2 Pita 2:1 - Hano Niu Testamen

¹ Tuai nu vora atatun vev sera dentene lol sinombu non God, kunia n̄an be kimiu ira vagahi tentene rituai abena lol nomiu tatan̄ana. Kera rav hili ba bagahi ginau be ran hav vavtutu tehe---vagahi be rav lol atatu rav sala. Kera mulei rav varihai didi lai Ratahigi Jisas, Be nu vol mulei nora togoan mwaribwesi. Kera rav lol hantai vilvilehi nira sibora.

2 Pita 2:1 ပူးပေါင်းရင်းမြစ်များ

Matiu 10:33

Kunia mulei ihei tehe mwa bevea lalai sinombu be kea mwa barihaiau, inau mulei nai varihainia aben Tamaḡu amare.

Matiu 24:11

Haḡe atatun vevsera tentene ivusi rav visirai i rav ruruhi sinombu ivusi.

Matiu 24:24

Bwatuna Kraes tentene i atatun vevsera tentene rai visirai i rav lol dovon̄a i taro ririhai be ramen salainira gabe God nu gita luara, be si dum.

Matiu 24:5

Bwatuna be atatu ivusi rav mai lol ihaku, rai vevea be, ‘Inau haḡea Kraes!’ i rav ruruhi sinombu ivusi.

Matiu 7:15

“Giv gitaḡoro ira atatun vevsera tentene. Ram mai abemiu kun boe mamavu. Take alolora kera kun vwiriu turu.

Leo Tavuha gabe Mak nu Ravae 13:22

Bwatuna Kraes tentene i atatun vevsera tentene rai visirai i rav lol dovon̄ana i taro ririhai huri be si dumwi ta rav salainira gabe God nu gita luara.

Leo Tavuha gabe Luk nu Ravae 12:9

Take be ihei tehe mwa bevea lalai sinombu be kea mwa barihaiau, inau Nitun Atatu nav varihainia mulei la lolmatan ira enjel non God.”

Leo Tavuha gabe Luk nu Ravae 21:8

Haḡe Jisas mwa bwaliura mwa bevea be, “Giv gitaḡoro; nin ruruhiana. Bwatuna atatu ivusi rav mai lol ihaku rav vevea be, ‘Inau haḡea! Mahavana mwa mai haḡea!’ Take gisav hurira tehe.

Leo Tavuha gabe Luk nu Ravae 6:26

“Hagavi lalai kimiu batena sinombu ram bev tavuhai kimiu bwatuna be ira sibimiu ran lol n̄an kunia lalai ira atatun vevsera dentene.”

Ravrava non Pol lalai ata Rom 16:18

Atatu kunia ram hav lol te rovoga non Ratahigi Kraes ta ram lol ginau n̄ano be mwa hurin nora doroniva. Ram avo la avoan ravravwega i avoan lulumwu be ramen ḡalira be ram hav ilo te ginau lete.

1 Korin 11:19

(Si tavuha be gis haḡo alen̄ lealea alolomiu huribe vi melmelo be ihei haḡea mwa lol doroniva non God.)

1 Korin 6:20

bwatuna be God nu tavwego gin volimwa la tovtovo i kunia gov gogonai God gin rebehimwa.

1 Korin 7:23

Kimiu duluai nu vol marahi kimiu, i gisav vora te turin rovoga non atatu.

Kelesia 2:4

Gam bev ginau vahala geki bwatuna be atat binihimwasigi tentene rituai ran mai dahuligi lol nomai tatan̄ana. Ran mai kun gabe atat gita surai be ramen tul burigai mwasigi lol Kraes Jisas. Ran doron be ramen lol kamai i ira turin rovoga.

Kelesia 3:13

Kraes nu lai dagai silo vevegi be silo nu taua aluda. Mwa leahi ute mai gida i mwa daua sibona halaten vevegi gea. Mwa ravana lol ravrava sabuga be, “Ihei tehe be rebehina mwa seserainia la bwatungai kea vi lai vevegi.”

Kelesia 4:17

Atatu keragea ram lol rovoga hahavwani be rav leahi kimiu be giv van burigai kamai i giv hurira n̄ano.

Kelesia 5:20

gogonai nun vatu, ram lol gabwaleva, ram binbinihi hantai, ram lolhoro, ram bugubugura, ram lol atatu ram lolhoro ginginira, ram lol harabora lol davolan atatu,

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Ifisas 4:14

I sihav n̄ava tehe gida tas hav mom bora te kun naturigi mulei. Tasav vora te kun waḡa be mwa halahala dadaligi navo mwa bohainia ban mwa mai. Sihav avte lumlum gida gin silo vagahi gara duluai gam ron̄oe non sinombu be ram lol ron̄oe be ramen saruruhi kamai. Ram dari halana i ram lol ron̄ hal saruruhi be men ruruhi sinombu vai alolon halan salana.

Filipae 3:19

I la nogonana, rai vora vina kaburai. Ram lol hano n̄ano be rebehira mwa doronia, ram sasagerega huri nora rovogan busbusiana, i ram binihi huri ginau ata lol ureure n̄ano be vi vora nora god.

