2 Pita 3:18 - Hano Niu Testamen

¹⁸ Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.

2 Pita 3:18 ပူးပေါင်းရင်းမြစ်များ

Matiu 28:20

I giv vagahira be rav ḡoḡoi ḡoro ginau duluai gabe nan vevea lalai kimiu. Haḡe gita, inau mai kimiu vataha gubwen̄, vai votu nogonan ureure.”

Matiu 6:13

Gosav lin̄ te kamai lol kalkaliana, Gov lai kamai nin bwatigoro.’

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Leo Tavuha gabe Jon nu Ravae 5:23

Huri be vataha atatu rav binihimarahiau kun n̄an gabe ram binihi marahi Tata. Ihei tehe be mwa hav binihi te marahiau Nitun Tata, mwa hav binihi te marahi Tata be nu horau.”

Ravrava non Pol lalai ata Rom 11:36

Uwe, God nu lol ginau duluai, i ginau duluai mwa du mwa loli sivinia i lalainia. Lalainia sarisari vai tuai! Amen.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

Ifisas 1:17

nam hudali God non nonda Ratahigi Jisas Kraes, Tata be nu roroa liu be vi lai vuin mataisao i visirai lalai kimiu huri be giv ilo tavuhainia.

Ifisas 4:15

Sigai! Avoi mwasigi gin lolotabetabe, kamai gav mauri hae la halan Kraes duluai ihei haḡea bwatuna.

Filipae 3:8

Mwa hav vora te huri ginau n̄an kera gea, take nan binihia be ginau duluai tavuhara sigai be tav dadarihainira mai iloilo huri Kraes Jisas noḡu Ratahigi. Hurira, nam lin̄ ginau duluai kera gea i kadogaha nam iloe be kera han̄ora. Geki mahin̄aiau be nav lai Kraes

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Kolosi 3:10

Gom saga gaisagan rahuan gara, kebe mwa lol garainigo i gom mai kun wani gabe nu loligo. Rahuan gara geki mwa lai lalainigo iloilo nin God.

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

2 Timoti 4:18

God vi varahuau lol taro be ihei mwa doronia be vi lol ḡagarasiau, i vi lai rahurahuiau vai lol non Ute Ratahigi amare. Uloi roroi God vai tuai i vai tuai! Amen.

1 Pita 2:2

Kunia be naturirigi be ram siv vora ram doron huhu, kimiu mwa du maragai be giv doron vagahi melmelo i vagahi maron̄ron̄o. Ninia gov mauri i gov habwe rahuana,

2 Pita 1:11

I kimiu giv lai laiḡoḡo gaivua vai alolon ute ratahigi non nonda Ratahigi i varahuda Jisas Kraes vai tuai i tuai.

2 Pita 1:2

Hogoi i tamwata vi laiana lalai kimiu vi mauri vi liu, bwatuna be kimiu mwasigi gim ilo God i Jisas nonda Ratahigi.

2 Pita 1:3

Jisas nu haḡo muramura non God, i kea haḡea nu lai ginau duluai lalai gida be tam doronia huri rahuana i be tav lol rovoga lalai God. Gida tam haḡo ginau kera geki bwatuna be tam iloe. Jisas mwa uloi gida gin non sarisari i non tavuha.

2 Pita 1:8

Kebe ginau duluai geki mwa du alolomiu i ram mauri, kera haḡea rav bului kimiu be giv lol rovoga tavuha lol nomiu ilo ute lol nonda Ratahigi Jisas Kraes.

2 Pita 2:20

Kera ram maribwesi huba nin bwatigoro lol ureure i ram ilo non Ratahigi i varahuda Jisas Kraes. Take kebe rav tabagilu lol bwatigoro i ginau kera gea rav tomuai nira, i ginau geki vi hantai vi liu ninia amua.

Ravrava nin Jud 1:25

lalai God gaituvwa nonda varahuva, la ihan Jisas Kraes nonda Ratahigi, lalainia samwarana, sarisari, muramura, i mwasigi huri taro be nu nogo, kadogaha i vai tuai. Amen.

Visirai 1:6

Kea Ratahigi Lavoa i mwa lolia be tam mai gi non ira muai tataroi be tamen lalaḡo lalai God Tata. Lalainia roroai i muramura vai tuai vai tuai! Amen.