2 Pita 1:2 - Hano Niu Testamen

² Hogoi i tamwata vi laiana lalai kimiu vi mauri vi liu, bwatuna be kimiu mwasigi gim ilo God i Jisas nonda Ratahigi.

2 Pita 1:2 ပူးပေါင်းရင်းမြစ်များ

Leo Tavuha gabe Luk nu Ravae 10:22

“Tamaḡu nu lai ginau duluai lalaiau atatu vwate mwa hav iloe tehe, be Nitui ihei take Tata, n̄an. Haḡe atatu vwate mwa hav iloe te be Tata ihei, take Nitui n̄an, i irahei Nitui mwa doron be vi lol bisirainia lalainira.”

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Ravrava non Pol lalai ata Rom 1:7

Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

Filipae 3:8

Mwa hav vora te huri ginau n̄an kera gea, take nan binihia be ginau duluai tavuhara sigai be tav dadarihainira mai iloilo huri Kraes Jisas noḡu Ratahigi. Hurira, nam lin̄ ginau duluai kera gea i kadogaha nam iloe be kera han̄ora. Geki mahin̄aiau be nav lai Kraes

1 Pita 1:2

God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.

2 Pita 1:3

Jisas nu haḡo muramura non God, i kea haḡea nu lai ginau duluai lalai gida be tam doronia huri rahuana i be tav lol rovoga lalai God. Gida tam haḡo ginau kera geki bwatuna be tam iloe. Jisas mwa uloi gida gin non sarisari i non tavuha.

2 Pita 1:5

Bwatuna be kimiu gim haḡo ira vatavuha geki, Giv lol raumatan ginau i giv bulusia vai lol rahumiu: be binihimwasigi garagusi mwa dogo huba, giv bulusia gin tavuha, be tavuha mwa dogo huba giv bulusia gin iloute;

2 Pita 1:8

Kebe ginau duluai geki mwa du alolomiu i ram mauri, kera haḡea rav bului kimiu be giv lol rovoga tavuha lol nomiu ilo ute lol nonda Ratahigi Jisas Kraes.

2 Pita 2:20

Kera ram maribwesi huba nin bwatigoro lol ureure i ram ilo non Ratahigi i varahuda Jisas Kraes. Take kebe rav tabagilu lol bwatigoro i ginau kera gea rav tomuai nira, i ginau geki vi hantai vi liu ninia amua.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.

Ravrava nin Jud 1:2

Sine hagavi, tamwata i lolotabetabe vi vora nomiu roso.

Visirai 1:4

Roroi nin Jon vai lol uloilua gaibitu lol vanua Esia. Nam dataro hogoi i tamwata nin God be mwa dogo tuai, i garigi i be vi mai i nin ira vui gaibitu la lolmatan tanon God.