2 Pita 1:5 - Hano Niu Testamen

⁵ Bwatuna be kimiu gim haḡo ira vatavuha geki, Giv lol raumatan ginau i giv bulusia vai lol rahumiu: be binihimwasigi garagusi mwa dogo huba, giv bulusia gin tavuha, be tavuha mwa dogo huba giv bulusia gin iloute;

2 Pita 1:5 ပူးပေါင်းရင်းမြစ်များ

Leo Tavuha gabe Luk nu Ravae 16:26

Ninia duluai gea lulu roro mwa harabora gida mulei, kera nin teti ram doron be ramen lago vai abemwa ta rasav matu te dum, i nin aia vai abemai sihav dum tehe.”

Leo Tavuha gabe Luk nu Ravae 24:21

I gan vinihia haḡea be kea vi ribwes Israel! Garigi gubwen̄ina mwa ḡaitolu ataguna be ginau kera geki ran loli.

Leo Tavuha gabe Jon nu Ravae 6:27

Gisav lalaḡo tehe huri ginaganiana be vi hantai dumwi ta giv lalaḡo huri ginaganiana gabe vi togo huri rahuana vai tuai. Geki haḡea ginaganiana gabe inau Nitun Atatu nav laia lalai kimiu, bwatuna God Tata nu tau dovon̄an non roron̄o aluku huba.”

1 Korin 14:20

Ira tuaku, gisav binbinihi tehe kun gabe ira naturigi, lol ginau lete giv vora kun naturigi memea be mwa siv vora be mwa gav ilo te ginau vahala vwate. Take lol binihimwa goi vora kun atat gaivua.

Ifisas 5:17

Kimiu gisav taltale tehe take giv huhui havanau be Ratahigi mwa doronigo be gov lolia

Filipae 1:9

Geki haḡea noḡu tataro huri kimiu: be nomiu lolotabetabe vi mauri liu maragai; be giv haḡo iloute i giv ilo halana mai git batoi,

Filipae 2:12

Ira tabetabe, kun vataha mahavana gim roron̄taiau batena be nam dogo mai kimiu, vi tavuha maragai be giv roron̄taiau batena nam hav togo te mai kimiu. Giv lol rovoga ḡaoḡao gin binihi marahi mai huiruru be giv lai dum rahuana,

Filipae 4:8

Ira tuaku giv binihi huri ginau be ran tavuha i ran dadariha huri avkariana. Binihi huri ginau be ran mwasigi i binihi marahi i ran vavtutu, i ran melmelo i ran gabwola i mwa ḡogonaiana.

Kolosi 1:9

Bwatuna geki, lol gubwen̄i be gan ron̄oe hurigo, gam dataro rahurahu hurigo, nam hudali God be gov ilo didininia havanau be mwa doronia. Gam dataro be gov mataisaoga maragai i iloilo bwatuna be Vui Sabuga mwa laia lalainigo.

Kolosi 2:3

Kraes kea bwatun gaihavan̄i be mwa haḡo ira ute rosoga dahuligi, kun ira iloilo i mataisao non God.

Hibru 11:6

Take be atatu sihav binihimwasigi garagusi tehe alun God, sihav lol te dum God be vi samsamwara ginia. Huri be atatu vwate si doron be si mai huri God, kea vi binihimwasigi garagusi be God mwa dogo, i God mwa lolira gabe ram lol ron̄oe be rav habwea ram samsamwara.

Hibru 12:15

Giv gitaḡoro tavuhai kimiu be vwate nin kimiu sihav taleva tehe, be men van dagai nin hogoi non God. Gosav vora te kun bwatun vutu be mwa mauri i mwa mai gi gai garagara.

Hibru 6:11

I kamai gam doron maragai be nomiu binihiva vi tu wasigi tagaro, i giv lai dum ginau gea be nomiu doronhohov mwa du wasigi aluna.

1 Pita 3:7

La hala n̄an gea, kimiu ira ahoai mwa du be giv togo mai ira tasalamiu la hala be mwa ḡita batoiana, Be kera ran mandamanda liugo. Take giv vinihi marahi nira, bwatuna God mwa lai vatavuha n̄an gea lalainira kebe nu laia lalainigo vatavuha be mwa lai rahuan mwasigi. Giv lol ginau kera geki bwatuna be ginau Vwate sihav tu te ḡoro nomiu tataro.

2 Pita 1:10

Ira tuaku atamwani i vavine, giv vinihi hahavwani be kimiu mwasigi gin uloiana i gin gitan lua sivi God. Kebe giv lol ginau duluai geki, gisav hovi te dumwi.

2 Pita 1:11

I kimiu giv lai laiḡoḡo gaivua vai alolon ute ratahigi non nonda Ratahigi i varahuda Jisas Kraes vai tuai i tuai.

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.