2 Pita 2:20 - Hano Niu Testamen

²⁰ Kera ram maribwesi huba nin bwatigoro lol ureure i ram ilo non Ratahigi i varahuda Jisas Kraes. Take kebe rav tabagilu lol bwatigoro i ginau kera gea rav tomuai nira, i ginau geki vi hantai vi liu ninia amua.

2 Pita 2:20 ပူးပေါင်းရင်းမြစ်များ

Filipae 3:19

I la nogonana, rai vora vina kaburai. Ram lol hano n̄ano be rebehira mwa doronia, ram sasagerega huri nora rovogan busbusiana, i ram binihi huri ginau ata lol ureure n̄ano be vi vora nora god.

2 Timoti 2:4

Atatun bwaloana mwa doron be vi lol samsamwarai non tomuai huria, be ihei tehe be mwa lol rovoga lol tanon bwaloana sihav sabwelei te non taro mai ginau ata vataha gubwen̄i.

Jemes 1:27

God mwa laiḡoḡo binihimwasigi be nu melmelo, i vahalana sigai binihimwasigi geki mwa domuai atatu be ramen gitaḡoro ira mandue, ira bwero be ram hahagavi huri buluiana i vi lolira rav melmelo dagai nin alen̄an rahuana ata lol ureure.

2 Pita 1:11

I kimiu giv lai laiḡoḡo gaivua vai alolon ute ratahigi non nonda Ratahigi i varahuda Jisas Kraes vai tuai i tuai.

2 Pita 1:2

Hogoi i tamwata vi laiana lalai kimiu vi mauri vi liu, bwatuna be kimiu mwasigi gim ilo God i Jisas nonda Ratahigi.

2 Pita 1:3

Jisas nu haḡo muramura non God, i kea haḡea nu lai ginau duluai lalai gida be tam doronia huri rahuana i be tav lol rovoga lalai God. Gida tam haḡo ginau kera geki bwatuna be tam iloe. Jisas mwa uloi gida gin non sarisari i non tavuha.

2 Pita 1:4

Sivi ginau kera geki nu lai lalai gida ira tatauleo Wasi i tavuha. Mai hogoi kera geki kimiu giv betea i giv kun God, i ureure sihav lol te dum hantai kimiu mai non doroniv bwatigoro.

2 Pita 1:8

Kebe ginau duluai geki mwa du alolomiu i ram mauri, kera haḡea rav bului kimiu be giv lol rovoga tavuha lol nomiu ilo ute lol nonda Ratahigi Jisas Kraes.

2 Pita 2:18

Ram bev avoan sasagerega be binihiva ata alolona sigai. Gin nora doroniv bwatigoro ram domuai sinombu vai alolon vidin vuro---atatu be ram siv tau bwatuna be ramen romaragai nin atatu be ram dogo lol vahalana.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.