2 Pita 2:3 - Hano Niu Testamen

³ Ira vagahi tentene kera geki ram doron nomiu homu, i kera rav haḡo kimiu i rav tentene lalai kimiu. Nora harahara ran avo vai alura tuai mwa mai radu i nora hantai mwa mwasigi.

2 Pita 2:3 ပူးပေါင်းရင်းမြစ်များ

Matiu 23:14

“Hahagavi lalai kimiu, ira vagahin Silo maira Varise! Kimiu ira hogoi ḡoro! Gim ḡan bahiru ira bwero aten imwara i gim lol tataro n̄ava be men gitana. Bwatuna geki silo vevegi lalai kimiu vi wasi liu!

Leo Tavuha gabe Luk nu Ravae 18:8

Nam bevea lalai kimiu be, vi vevev hurin non doroniva i vi lol vilvilehi nia? Take Nitun Atatu vi habwe dum binihimwasigi lol ureure lol mahava be vi mai?”

Leo Tavuha gabe Luk nu Ravae 20:20

Haḡe kera ram hohovi huri mahavana gabe vi dum lalainira. Ram bol atatu be ramen san Jisas gin avoan hudaligi tentene be men vinihi mwasigi huri be rav lin̄ dumwia vai lol muramura i roron̄o non Tomuai vevev ata Rom.

Leo Tavuha gabe Luk nu Ravae 22:47

Jisas mwa avo radu batena be tatan̄an sinombu mai Judas vwate ninira han̄vul domwan gairua mwa domuai bisirai sinombu gaivua, mwa mai sosori Jisas be men rimrimia.

Leo Tavuha gabe Jon nu Ravae 2:16

haḡe mwa bevea lalainira gabe ram salei manu be, “Gin lai dagainira nin ute geki! Gisav lol te imwan Tamaḡu gi tanon volvoligi!”

Ravrava non Pol lalai ata Rom 16:18

Atatu kunia ram hav lol te rovoga non Ratahigi Kraes ta ram lol ginau n̄ano be mwa hurin nora doroniva. Ram avo la avoan ravravwega i avoan lulumwu be ramen ḡalira be ram hav ilo te ginau lete.

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.

1 Tesalonaeka 2:5

Gim iloe be gam hav lol te ron̄oe be gav sogai kimiu gin avoan lumlumuhi huri kimiu. Gam hav lol te ron̄oe be gav lai nomai homu; nomai bugurana sigai be gav tahulinia nin kimiu. God mwa iloe be geki mwasigi.

1 Tesalonaeka 5:3

La mahavana be sinombu ram bevea be, “Gam dogo lol tamwata i gam rahu,” kera vi lol kaburainira. Vi vora kun gagarasi be mwa mai vilvilehi lalai vavine be mwa bav naturigi. Kera gea rasav romaragai te dumwi.

1 Timoti 3:3

Sihav mwin te lavoai waen sage si hav taltale tehe be men bwalo, take mwa du be vi maḡemu i vi lol dum tamwata, mwa hav dorodoron te homu.

1 Timoti 3:8

La hala n̄an gea, ira dikon atatu rav binihi marahinira, rasav vev te avoana be ran hantai. Kera rasav mwin te lavoai waen sage be rav lol ron̄oe be ramen ratahigiga gin hal tentene alun atat dodolua.

1 Timoti 6:5

sinombu kera geki ram bigaigai vataha mahavana. Binihira ran hantai i ram salai mwasigi. Ram binihia be lalaḡova lalai tagaro kea hala be rav rosoga.

Taetas 1:11

Kera gea rav mambu, bwatuna be ram lol ḡoro atatu duluai gin silo vagahi be rasav vagahi te ginia. Kera ram rosoga gin hal hantai be ram lolia lalai sinombu.

Taetas 1:7

Vwalaua non God tomuai, atatu be mwa hav vuroga tehe be vi lol bwatigoro be vi bugura sage vi lolhoro vilvilehi. Sihav mwin te daltalei waen, be vi doron be men bwalo, sa vi lol ron̄oe be vi rosoga alun hal lete alun atat dodolua.

1 Pita 2:8

Mulei, Kea haḡea, “Vatu be mwa lol atatu ram daturai, Vatu be mwa lolira ram hovi.” Ram daturai bwatuna be ram hav tabe te havana be God mwa bevea, Kea haḡea havanau be God nu lol vatuvwai nira be vi loli lalai nira.

1 Pita 5:2

ira gitaḡoro i vatugigi non God, i hurira be gim ḡitaḡorora. Giv gitaḡorora bwatuna kimiu mulei gim doron, mwa hav vorate bwatuna be ram ḡaroi bonogai kimiu. Geki haḡea kun hanigi God mwa doronia. Giv lolia bwatuna be kimiu gim ron̄ mwandavuha be giv bulbului kimiu, mwa hav vorate huria be gim doron homu.

2 Pita 1:16

Lol taro be gan vevea lalai kimiu huri muramuran maiana non Kraes nonda Ratahigi Jisas Kraes, Kamai gan hav vev te vevuri mataisaoga n̄ano be mwa mai nin binihin atatu gaituvwa. Take kamai gan gita ute lavoa non Jisas gin matamai sibomai.

2 Pita 2:1

Tuai nu vora atatun vev sera dentene lol sinombu non God, kunia n̄an be kimiu ira vagahi tentene rituai abena lol nomiu tatan̄ana. Kera rav hili ba bagahi ginau be ran hav vavtutu tehe---vagahi be rav lol atatu rav sala. Kera mulei rav varihai didi lai Ratahigi Jisas, Be nu vol mulei nora togoan mwaribwesi. Kera rav lol hantai vilvilehi nira sibora.

2 Pita 2:9

Ratahigi nu iloe kun hanigi haḡea be vi varahura gabe ran lol rovoga lalainia lol taro hantai be vi mai. Kea vi haḡo atat bwatigoro i vi vevegira, Lol taro be ram hohovi huri gubwen̄in Silo Vevegi.

Ravrava nin Jud 1:11

Vi hantai maragai hurira. Ran huri hala non Ken, i ran lol ginau vahala kun Balam huri homu. Ram bwalo vai alun God kun Kora be nu lolia, i vi lol kaburainira kun Kora.

Ravrava nin Jud 1:15

men vevegi atatu n̄oto be ram hav doron te God huri ginau hantai duluai be ran lolia vai aluna. I vi lol ḡagaras ira atat vuroga be ram buroga vai alun God i huri ginau hantai duluai be ram bevea vai aluna.”

Ravrava nin Jud 1:16

Atatu kerageki ram av wasi i ram dultuli mai vai la kera dodolua, ram lol ginau vahala be ram doron be rav lolia. Ram av ravravwega hurira sibora, i ram lol alen̄ wasi maia atat dodolua be ramen lol hano be ram doronia.

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.

Ravrava nin Jud 1:7

Mulei giv vinihi dum ira bwatutun Vanua Sodom i Komora i ira bwatutun vanua dodolua dalisira, ira atatuna ran lolia kun ira enjel kerageki be ram lol alen̄ hahantai lol davolan vavine i atamwani: vevegin gabi be ran van sivinia mwa bora malele lalai gida duluai be tav gitae.