2 Pita 2:19 - Hano Niu Testamen

¹⁹ Ram datauleo lalainira be rav maribwesi, take kera sibora ram hav maribwesi tehe. Kera ram bora turin rovoga huri ginau be vi lolian kaburai. Huri atatu ram bora atat vauhi huri havanau tehe be mwa domuai nira.

2 Pita 2:19 ပူးပေါင်းရင်းမြစ်များ

Leo Tavuha gabe Jon nu Ravae 8:34

Jisas mwa bevea lalainira be, “Nam bev mwasigi lalai kimiu be, atatu duluai gabe ram buroga ram bora turin rovoga non vuro.

Lalaḡova 19:16

Haḡe wani gabe vui hantai alolona mwa muramuraga i mwa wehi hantainira ram dadaga vai votu be mwa haravira duluai. I kera ram mwalue nin imwana ram ḡagarui dagara i gaisagara ran mahehera kaburai.

Kelesia 5:1

Tam haḡo maribwesi kadogaha, bwatuna be Kraes nu lol gida gi atat maribwesi. Giv tu wasigi. Gisav leahi tehe i ba ban mulei lol vauvauhi non silo.

Kelesia 5:13

Ira tuaku, God nu uloi kimiu huba gi atat mwaribwesi, take gisav haḡo te nomiu ribwesiva gi hala vwate be vi lol kimiu gi atat vuroga sibomiu. Giv lol rovoga lalai kimiu sibomiu gin lolotabetabe.

2 Timoti 2:26

I rav mamata rav romaragai nin Vidi non Setan, be mwa haḡo dumwira be rav lol hano be mwa doronia.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

1 Pita 2:16

Giv lin̄ kamai gi atat maribwesi, take gisav haḡo te nomiu maribwesi kun be ginau vwate be gimen lol alen̄ lete. Giv togo kun abe turin rovoga non God.

2 Pita 1:4

Sivi ginau kera geki nu lai lalai gida ira tatauleo Wasi i tavuha. Mai hogoi kera geki kimiu giv betea i giv kun God, i ureure sihav lol te dum hantai kimiu mai non doroniv bwatigoro.

2 Pita 2:20

Kera ram maribwesi huba nin bwatigoro lol ureure i ram ilo non Ratahigi i varahuda Jisas Kraes. Take kebe rav tabagilu lol bwatigoro i ginau kera gea rav tomuai nira, i ginau geki vi hantai vi liu ninia amua.