2 Pita 2:18 - Hano Niu Testamen

¹⁸ Ram bev avoan sasagerega be binihiva ata alolona sigai. Gin nora doroniv bwatigoro ram domuai sinombu vai alolon vidin vuro---atatu be ram siv tau bwatuna be ramen romaragai nin atatu be ram dogo lol vahalana.

2 Pita 2:18 ပူးပေါင်းရင်းမြစ်များ

Lalaḡova 2:40

Haḡe Pita mwa avo lalainira alun mwasigi gin avoana wasi mwa bevea lalainira be, “Giv hiḡe rahuana sibomiu nin silo vevegi be mwa hivo alun atat hantai kera geki.”

Lalaḡova 8:9

Atatu vwate aia ihana Saimon nu lol sinombu ata Samaria gin non vui son̄son̄o. I mwa bevea sibona be kea atat gaivua vwate,

Ravrava non Pol lalai ata Rom 13:13

Tav togo la alen̄ vavtutu, kun atatun ute rani. Ta sav la te bulbulu huri mwinmwin daltale huri ginau hantai. Atamwani mai atamwani rasav lol te bwatigoro ginginira sa vavine mai vavine. Bwaloana visigai mai binbinihi hantai.

Ifisas 4:17

Nam bevea lalainigo geki be la ihan Ratahigi, rahumiu sihav togo rahurahu kun ira len̄len̄aga be nora binbinihi nu hav dadariha tehe.

2 Tesalonaeka 2:4

Kea si hav ron̄ te hano be vi veveana i vi taua sibona amare la ginau duluai gabe mwa uloiana be god sage havanau be sinombu ram uloi roroainia. I vuison̄son̄o gea vi haroro mulei lol imwa gogonai non God i vi togo aia i vi vevea be kea God.

Jemes 5:5

Rahumiu lol ureure nu masiri gin roso mai doroniva duluai be gim doronia. I ginau duluai be gim doronia giv lol dumwia. Kimiu gim buburu take gim len̄a be gubwen̄i gea gubwen̄in wehiwehi atatu.

2 Pita 1:4

Sivi ginau kera geki nu lai lalai gida ira tatauleo Wasi i tavuha. Mai hogoi kera geki kimiu giv betea i giv kun God, i ureure sihav lol te dum hantai kimiu mai non doroniv bwatigoro.

2 Pita 2:14

Vataha mahavana ram ḡita vavine be ram doronia, i nora doroniva huri vuro mwa hav haraharai tehe. Ran tomuai sinombu be ran mandamanda vai lol vidin vuro, i ran Vagahi sibwen̄ira be rav doron liu. God vi vevegira!

2 Pita 2:2

Ivusi rav huri nora hal bwatigoro i ram bev avoan hahantai huri hala be nu mwasigi.

2 Pita 2:20

Kera ram maribwesi huba nin bwatigoro lol ureure i ram ilo non Ratahigi i varahuda Jisas Kraes. Take kebe rav tabagilu lol bwatigoro i ginau kera gea rav tomuai nira, i ginau geki vi hantai vi liu ninia amua.

2 Pita 2:7

Take nu varahu Lot nin ira bwatun Vanua kera geki. Lot, atat tavuha, nu ron̄ mwahantai bwatuna rahuan hantai huri atat bwatigoro.

2 Pita 3:17

Ira tuaku, mulei be gin ron̄oe huri ginau geki, giv gitaḡoro. Gisav lin̄ te ira atat bwatigoro be rav tomuai dagai kimiu gin alen̄ lete be ram lolia. Giv gitaḡoro bere gim hovi nin nomiu binihimwasigi wasi.

Ravrava nin Jud 1:13

Ram bora kun navo turu ata lol tahi, be ram domare la lalan̄an rerena mahaḡea. Ram bora kun visiu be mwa lago daltaligi lol mahao be gubwen̄ vwate God vi taua lol ute meton mateana be mwa du vatuvwai hurira vai tuai.

Visirai 13:11

Haḡe nam ḡita ginau rahu vwate mulei be mwa mwalue nin tano, i mauana gairua kun mauan nitui sipsip, i mwa avo kun drakon.