2 Pita 3:2 - Hano Niu Testamen

² Nam doron be giv vinihi dum ira avoana be ira atatun vevsera sabuga ran avoinia tuai, i giv vinihi dum avoan wasi be nonda Ratahigi i varahu nu laia sivi ira hala.

2 Pita 3:2 ပူးပေါင်းရင်းမြစ်များ

Leo Tavuha gabe Luk nu Ravae 1:70

Kun mwa datauleo gin bwan̄ora non atatun vevsera sabuga ata tuai be:

Leo Tavuha gabe Luk nu Ravae 24:27

Haḡe Jisas mwa dugu halana lalainira huri havanau nu vevea huria sibona alolon Ravrava Sabuga duluai, nu tau bwatuna lol buka non Moses mai ravrava non ira atatun Vevsera duluai.

Leo Tavuha gabe Luk nu Ravae 24:44

Haḡe mwa bevea lalainira be, “Geki haḡea ginau be nan vevea lalai kimiu mahavana be nan togo radu mai kimiu: ginau duluai nu ravae huriau lol Silo non Moses, i Ravrava non ira Atatun Vevsera, i lol bukan Sam mwa bisirai mwasigi.”

Lalaḡova 10:43

Haḡe ira atatun vevsera duluai ran vevea huria be, atatu duluai be ram binihimwasigi aluna vi binihi kaburai vurora alun muramura lol ihana.”

Lalaḡova 28:23

Haḡe ram dov mahavan gubwen̄i mai Pol, i ataguna sinombu gaivua gabe tavalura ram mai lol gubwen̄i gea vai lol ute be Pol mwa dogo aia. Haḡe Pol mwa dugu halana lalainira huri rani duluai vaivotu mwa bon̄i. Mwa bevea huri rahuan gara gabe God mwa bora ratahigi ḡoro non sinombu alolona. Kea mwa dogo mwa avo alun Silo non Moses mai ira atatun vevsera huri be vi ravara rai mai gi atatu non Jisas.

Lalaḡova 3:18

God nu vev serae tuai lalai ira atatun vevsera be Wani Vurai gabe kea vi horae, vi ron̄ ḡagarasi, i non avoana mwa mai gi mwasigi la hala geki.

Lalaḡova 3:21

I kea vi togo lol ute atamare vaivotu tarona vi mai huri ginau duluai be vi lol garainia, kun gabe God nu vev serae sivi non atatun vevsera be ran togo tuai.”

Kelesia 6:2

Be giv bulbului kimiu lol nomiu togoan ririhai, kimiu mwasigi gim dabe silo non Kraes.

Ifisas 2:20

Kimiu gim bora imwa haḡohaḡo be mwa haḡoana alun vatun siguna non ira hala mai ira atatun vevsera. Kraes Jisas sibona kea mwasin raumatan vatu alun haḡohaḡo imwa gea,

Ifisas 3:5

Sinombu be ran togo lol taro dolua nu hav vev te ginau dahuligi gea lalainira. Take kadogaha, sivi Vui, God nu seserai ginau dahuligi gea lalai non ira hala sabuga mai ira atatun vevsera.

1 Timoti 6:14

Gov lol hano be nan vevea lalainigo i gov haḡo wasinia vai votu be nonda Ratahigi Jisas Kraes vi mai mulei.

2 Pita 2:21

Uwe, Nu tavuha hurira be rasav man ilo te hal vavtutu ninia be ras iloe i ras vanburigai nin vagahi sabuga be nu laiana lalainira.

2 Pita 3:15

Giv Vinihi dumwia be gida tam rahu bwatuna nonda Ratahigi nu maḡemu. Tuada Pol, nu vevea lalai Kimiu avoan gaituvwa n̄an lol taro be nu ravae lalai kimiu mai mataisao be God nu laia lalainia.

2 Pita 3:16

Nu ravae huri ginau geki lol non avoana duluai. Ginau rituai lol avoana non Pol ran ririhai be tav iloe, i atatu be ram hav ilo te halana i ran mandamanda lol binihimwasigi ram bev avoana tentene huria. Kera mulei ram bev avoan tentene huri ira ravrava Sabuga dodolua, take kera ram lol kaburainira sibora lol taro be ram lol ginau geki.

1 Jon 4:6

Gida ira atatu God, i irahei duluai gabe ram ilo God, rav tai bwero huri gida. Take sinombu be ram hav ilo te God, rasav taibwero te dum huri gida. Haḡe bwatuna gea tav gigilai dum Vui be mwa dentene.

Ravrava nin Jud 1:17

Ira tuaku, giv vinihi dum avoan wasi be ira hala non nonda Ratahigi Jisas Kraes ran vevea amua.

Visirai 19:10

Nan sisiabwau lol bwalagen enjel i nam dau bwatuna nam ḡogonainia. Take enjel mwa bevea lalaiau be, “Gosav lolia te kunia! Inau atatun rovoga vuroi, kunigo mai atat dodolua gabe ram bevea huri Jisas. Gosav gogonai te atatu dolua take God!” Huribe mwasigi be nu seseraiana sivi Jisas, kea haḡea nu rihui ira atatun vevsera.