2 Pita 1:8 - Hano Niu Testamen

⁸ Kebe ginau duluai geki mwa du alolomiu i ram mauri, kera haḡea rav bului kimiu be giv lol rovoga tavuha lol nomiu ilo ute lol nonda Ratahigi Jisas Kraes.

2 Pita 1:8 ပူးပေါင်းရင်းမြစ်များ

Matiu 13:22

Biri gabe mwa hovi lol ḡauli, nu ḡun atatu gabe mwa ron̄ avoana, take kalkalianan ureure i doroniva non rosomiu mwa haravui avoana tavuha be nu ron̄oe, i mwa hav vwae tehe.

Matiu 20:3

La alo gaisivo mwa bano mulei lol saran volvoligi, i mwa ḡita atatu rituai ram du len̄len̄a radu,

Matiu 20:6

I mwa abena gin alo gailima mwa bano mulei lol saran volvoligi, i mwa ḡita atatu rituai ram du len̄len̄a radu. Haḡe mwa hudalinira be, ‘Huri hano gim du bobonogai teti gubwen̄i duluai?’

Matiu 25:26

“Haḡe non ratahigi mwa bevea lalainia be, ‘O, giḡo atatun rovoga hantai i bwatiḡoru! Gom iloe huba be inau nam lalai gaku ginau lol ute loloara gabe barabe nan lol rovogana, i nam ḡan vwae gai gabe barabe nan rivua.

Leo Tavuha gabe Jon nu Ravae 15:2

Mwa dai n̄andu rarana duluai niniau gabe ram hav vwavwae tehe, i mwa bagaha rarana duluai gabe ram bwavwae, huribe vi melmelo tavuhai ba bwaevwae bilin̄ai.

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Leo Tavuha gabe Jon nu Ravae 5:42

Ta nam iloe be kimiu atat hanigi, i nam iloe be gim hav tabe te God lol lolomiu.

Ravrava non Pol lalai ata Rom 12:11

Gosav bwatiḡoruga tehe ta gov lol rovoga hahavwani, gov gogonai God gin lolomwa duluai.

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

2 Korin 13:5

Giv gitagita tavuhai kimiu sibomiu. Giv haḡo ron̄ kimiu giv gitae be gim dogo lol binihimwasigi garagusi. Gim iloe be Kraes Jisas kea alolomiu be gim hovi be giv haḡo ron̄ kimiu.

2 Korin 8:2

Nu haḡo ron̄ora gin taro ririhai lalavoa, i ram hiruga. Take ram lai hogoi liu bwatuna be ram samsamwara.

2 Korin 8:7

Gin rosoga gin ginau duluai lol binihimwasigi garagusi, lol avoana, lol iloute, alolona be gin doronia mwasigi be giv bului, i lol lolotabetabe gin huhuinia nin kamai. Lol hala n̄an gea, giv wasi mulei lol vatavuha huri hogohogosi.

2 Korin 9:14

I batena be ram dataro, kera rav doron be ras togo mai kimiu bwatuna be hogoi gaivua non God nu laia huba lalai kimiu.

Filipae 1:9

Geki haḡea noḡu tataro huri kimiu: be nomiu lolotabetabe vi mauri liu maragai; be giv haḡo iloute i giv ilo halana mai git batoi,

Filipae 2:5

Lol rahumiu giv binbinihi i giv lalaḡo kun Kraes Jisas.

Filipae 3:8

Mwa hav vora te huri ginau n̄an kera gea, take nan binihia be ginau duluai tavuhara sigai be tav dadarihainira mai iloilo huri Kraes Jisas noḡu Ratahigi. Hurira, nam lin̄ ginau duluai kera gea i kadogaha nam iloe be kera han̄ora. Geki mahin̄aiau be nav lai Kraes

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Kolosi 2:7

Giv tau bwatbwatumiu vi roro aluna i giv lol rahumiu vi mauri aluna. Giv tu wasi lol binihimwasigi garagusi, kun be gin lai silo vagahina, i giv masiri gin tabeana.

Kolosi 3:16

Giv lin̄ silo vagahi non Kraes vi togo mai kimiu tagaro. Giv haḡo mataisao n̄oto be giv vagahi i giv iloilo kimiu be giv lol iboi, iboin tataro mai iboi sabuga gin avoan avkari lol irubwimiu lalai God.

1 Tesalonaeka 3:12

Nam dataro be Ratahigi vi lol nomiu lolotabetabe vi mauri liu i vi mauri huri kimiu gaitutuvwai i huri sinombu duluai huri be giv lolotabetabe kera dodolua kunia be kamai gam dabe kimiu.

1 Tesalonaeka 4:1

Ira tuaku, gan vagahi kimiu be hanigi giv togo la hala be God vi samsamwara ginia, i kimiu gim dogo alun hala gea. Kadogaha gam hudaligi i gam avdura kimiu lol Ratahigi Jisas be giv togo la hala gea vi liu.

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

1 Timoti 5:13

Kunia mulei, ram huhuinia be rav sabwelei nora taro, ram batvataha imwa. Ram hav sabwelei te nora taro n̄an take mulei ram dau bwatuna ram hun̄ahun̄a i ram habwe sibora nin atat dodolua be ram daura sibora la rovoga hahavwani, ram bev ginau be mwa du be rasav vevea tehe.

Taetas 3:14

Nonda sinombu ran huhuinia be rav lai rahura huri lalaḡov tavuha be mwa lai havanau huri nora togoan tavuha be sihav hantai tehe.

Filimon 1:6

Nam dataro be binihimwasigi be gom hogoinia vi loligo gov iloe huri vatavuha duluai be gam laia nin Kraes.

Hibru 6:12

I gan hav doron tehe be giv bwatiḡoruga. Take kamai gam doron be giv huri alen̄ara gea be ram binihimwasigi wasigi i nora binihiva n̄an̄ava, i rav lai dum havanau be God nu tatauleo be vi laia lalainira.

2 Pita 1:2

Hogoi i tamwata vi laiana lalai kimiu vi mauri vi liu, bwatuna be kimiu mwasigi gim ilo God i Jisas nonda Ratahigi.

2 Pita 1:3

Jisas nu haḡo muramura non God, i kea haḡea nu lai ginau duluai lalai gida be tam doronia huri rahuana i be tav lol rovoga lalai God. Gida tam haḡo ginau kera geki bwatuna be tam iloe. Jisas mwa uloi gida gin non sarisari i non tavuha.

2 Pita 2:20

Kera ram maribwesi huba nin bwatigoro lol ureure i ram ilo non Ratahigi i varahuda Jisas Kraes. Take kebe rav tabagilu lol bwatigoro i ginau kera gea rav tomuai nira, i ginau geki vi hantai vi liu ninia amua.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.