Kolosi 2:18

Gosav lin̄ te atatu vwate be vi vevegigo huribe atatu keragea ram binihi sagera huri kera ira mataigigila i ram ḡogonai ira enjel. Bwatbwatun nora binihiva sigai i ram ravravwega huribe binihin atatu n̄ano.

Kolosi 2:8

Gov iloe be atatu vwate si hav tomuai te dagainigo gin silo vagahi tentene gabe mwa mai nin atatu n̄ano, be mwa mai nin ira Vui hantai ata lol ureure geki, i vorate nin Kraes.

1 Timoti 5:8

Ihei tehe be mwa hav gitaḡoro te rahun ira havana sibona, liuhage ata lol mwasin imwana, kea mwa ban burigai binihimwasigi garagusi i kea nu hantai liu wani be mwa hav binihi te mwasigi God.

2 Timoti 4:3

Bwatuna be taro vi mai, batena be sinombu tasav mom roron̄tai tehe huri silo vagahi mwasigi. Rav huri havanau be nora doroniva mwa doronia sibora. Ram hiḡehiḡe huri ira vagahi dodolua, be ram bev ginau lalainira vataha ginau be kera ram doronia huba.

Taetas 1:11

Kera gea rav mambu, bwatuna be ram lol ḡoro atatu duluai gin silo vagahi be rasav vagahi te ginia. Kera ram rosoga gin hal hantai be ram lolia lalai sinombu.

Taetas 3:10

Atagun muan avoan vavanoi i gairuan avoana, tu dagai nin ihei be mwa bwativuga vigaigaiana.

Hibru 10:29

Ke kun hanigi huri atatu be mwa lai binihiv hantai huri Nitun God? Binihin atatu kera gea mwa hantai huri dagan tatauleo non God be vi lol dum melmeloinira nin vurora? Ram bevea be daga gea kea ginau vuroi n̄ano i ram av hantai vai alun hogoi non Vui Sabuga? Atatu gea non vevegi vi wasi liu!

1 Pita 1:8

Kimiu gim hav gita te Kraes, take gim dabea radu. Gisav gita te dumwia Kadogaha, take gim binihimwasigi nia. Haḡe kimiu giv masiri gin samwarana be sihav veveana te dumwi, samwarana be nu masiri gin sarisari.

2 Pita 2:3

Ira vagahi tentene kera geki ram doron nomiu homu, i kera rav haḡo kimiu i rav tentene lalai kimiu. Nora harahara ran avo vai alura tuai mwa mai radu i nora hantai mwa mwasigi.

1 Jon 2:26

Nam ravae gi avoan dura lalai kimiu huri sinombu kera gea be ram domuai bwarebware kimiu.

1 Jon 4:1

Ira noḡu buluana, gisav vinihi te mwasigi kera be ram bevea be ram haḡo Vui Sabuga, take giv haḡo ron̄ora be vui be ram haḡoe mwa mai nin God. Ira atatun vevsera tentene ivusi ram ban lol ureure duluai.

Ravrava nin Jud 1:18

Ran vevea lalainigo be, “La nogonan taro, vi vora atatu be ram manuhi God, ram huri nora doroniva sibora be nu vahala la silo non God.”

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.

Visirai 13:14

Haḡe mwa ruruhi sinombu duluai be mwa dogo lol ureure, ginia be God mwa mahin̄ainia mwa lol ginau dan̄an̄a i tagaro la lolmatan muan ginau rahu gea. I kea mwa bevea lalainira be rav tai nunu vwate gabe nunun muan ginau rahu gabe ran saria gin buan bwaloana take mwa rahu mwa dogo radu, be kera rav gogonainia.

Visirai 2:13

Inau nam ilo tanomiu huba gea lol vanua Pekamam, gabe Setan mwa lolia kun gabe kea ratahigi lavoa ḡoroe huba. Kimiu gim haḡo wasi ihaku radu, i mahavana be kera ram wehi mwasin gaituraku Antibas, mwa mate la bwatutun vanuamiu, gabe Setan mwa domua ḡoroe huba, take alen̄amiu huri binihimwasigi garagusi gisav tahuli te dumwia giniau.

Visirai 2:9

Nam ilo nomiu vahalana huba la vanua Smana. Nam iloe be kimiu gim hiruga, take mwasigi be kimiu ira ratahigin roso. I nam ilo nora avoan hahantai gea be ram avo vai alumiu. Ram bevera be kera ira Jius, take ram la ram dentene. Nora imwa tataro imwan Setan tavuhai haḡea.

Visirai 3:8

Nam ilo alen̄amiu ata Viladelvia i nam iloe be nomiu muramura kolo n̄ano, take gim haḡo batugehi noḡu avoana, i gim hav sigi te ihaku be kimiu noḡu atatu. Nam havan̄ gatava lol matamiu, gabe atatu vwate sihav goro te dumwia.

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.

Visirai 6:10

Ram haharigi gin silo gaivua ram bevea be, “Ratahigi God mwasin roron̄o, sabuga i mwasigi! Gosav mom hohovi tehe, goi vevegi sinombu ata lol ureure, ba lai silo vevegi lalainira, huri be ran wehi bamat kamai.”