2 Pita 2:14 - Hano Niu Testamen

¹⁴ Vataha mahavana ram ḡita vavine be ram doronia, i nora doroniva huri vuro mwa hav haraharai tehe. Ran tomuai sinombu be ran mandamanda vai lol vidin vuro, i ran Vagahi sibwen̄ira be rav doron liu. God vi vevegira!

2 Pita 2:14 ပူးပေါင်းရင်းမြစ်များ

Matiu 12:34

Kimiu kun teltele! Kun hanigi giv vev ginau tavuha, be kimiu gin hantai? Bwatuna bwan̄o mwa bev lua ginau gabe lolona nu masiri ginia.

Matiu 23:14

“Hahagavi lalai kimiu, ira vagahin Silo maira Varise! Kimiu ira hogoi ḡoro! Gim ḡan bahiru ira bwero aten imwara i gim lol tataro n̄ava be men gitana. Bwatuna geki silo vevegi lalai kimiu vi wasi liu!

Matiu 25:41

“Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Matiu 5:28

Ita inau nam bevea lalai kimiu be, ihei atamwani mwa ḡita vavine mwa doron be si vahala maia, kea mwa daḡataḡa huba lol lolona.

Leo Tavuha gabe Mak nu Ravae 13:22

Bwatuna Kraes tentene i atatun vevsera tentene rai visirai i rav lol dovon̄ana i taro ririhai huri be si dumwi ta rav salainira gabe God nu gita luara.

Leo Tavuha gabe Jon nu Ravae 5:44

Gim doron be gimen to ba lai avoan tavtavuha nin kimiu mahaḡea sibomiu, ta gim hav lol te ron̄oe be gimen lol ginau be God sibona men ron̄ mwandavuha gin kimiu. Haḡe giv binihimwasigi dum haniniau?

Ravrava non Pol lalai ata Rom 16:18

Atatu kunia ram hav lol te rovoga non Ratahigi Kraes ta ram lol ginau n̄ano be mwa hurin nora doroniva. Ram avo la avoan ravravwega i avoan lulumwu be ramen ḡalira be ram hav ilo te ginau lete.

1 Korin 11:19

(Si tavuha be gis haḡo alen̄ lealea alolomiu huribe vi melmelo be ihei haḡea mwa lol doroniva non God.)

Ifisas 2:3

Lol taro tuai gida tan togo kunira, tan lol ron̄oe be tamen samwarai nonda doroniva siboda i be tamen lol ginau duluai be rebehida i binihinda mwa doronia. Tas ron̄ ḡagarasi gin lolhoro non God bwatuna alen̄a be tam dogo aluna. Gida tan ḡun sinombu dodolua n̄an mulei.

Ifisas 4:14

I sihav n̄ava tehe gida tas hav mom bora te kun naturigi mulei. Tasav vora te kun waḡa be mwa halahala dadaligi navo mwa bohainia ban mwa mai. Sihav avte lumlum gida gin silo vagahi gara duluai gam ron̄oe non sinombu be ram lol ron̄oe be ramen saruruhi kamai. Ram dari halana i ram lol ron̄ hal saruruhi be men ruruhi sinombu vai alolon halan salana.

Kolosi 2:18

Gosav lin̄ te atatu vwate be vi vevegigo huribe atatu keragea ram binihi sagera huri kera ira mataigigila i ram ḡogonai ira enjel. Bwatbwatun nora binihiva sigai i ram ravravwega huribe binihin atatu n̄ano.

2 Pita 2:18

Ram bev avoan sasagerega be binihiva ata alolona sigai. Gin nora doroniv bwatigoro ram domuai sinombu vai alolon vidin vuro---atatu be ram siv tau bwatuna be ramen romaragai nin atatu be ram dogo lol vahalana.

2 Pita 2:3

Ira vagahi tentene kera geki ram doron nomiu homu, i kera rav haḡo kimiu i rav tentene lalai kimiu. Nora harahara ran avo vai alura tuai mwa mai radu i nora hantai mwa mwasigi.

2 Pita 3:16

Nu ravae huri ginau geki lol non avoana duluai. Ginau rituai lol avoana non Pol ran ririhai be tav iloe, i atatu be ram hav ilo te halana i ran mandamanda lol binihimwasigi ram bev avoana tentene huria. Kera mulei ram bev avoan tentene huri ira ravrava Sabuga dodolua, take kera ram lol kaburainira sibora lol taro be ram lol ginau geki.

1 Jon 2:16

Nonda binihiv hahantai duluai geki mwa mai nin ureure, binihiva nan doroniva huri rebehi, doronivanan matada, i doronivanan roso. Ginau kera geki vwate mwa hav mai tehe nin God.

Ravrava nin Jud 1:11

Vi hantai maragai hurira. Ran huri hala non Ken, i ran lol ginau vahala kun Balam huri homu. Ram bwalo vai alun God kun Kora be nu lolia, i vi lol kaburainira kun Kora.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.