2 Pita 1:6 - Hano Niu Testamen

⁶ be iloute mwa dogo huba giv bulusia gin binihiv bahivoi; be binihiv bahivoi mwa dogo huba giv bulusia gin maḡemu; be maḡemu mwa dogo huba giv bulusia gin rovoga non God;

2 Pita 1:6 ပူးပေါင်းရင်းမြစ်များ

Leo Tavuha gabe Luk nu Ravae 21:19

Giv tu wasigi i giv varahu kimiu sibomiu.”

Leo Tavuha gabe Luk nu Ravae 8:15

Biri gabe ram hovi lol mwasin tano mwa du huri ira hei gabe ram ron̄ avoana i ram ḡoḡoi ḡoroe gin mwasigi i lolotavuha, i ram du wasigi vaivotu ram bwae.”

Lalaḡova 24:25

Take mahavana be Pol mwa bev rahurahuinia, mwa avo alun haltavuha, i halan tomuai, i gubwen̄in maiana huri vevegi, kunia Vilikis mwa matagu mwa bevea be, “Nu tavuha be gov mwalue haḡea kadogaha. I nav siv uloi te muleinigo be vi dumwi.”

Ravrava non Pol lalai ata Rom 15:4

Ginau duluai be nu ravana tuai nu ravae be vi vagahi gida. Ravrava sabuga mwa lol gida tam lin̄ maḡemu i mwa lai avoan dura lalai gida huri be vi lol gida tav doronhohov.

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

Ravrava non Pol lalai ata Rom 8:25

Take tam dau nonda doronhohov huri ginau be nonda sigai radu, i tam hohovia gin sine maḡemu.

1 Korin 9:25

Kera duluai be ram rovo lol taron rovoana, ram n̄aitai gin nora muramura be rav harav ira tuara. Tabeana gea kea ginau n̄ano ata lol ureure be mwa dogo vwelvwele n̄ano, take nonda na tabeana si hav lolian te kaburai dumwi.

2 Korin 6:4

Take la hala duluai gam seserainia be kamai atatun rovoga non God: aluna be gam damei ginau ririhai, i lol hal ririhai lalavoa.

Kelesia 5:23

lin̄muleini i sine togonai. Silo vwate sigai be men vevea be ginau kerageki ran vahala.

Kolosi 1:11

God vi lol muramurago gin non muramura tavuha huribe si hav savigo tehe lol taro be taro ririhai vi mai take gov lin̄ muleinigo.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

2 Tesalonaeka 1:4

Gam sagerei kimiu lalai atatun uloilua non God. Gam bevea lalainira huri hala be gim lolia. Gam bev luae lalainira be nomiu binihimwasigi mwa du wasigi, batena be gim ron̄ mwahantai be kera ata avare ram ḡoro kimiu.

2 Tesalonaeka 3:5

Nam dataro be Ratahigi vi to muai irubwimwa vai lol lolotabetabe non God i tamwata non Kraes. Atatu rav lol rovoga huribe rav lai gara ginau.

1 Timoti 2:10

Leahia gea, rav lol lalaḡov gin sine tavuha, kea be nu vavtutu huri ira vavine kera be ram bevea be ram ḡogonai God.

1 Timoti 2:2

Tataro huri ira tomuai i kera be ram haḡo roron̄o huri be tav lai rahuana be nu mahuri i nu masiri gin tamwata i gogonai i binihi marahi huri God.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

1 Timoti 6:11

Take giḡo, atat non God gov romaragai nin ginau kera gea. Ninia gea, gov togo la hal vavtutu, lol rovoga lalai God, haḡo binihimwasigi garagusi, lolotabetabe, alen̄ mahuri i alen̄ maḡemu.

1 Timoti 6:3

Ihei be mwa lai silo vagahi dolua be mwa hav dadariha tehe mai silo vagahi non nonda Ratahigi Jisas Kraes i silo vagahi be mwa seserai matan halan rovoga mai God.

1 Timoti 6:6

Lalaḡova lalai tagaro kea hala vwate be atatu vi rosoga maragai, be tav ron̄oe be mwa mahuri lalai gida gin hano be tan laia huba.

2 Timoti 3:5

Rav lolia kun be ram lol rovoga huri God take rasav haḡo te dum non muramura. Gov to hautu nin atatu kera gea.

Taetas 1:1

Nin Pol, atatun rovoga non God i hala non Jisas Kraes nu horau be nav huhui ira sinombu gin binihimwasigi garagusi be God mwa ḡita luara i be nai buluira be rav ilo mwasigi kea be mwa seserainia lalai sinombu kunhanigi rav lol rovoga lalai God.

Taetas 1:8

Tomuai wani be mwa lol vatuvwai be vi lai ḡoḡo tausala, vi tabe havanau be nu tavuha, vi mataisaoga, i vi to bavtutu, vi togo la hala be nu sabuga, vi togoinia sibona.

Taetas 2:2

Gov vagahi ira atat metuaga be rav togonainira sibora, lol binihi marahi, lol mataisao, lol binihimwasigi garagusi, lol lolotabetabe i lol alen̄ara.

Hibru 10:36

Giv lin̄ maḡemu, bwatuna giv lol hano be God mwa doronia i giv lai havanau be God nu tatauleo be vi laia lalai kimiu.

Hibru 12:1

Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.

Hibru 6:12

I gan hav doron tehe be giv bwatiḡoruga. Take kamai gam doron be giv huri alen̄ara gea be ram binihimwasigi wasigi i nora binihiva n̄an̄ava, i rav lai dum havanau be God nu tatauleo be vi laia lalainira.

Hibru 6:15

Kunia Ebraham mwa lol non binihiva mwa n̄ava, i la hala gea, kea mwa lai dum ginau be God nu tatauleo huria.

2 Pita 1:3

Jisas nu haḡo muramura non God, i kea haḡea nu lai ginau duluai lalai gida be tam doronia huri rahuana i be tav lol rovoga lalai God. Gida tam haḡo ginau kera geki bwatuna be tam iloe. Jisas mwa uloi gida gin non sarisari i non tavuha.

2 Pita 3:11

La hala gea ginau duluai vi lolian kaburai! Haḡe hava lalan̄an atatu haḡea mwa du be vi vora kunia? Kimiu mwa du be giv rahu lol rahuanan vui i giv lol rovoga lalai God,

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.

Visirai 13:10

Ihei tehe gabe mwa binihia be vi vwirihiana vai lol gao vauvauhi, na vwirihiana vai lol gao vauvauhi; i ihei tehe gabe mwa binihia be vi mate gin buan bwaloana, vi mate gin buan bwaloana. Kimiu atatu non God, bwatuna gea giv tu wasigi, i nomiu binihimwasigi garagusi vi tu wasigi alun God.”

Visirai 14:12

Bwatuna ginau geki, atat non God rav tu wasigi, ihei mwa dabe leo horai non God i mwa du wasigi alun Jisas.

Visirai 2:2

Nam ilo alen̄amiu mai havanau be gim lolia Ivisas. I nam iloe be gim lol rovoga hahavwani i gim ron̄ mwa n̄ava lol binihimiu liu. Nam iloe be gim hav samsamwara te n̄an haḡea alun ira atat lete, i nam ilo kimiu huba ira hei gea be ram bevea be kera ira hala take ram dentene, i gin habwera huba be ram dentene n̄ano.