2 Pita 3:14 - Hano Niu Testamen

¹⁴ Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.

2 Pita 3:14 ပူးပေါင်းရင်းမြစ်များ

Matiu 24:26

“Sage atatu ras vevea lalai kimiu be, ‘Gita, Kraes haḡea kahaḡa la vanua vuroi!’ gisav van te aia, sage rai vevea be, ‘Gita, kea mwa hili teti!’ gisav vinihi te mwasiginia.

Matiu 25:7

Haḡe daulato han̄vulu kera gea ram domare, ram bagaha nora bulu.

Leo Tavuha gabe Luk nu Ravae 12:43

Samsamwara gaivua lalai atatun rovoga gea be non ratahigi si habwea be mwa lol kunia mahavana be mwa dabagilu.

Leo Tavuha gabe Luk nu Ravae 2:29

“Ratahigi, gon lol nom tatauleo, kadogaha gov lin̄ dumwiau nom atatun rovoga nai van dagai lol tamwata.

1 Korin 1:8

Jisas Kraes vi haḡo wasi kimiu lol binihimwasigi vai votu nogonana, huribe giv melmelo lol taron non Gubwen̄i.

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

Filipae 1:10

be giv gitae dolua lol davolan tavuha i hantai i giv gita lua tavuha; be giv melmelo i nomiu vahalana vi sigai huri maiana non Kraes;

Filipae 2:15

Vuvuri giv melmelo i nomiu vahalana vi sigai. Giv vora ira nitun God be vahalana sigai. Take gim dogo mai sinombu lete i atat hahantai dalis kimiu, alolora gim ḡigita kun ira visiu lol mahao.

Filipae 3:20

Take mwasin vanuanda kea amare, i gida tam hohovi huri varahuda Ratahigi Jisas Kraes, be vi himai nin amare.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

1 Timoti 6:14

Gov lol hano be nan vevea lalainigo i gov haḡo wasinia vai votu be nonda Ratahigi Jisas Kraes vi mai mulei.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

Jemes 1:27

God mwa laiḡoḡo binihimwasigi be nu melmelo, i vahalana sigai binihimwasigi geki mwa domuai atatu be ramen gitaḡoro ira mandue, ira bwero be ram hahagavi huri buluiana i vi lolira rav melmelo dagai nin alen̄an rahuana ata lol ureure.

1 Pita 1:7

Ginau hahantai geki ram mai be ramen gitae be nom binihimwasigi garagusi nu melmelo. Melmelo non binihimwasigi nu marahi liu vatan̄oga, Gabe vi Seserainia gin gabi be nu melmelo i vi nogonogo dumwi. Take nomiu binihimwasigi garagusi vi lai lalai kimiu uloi roroai i binihimarahi lol taro be Jisas Kraes mwa seseraiana lalai kimiu.

2 Pita 3:1

Ira tuaku, geki gairuan avoana be nan ravae lalai kimiu be vi bului mwasigi binihimiu be giv vinihi dumwia.

2 Pita 3:16

Nu ravae huri ginau geki lol non avoana duluai. Ginau rituai lol avoana non Pol ran ririhai be tav iloe, i atatu be ram hav ilo te halana i ran mandamanda lol binihimwasigi ram bev avoana tentene huria. Kera mulei ram bev avoan tentene huri ira ravrava Sabuga dodolua, take kera ram lol kaburainira sibora lol taro be ram lol ginau geki.

1 Jon 3:3

Atatu duluai be ram haḡo doronhohov huri Kraes, rav melmelo kunia be Kraes nu melmelo.