2 Pita 2:13 - Hano Niu Testamen

¹³ Kera ran lol sinombu be rav ron̄ ḡagarasi, i kera sibora rav ron̄ ḡagarasi. Geki volira huri havanau be ran lolia. Ran hav busbusi tehe be rav lol bahala lol ute melmelo lolmatan sinombu, i kera ram bora kun totoa bibili i han̄ora lol davolamiu. Ram ron̄ mwandavuha tentene lol taro be ram ḡan ginau mai kimiu.

2 Pita 2:13 ပူးပေါင်းရင်းမြစ်များ

Ravrava non Pol lalai ata Rom 13:13

Tav togo la alen̄ vavtutu, kun atatun ute rani. Ta sav la te bulbulu huri mwinmwin daltale huri ginau hantai. Atamwani mai atamwani rasav lol te bwatigoro ginginira sa vavine mai vavine. Bwaloana visigai mai binbinihi hantai.

Ifisas 5:27

Kea nu mate huribe kea vi lai uloilua lalainia sibona kun vavin lagi mwa ḡabui rebehina sibona. Kea nu mate huribe uloilua vi melmelo dumwi i vurona vi sigai.

Filipae 3:19

I la nogonana, rai vora vina kaburai. Ram lol hano n̄ano be rebehira mwa doronia, ram sasagerega huri nora rovogan busbusiana, i ram binihi huri ginau ata lol ureure n̄ano be vi vora nora god.

2 Timoti 4:14

Aleksanda be atatun rovoga vwate be nu lol ginau hantai ivusi lalaiau. God vi vevegia huri hano be nu lolia.

Jemes 5:5

Rahumiu lol ureure nu masiri gin roso mai doroniva duluai be gim doronia. I ginau duluai be gim doronia giv lol dumwia. Kimiu gim buburu take gim len̄a be gubwen̄i gea gubwen̄in wehiwehi atatu.

1 Pita 4:4

Ira len̄len̄aga ram binihia be geki ginau dan̄an̄a be kimiu gim hav lol te ginau hahantai be ram lolia, i kera ram bev avoan hahantai huri kimiu.

2 Pita 2:15

Ira vagahi tentene kera geki ran derai mwasin hala i ram sala, i ram huri hala be Balam nu huria. Balam kea nitun Beo, gabe nu doroni be rav volia huri lol bahala.

Visirai 18:6

Vi lolia lalainia kun gabe kea nu lolia lalai atat dodolua. Vi volia varua mulei amare aluna be nu lolia. Giv hogon bamasiri non pankeni gin waen be nu wasi liu, be wehiwehina nu wasi varua aluna amare be nu laia lalai kimiu.