2 Pita 1:16 - Hano Niu Testamen

¹⁶ Lol taro be gan vevea lalai kimiu huri muramuran maiana non Kraes nonda Ratahigi Jisas Kraes, Kamai gan hav vev te vevuri mataisaoga n̄ano be mwa mai nin binihin atatu gaituvwa. Take kamai gan gita ute lavoa non Jisas gin matamai sibomai.

2 Pita 1:16 ပူးပေါင်းရင်းမြစ်များ

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Matiu 16:28

Nam bev mwasigi lalai kimiu be atatu rituai teti rasav mate te radu, vai votu rav gitau, Nitun Atatu, nav mai kun Ratahigi lavoa.”

Matiu 17:1

Atagun gubwen̄ gaiono Jisas mwa lai Pita mai huhugaituvwa, Semes i Jon, ram hae vai la vusi holomare vwate gahera.

Matiu 24:27

Bwatuna be inau Nitun Atatu nav mai kun vilehi mwa ḡigita tuhi lolon mahao duluai vai votu tanon al tavwaga mai al huhuni.

Matiu 24:3

Batena Jisas mwa do mahuri la vusin gai Oliv, non roron̄tai ram mai vai abena dahuligi, ram hudaligi be, “Goi vevea lalai kamai be ginau duluai geki rav loli baten hano, i hano vi loli be men dovon̄ai taron nom maiana mai nogonan ureure.”

Matiu 28:18

Jisas mwa mai sosorira, mwa bevea be, “God mwa lai roron̄o lalaiau ḡoro ute atamare i ataa lol ureure.

Leo Tavuha gabe Mak nu Ravae 13:26

Lol mahavan gea inau Nitun Atatu nai visirai lol tenlan̄i mai muramura i sarisari.

Leo Tavuha gabe Mak nu Ravae 14:62

Jisas mwa bwaliua mwa bevea be, “Inau haḡea giv gita, inau nitun atatu nav togo la mwatuan mwasin roron̄o, i nav mai alun ten lan̄i lol ute atamare!”

Leo Tavuha gabe Luk nu Ravae 1:2

Ran rav ginau gabe nu veveana lalai kamai nin bwan̄ora gabe ran gita ginau duluai kera geki gin matara nin bwativuna i ram bev lua roroi hurira.

Leo Tavuha gabe Luk nu Ravae 9:43

Haḡe sinombu duluai ram dan̄an̄a gin muramura non God. Batena sinombu ram dan̄an̄a radu huri ginau duluai gabe Jisas nu lolira; kea mwa bevea lalai non roron̄tai be,

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Leo Tavuha gabe Jon nu Ravae 17:2

Bwatuna be gon lai muramura lalaiau huba ḡoro atatu duluai, huribe nav lai dum rahuana vai tuai lalainira gabe gon laira lalaiau.

1 Korin 1:17

Kraes nu hav horau tehe be namen garuhisabugai sinombu take huri be nav toretore huri Roroi Tavuha, be avoana lol mataisao non atatu sihav en te alolona huria be muramura alolon volovolo non Kraes sihav sala tehe.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

1 Korin 1:7

Lol taro be gim dogo hohov Jisas Kraes be vi mai mulei, gin lai vatavuha n̄oton̄oto.

1 Korin 2:1

Ira tuaku mai ira hogosiku, mahavana be nan mai huri kimiu be namen toretore huri avoan dahuligi non God, nan hav vev toretore tehe gin avoan lalavoa sa avoan ririhai.

1 Korin 2:4

Ira noḡu silo vagahi mai toretore nu hav vora te gin avoana vuroi alun mataisao non atatu be men lol atatu gim matagu take gin mwasigin mataisao be Vui mwa hogoinia.

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.

2 Korin 4:2

Take gan van burigai ginau dahuligi be ram lol hal busbusi. Gam hav lol te hal tentene, i gam leahi te silo vagahi non God. Gam bagahi mwasigi be nu vavtutu, gam seserai kamai lalai sinombu duluai be kamai ira ihei. Vuvuri

Ifisas 4:14

I sihav n̄ava tehe gida tas hav mom bora te kun naturigi mulei. Tasav vora te kun waḡa be mwa halahala dadaligi navo mwa bohainia ban mwa mai. Sihav avte lumlum gida gin silo vagahi gara duluai gam ron̄oe non sinombu be ram lol ron̄oe be ramen saruruhi kamai. Ram dari halana i ram lol ron̄ hal saruruhi be men ruruhi sinombu vai alolon halan salana.

Filipae 3:21

Gin non muramura be vi rovoi ginau duluai, vi leahi vihogoi i vi lolira kun rebehina sibona be nu sarisari.

1 Tesalonaeka 2:19

Kimiu haḡea nomai doronhohov, nomai samwarana, i gai sosorin bwatu be gav ḡariḡari kamai alolona batena be nonda Ratahigi Jisas Kraes vi mai.

2 Tesalonaeka 2:9

Atatun vui son̄son̄o gea vi mai gin muramura non Setan. Kea vi muramuraga i kea vi lol ginau dan̄an̄a tentene ivusi, ira dovon̄a, i ginau dan̄an̄a.

1 Timoti 1:4

Vevea lalainira be rasav sabwelei te nora taro alun ira vevuri tentene i alun varavarain iha lol vevuri ata la varara tuai. Ginau kera geki ram lol vigaigaiana n̄ano; ram hav bului tehe huri taritari non God, kea be mwa loliana gin binihimwasigi garagusi.

1 Timoti 4:7

Take gosav huri te vevuri dadaloiga be ram hav dame tehe mai mwasigi non God, take gov vagahigo sibomwa be gov lol rovoga mai God.

Taetas 1:14

Rasav lai te Israel i avoan wasi non sinombu be ram av doron te mwasigi.

2 Pita 2:3

Ira vagahi tentene kera geki ram doron nomiu homu, i kera rav haḡo kimiu i rav tentene lalai kimiu. Nora harahara ran avo vai alura tuai mwa mai radu i nora hantai mwa mwasigi.

1 Jon 4:14

God nu hora Nituna be vi vora Varahun ureure. Gida tan gita Nituna, i kadogaha tam bev sera huria lalai atat dodolua.

Ravrava nin Jud 1:14

Enok, gaibitun vara ata la Adam, mwa bevea huri atatu kerageki be: “Gitae, Ratahigi mwa mai, mai non ira enjel vasan̄vul vavasi be

Visirai 1:7

Gin gitae! Kea mwa mai mai ten lan̄i. Mata duluai rav gitae, vaivotu gabe kera gabe ran wehia. Ira sinombu ata lol ureure rav dei ba dalan̄lan̄a bwatuna kea. Ginau gea vi loli! Amen.