisas 1:14

Be Vui Sabuga kea mwa seserainia be tam lai havanau be God mwa lai ribwesiva be nu haraharai lalainira be bilana be men lai roroai lalai sarisarin God.

Ifisas 1:18

Mulei nam dataro be giv lai iloilo gaivua lol sibwenimiu huri be giv ilo binihiva huri doronhohov gabe kea nu uloi gida, i be giv iloe huria be kun hanigi nu rosoga i vatavuha non God gaivua be nu tatauleo lalai non sinombu sabuga.

Ifisas 1:6

i mwa lai roroai lalai God bwatuna be gin non hogoi. God nu lai hogoi gea lalai gida vuroi nan kunia, alolon Kraes, atatu gabe mwa doronia.

Ifisas 2:7

bwatuna huri taro vai non̄oiha duluai kea vi seserai mwasin hogoi be gaivua liu lol non lolotabetabe ginia be kea nu tavuha mai gida lol Kraes Jisas.

Ifisas 3:10

Taritari non God be sivi uloilua ira vwalaua duluai mai ira muramura duluai lol ureure kadogaha rav ilo mataisao non God, gabe mavuvuna ivusi maragai.

Ifisas 3:16

Nam hudali Tata lol sarisarina gaivua be vi lai muramura lalainigo be gov muramura lol lolomwa sivi non Vui.

1 Tesalonaeka 1:5

bwatuna be Roroi Tavuha be gan laia vai abemiu nu hav vora te gin avoana n̄ano, take gin muramura, non Vui Sabuga, i mai binihimwasigi wasi be kea mwasigi. Mulei gin iloe be gon togo kun hanigi batena be kamai abemiu be gai bului kimiu.

1 Tesalonaeka 2:1

Ira tuaku, gim iloe be gan visirai abemiu nomai maiana mwa hav vorate bonogai n̄an kunia.

1 Tesalonaeka 2:12

Gan av dura kimiu gam av wasi lalai kimiu, gan doronia be giv togo lol rahuan tavuha huri God. God mwa doron be tav togo lol rahuana be tav tabea vataha mahavana.

1 Tesalonaeka 2:13

Mulei, gam avkari God bwatuna be batena be gin ron̄ non roroi nin kamai, gin lai ḡoḡoe kun be avoana non God, nu hav vora te avoana non atatu. I mwasigi be avoana non God, nu hav vora te avoana non atatu. I mwasigi be avoana non God be mwa lol rovoga alolomiu be gim binihimwasigi.

2 Tesalonaeka 1:12

Gam dataro duluai kun geki huribe ihan ratahigi Jisas Kraes vi sarisari alolomwa, i giḡo gov lol roroai ihana. Sarisari gea mwa mai nin hogoi non nonda God i ratahigi Jisas Kraes.

2 Tesalonaeka 2:13

Ira tuaku, kimiu gabe God mwa doron kimiu, God nu gita luago la bwativuna be gov rahu. I gida duluai tav avkari God vataha mahavana hurigo. Giḡo gom rahu gin Vui Sabuga be mwa loligo gom sabuga gin nom binihimwasigi garagusi lol mwasigi.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

2 Timoti 1:12

Nam ron̄ ḡagarasi kadogaha bwatuna be nam bev Leo Tavuha, take nam hav busbusi tehe, bwatun be nam ilo Jisas, wani be alolona nan binihimwasigi. I nam binihimwasigi be kea vi holḡoro havanau be nu taua aluku vai votu Gubwen̄i kea be vi mai.

2 Timoti 1:18

Nam dataro be Ratahigi vi hogoi non sine hagavi lalainia lol Gubwen̄i gea. Gom iloe be nu buluiau lol hala ivusi Ivisas.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.