2 Pita 1:11 - Hano Niu Testamen

¹¹ I kimiu giv lai laiḡoḡo gaivua vai alolon ute ratahigi non nonda Ratahigi i varahuda Jisas Kraes vai tuai i tuai.

2 Pita 1:11 ပူးပေါင်းရင်းမြစ်များ

Matiu 25:34

Haḡe inau siboku Ratahigi Lavoa nai vevea lalainira la mwatuaku be, ‘Gin mai, na kimiu gabe Tamaḡu nu vatavuhai kimiu. Gin mai ba lai rahuan gara gabe Tamaḡu nu lol vatuvwainia huri kimiu la bwatun tauva.

Leo Tavuha gabe Jon nu Ravae 10:10

Susurana mwa mai liuhage n̄an be men sura, men wehi bonogai, i men lol kaburai. Nam mai liuhage be giv lai rahuana, rahuana be vi masiri lol ginau tavuha duluai.”

Ravrava non Pol lalai ata Rom 2:4

Kea nu tavuha i nu maḡemu lol alen̄ana, mwa hohovigo be gomen leahi, ta gom binihi bahivoi non togonai. Bisata gom hav gita te batoia be God mwa lol tavuhainigo be gomen leahi alen̄amwa i rahumwa.

1 Korin 15:24

i nogonana vi mai. Lol taro gea Kraes vi lol kaburai ira tomuai, gitaḡoro, i ira muramura, i Kraes vi tau mulei ute ratahigi la liman God Tata.

2 Korin 5:1

I tam iloe huba be rebehida kea kun imwa haohao be tam do alolona teti lol ureure vi lolian kaburai. Take batena be vi nogo, God kea vi lol imwa vwate lalai gida. Sihav vora te imwa be liman atatu vi lolia: Lol tanon rebehi gea vi vora tanoi vwate amare be vi togo vai tuai.

Ifisas 3:20

Gin muramura non God be mwa lol rovoga bul mai gida, God vi lol dum gaivua liu nin havanau tehe be gida tam hudalinia sage tam binihia.

1 Timoti 6:17

Vevea lalainira be ram rosoga gin ginau ata lol ureure geki be rasav sasagerega tehe. Vevea lalainira be rav doronhohov lol God, take sihav vora te alun roso be ram len̄a. God mwa hogoi tavuhai hogoi duluai lalai gida gin samsamwara.

2 Timoti 4:18

God vi varahuau lol taro be ihei mwa doronia be vi lol ḡagarasiau, i vi lai rahurahuiau vai lol non Ute Ratahigi amare. Uloi roroi God vai tuai i vai tuai! Amen.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

Hibru 6:17

God nu lol non tatauleo huba, i mwa doron be vi lolira kera gea be rav lai dum ginau be nu tatauleo huria, i ram iloe be non binihiva sihav leahi te dumwi. Haḡe bwatuna haḡe gea mwa avo alun ihana sibona, be men lol non tatauleo sibona gim wasi mulei. I kadogaha avoana non God gairua, i avoana gea non tatauleo, mai avoana gea be men lol non avoana gim wasi.

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

2 Pita 1:5

Bwatuna be kimiu gim haḡo ira vatavuha geki, Giv lol raumatan ginau i giv bulusia vai lol rahumiu: be binihimwasigi garagusi mwa dogo huba, giv bulusia gin tavuha, be tavuha mwa dogo huba giv bulusia gin iloute;

2 Pita 2:20

Kera ram maribwesi huba nin bwatigoro lol ureure i ram ilo non Ratahigi i varahuda Jisas Kraes. Take kebe rav tabagilu lol bwatigoro i ginau kera gea rav tomuai nira, i ginau geki vi hantai vi liu ninia amua.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.

Visirai 3:21

I lalainira be ram muramura, nav lai tanoi lalainira be rav tomahuri bul maiau lol tanon togotogon ratahigi, kun gabe inau nam muramura, i garigi inau bul mai Tamaḡu lol non tanon ratahigi.”

Visirai 5:10

Gom lolira gi varan ira tataroi, be rav lalaḡoi God gida, i rav tomua lol ureure.”