2 Pita 1:3 - Hano Niu Testamen

³ Jisas nu haḡo muramura non God, i kea haḡea nu lai ginau duluai lalai gida be tam doronia huri rahuana i be tav lol rovoga lalai God. Gida tam haḡo ginau kera geki bwatuna be tam iloe. Jisas mwa uloi gida gin non sarisari i non tavuha.

2 Pita 1:3 ပူးပေါင်းရင်းမြစ်များ

Matiu 28:18

Jisas mwa mai sosorira, mwa bevea be, “God mwa lai roron̄o lalaiau ḡoro ute atamare i ataa lol ureure.

Ravrava non Pol lalai ata Rom 8:32

God mwa hav usi te nituna ta mwa mahin̄ainia be vi mate huri gida duluai. I bulmai Jisas, God vi lai ginau n̄oto lalai gida.

Ravrava non Pol lalai ata Rom 9:24

i gida haḡea sinombu be God nu uloi gida. Nu hav uloi te gida n̄an nin ira Jius take nu uloinira Lolobon̄i mulei.

1 Korin 1:9

God kea atatu be tav binihimwasiginia, i mwa ḡita lua kimiu be giv togo bulgaituvwa mai nituna Jisas Kraes nonda Ratahigi.

2 Korin 12:9

Take nu vevea lalaiau be, “Noḡu hogoi kea nu dadariha hurigo. Batena be gom mandamanda, noḡu muramura mwa mai melmelo alolomwa.” Kadogaha nam ron̄ mwandavuha be namen vev lua noḡu vahalana, huribe muramura non Kraes vi togo aloloku.

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Ifisas 4:4

Aia rebehi gaituvwa i Vui non God gaituvwa, i God nu uloinigo be nom doronhohov gaituvwa n̄ano.

Filipae 3:8

Mwa hav vora te huri ginau n̄an kera gea, take nan binihia be ginau duluai tavuhara sigai be tav dadarihainira mai iloilo huri Kraes Jisas noḡu Ratahigi. Hurira, nam lin̄ ginau duluai kera gea i kadogaha nam iloe be kera han̄ora. Geki mahin̄aiau be nav lai Kraes

Filipae 4:8

Ira tuaku giv binihi huri ginau be ran tavuha i ran dadariha huri avkariana. Binihi huri ginau be ran mwasigi i binihi marahi i ran vavtutu, i ran melmelo i ran gabwola i mwa ḡogonaiana.

Kolosi 1:16

Sivi non muramura God nu lol ginau duluai mwa lol ginau amare i ata lol ureure, ginau be mwa ḡitana i mwa hav gitana tehe, muramura duluai, ginau mutai ratahigi i tomuai. Ginau duluai mwa loli sivi Kraes i huri Kraes.

1 Tesalonaeka 2:12

Gan av dura kimiu gam av wasi lalai kimiu, gan doronia be giv togo lol rahuan tavuha huri God. God mwa doron be tav togo lol rahuana be tav tabea vataha mahavana.

1 Tesalonaeka 4:7

God nu hav uloi te gida be tav togo lol vuro, take tav togo melmelo.

2 Tesalonaeka 2:14

God mwa lol Roroi Tavuha be gam doretore huri be men uloinigo be gomen rahu huribe gov rahu dumwi lol sarisari non nonda ratahigi Jisas Kraes.

1 Timoti 4:8

Huhui rebehimwa be vi buluigo alun hala rituai take gov lalaḡo lalai God vi buluigo la hala duluai. Bwatuna be vi lai vatavuha lalainigo lol rahuana geki i vai lol rahuana vai tuai.

2 Timoti 1:9

Nu varahu gida i nu lol gida non sinombu sabuga. Kea mwa hav vora te bwatuna be tan lol ginau vwate siboda, take huri taritari i hogoi non God. Hogoi gea nu laia lalai gida sivi Kraes Jisas amua taro mwa siv bwativuga.

Hibru 1:3

I Nitun God mwa haḡo mwasin roron̄o non God i sarisarina duluai, i kea nu ḡun God la hala duluai. Kea mwa haḡo bul ureure duluai, gin non avoan muramura. Ataguna be Nituna mwa dugu kaburai vuroda duluai, kea mwa domahuri la mwatuan roron̄o non God lol ute ata amare.

1 Pita 1:15

Take giv sabuga lol ginau duluai be gim lolia, kun God n̄ano, kea be nu uloinigo nu sabuga.

1 Pita 1:5

Muramura non God mwa ḡitaḡorogo sivi nomiu binihimwasigi garagusi vaivotu be giv gita nomiu varahuva lol nogonan gubwen̄.

1 Pita 2:21

Geki haḡea hano be nu uloinigo be gov lolia, bwatuna Kraes nu ron̄ ḡagarasi hurigo i nu tau malele be gov huria. Mwa du maragai be gos lolia kunia be nu lolia.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

1 Pita 3:9

Gisav lol te hantai be vi vol mulei hantai, i gisav av te hantai be vi vol mulei avoan hantai lalainigo. Take giv vol mulei mai vatavuha bwatuna be kimiu sibomiu gin uloiana be giv lol ginau geki huribe kimiu giv lai vatavuha.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

2 Pita 1:10

Ira tuaku atamwani i vavine, giv vinihi hahavwani be kimiu mwasigi gin uloiana i gin gitan lua sivi God. Kebe giv lol ginau duluai geki, gisav hovi te dumwi.

2 Pita 1:2

Hogoi i tamwata vi laiana lalai kimiu vi mauri vi liu, bwatuna be kimiu mwasigi gim ilo God i Jisas nonda Ratahigi.

2 Pita 1:5

Bwatuna be kimiu gim haḡo ira vatavuha geki, Giv lol raumatan ginau i giv bulusia vai lol rahumiu: be binihimwasigi garagusi mwa dogo huba, giv bulusia gin tavuha, be tavuha mwa dogo huba giv bulusia gin iloute;

2 Pita 1:6

be iloute mwa dogo huba giv bulusia gin binihiv bahivoi; be binihiv bahivoi mwa dogo huba giv bulusia gin maḡemu; be maḡemu mwa dogo huba giv bulusia gin rovoga non God;

2 Pita 1:8

Kebe ginau duluai geki mwa du alolomiu i ram mauri, kera haḡea rav bului kimiu be giv lol rovoga tavuha lol nomiu ilo ute lol nonda Ratahigi Jisas Kraes.

2 Pita 2:20

Kera ram maribwesi huba nin bwatigoro lol ureure i ram ilo non Ratahigi i varahuda Jisas Kraes. Take kebe rav tabagilu lol bwatigoro i ginau kera gea rav tomuai nira, i ginau geki vi hantai vi liu ninia amua.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.