2 Pita 1:1 - Hano Niu Testamen

¹ Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

2 Pita 1:1 ပူးပေါင်းရင်းမြစ်များ

Matiu 10:2

Geki ihan ira hala han̄vul domwan gairua: muana Saemon (mwa uloinia be Pita) i tuana Andru, Semes mai tuana Jon, ira nitun Sebedi,

Matiu 4:18

Mahavana Jisas mwa lago mwa hivo hurin numbu gaivua mwa uloinia be numbu ata Kalili, mwa ḡita huhugaituvwa gairua, Saemon, ihana vwate Pita, mai tuana Andru. Pita mai Andru ramuru rav gabe lol numbu huri ige.

Leo Tavuha gabe Luk nu Ravae 1:47

loloku mwa samsamwara huri God Varahuku,

Leo Tavuha gabe Luk nu Ravae 11:49

Bwatuna higea mataisao non God nu vevea be: ‘Nav hora ira atatun vevsera lalainira i rav wehi bamat rituai i rav lol ḡagaras rituai.’

Leo Tavuha gabe Jon nu Ravae 1:42

I kea mwa lai Saemon vai aben Jisas. Jisas mwa ḡarere mwa ḡitae i mwa bevea lalainia be, “Ihamwa Saemon nitun Jon, take vi uloinigo be Kivas.” (Geki kun iha n̄an be Pita binihiva be “Vatu.”)

Leo Tavuha gabe Jon nu Ravae 12:26

Ihei tehe mwa doron be vi lalaḡo lalaiau vi huriau, huribe noḡu atatun rovoga rav huriau halabehe tehe nai van. I tamaḡu vi vinihi marahi ihei tehe be vi lalaḡo lalaiau.”

Leo Tavuha gabe Jon nu Ravae 20:21

Jisas mwa bev muleinia lalainira be, “Tamwata na togo abemiu. Kunia be Tata mwa horau, inau mulei nam hora kimiu.”

Lalaḡova 15:14

Saimon mwa siv tugu halana lalai gida kunhanigi God mwa bisirai muana lalai ira Lolobon̄i be men lai dagai tatan̄ana vwate huria sibona.

Ravrava non Pol lalai ata Rom 1:1

Nin Pol, atatun rovoga non Kraes Jisas. God nu uloiau be nai vora non hala i nu gita luau be nai vev lua Roroi Tavuha.

Ravrava non Pol lalai ata Rom 1:12

Nam binihia be, nam doron be tav bului gida mai binihimwasigi garagusi be tam do maia. Nomiu binihimwasigi garagusi vi buluiau, i noḡu binihimwasigi garagusi vi bului kimiu.

Ravrava non Pol lalai ata Rom 1:17

Roroi Tavuha mwa bagahi kun hanigi God mwa lol atatu mwa bavtutu maia sibona be mwa dau bwatuna i mwa nogo mai binihimwasigi garagusi. Ravrava Sabuga mwa bevea be, “Kera be ram bavtutu mai God huri be ram binihimwasigi garagusi, kera rav habwe rahuana.”

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

1 Korin 15:9

I inau haḡea nogonana lol ira hala duluai. Nan hav dadariha tehe be rav uloilua gi hala, huribe nam lol bwarebware uloilua non God.

1 Korin 9:1

Huri hano? Inau atat vuroi? Inau hala vwate? Nan gita Jisas nonda Ratahigi huba! Kimiu duluai sinombu kea vwain noḡu rovoga lol ihan God.

2 Korin 4:13

Nu ravana lol ravrav sabuga be, “Nam binihimwasigi, i kunia nam bevea.” Nonda binihimwasigi garagusi kunia mulei. Gam binihimwasigi, i kunia gam bevea.

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

Kelesia 2:8

God nu lai lalaiau muramura be vi lol rovoga kun gabe hala huri ira Lolobon̄i, kunia be nu lol Pita gi hala lalai ira Jius.

Ifisas 3:5

Sinombu be ran togo lol taro dolua nu hav vev te ginau dahuligi gea lalainira. Take kadogaha, sivi Vui, God nu seserai ginau dahuligi gea lalai non ira hala sabuga mai ira atatun vevsera.

Ifisas 4:11

I Kraes nu lai hogoi lalai sinombu nu lol rituai be rai vora hala, i rituai rav vora atatun vevsera, i rituai be rai vora ira toretore, i rituai be rav haḡo rovoga be ramen haḡoe ba gitaḡoro tavuhai i ba bagahi sinombu non God.

Ifisas 4:5

Aia Ratahigi gaituvwa, binihimwasigi garagusi gaituvwa, i garuhisabuga gaituvwa.

Filipae 1:1

Nin Pol Timoti atatun rovoga non Kraes Jisas. Lalai ira sabuga duluai non God lol Kraes Jisas. Lalai ira sabuga duluai non God lol Kraes Jisas be gim dogo Vilipae, maira bwatmetue i ira Dikon.

Filipae 1:29

God nu lai binihi marahi la hala gairua, nu hav vora te huria n̄an be gim binihimwasigi lol Kraes take mulei huria be gim ron̄ ḡagarasi huria, hala saraḡo ram lai sarisari lalai Kraes.

Filipae 3:9

i bilana. Kadogaha nam bavtutu mai God, nu hav vora te huria be nan huri silo, take bwatuna be nam binihimwasigi garagusi alun Kraes. God mwa haḡo noḡu binihimwasigi garagusi mwa loliau nan bavtutu maia.

2 Timoti 1:5

Nam binihi dum nom binihimwasigi garagusi be nu mwasigi. Binihimwasigi garagusi gea nu togo muana lol tuagamwa Lois i lol ratahimwa Iunis, i nam iloe be giḡo kadogaha gom do mai binihimwasigi gea.

Taetas 1:1

Nin Pol, atatun rovoga non God i hala non Jisas Kraes nu horau be nav huhui ira sinombu gin binihimwasigi garagusi be God mwa ḡita luara i be nai buluira be rav ilo mwasigi kea be mwa seserainia lalai sinombu kunhanigi rav lol rovoga lalai God.

Taetas 1:4

Lalai Taetus, mwasin nituku lol binihimwasigi be gam betea. Hogoi tavuhai i tamwata nin God Tata i Kraes Jisas varahuda.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Jemes 1:1

Inau Semes atatun rovoga non Ratahigi i Jisas Kraes: Avoan helheloi i mwa bano lalai sinombu non God be ram du vataha ute lol ureure.

1 Pita 1:1

Nin Pita, hala non Jisas Kraes. Lalai ira atat gita lua non God gabe ram dogo dagai nin tanora i be ram dogo dedeorai dalis bwatun Vanua Pontas, Kelesia, Kapadosia, Asia, i Bitinia.

1 Pita 1:7

Ginau hahantai geki ram mai be ramen gitae be nom binihimwasigi garagusi nu melmelo. Melmelo non binihimwasigi nu marahi liu vatan̄oga, Gabe vi Seserainia gin gabi be nu melmelo i vi nogonogo dumwi. Take nomiu binihimwasigi garagusi vi lai lalai kimiu uloi roroai i binihimarahi lol taro be Jisas Kraes mwa seseraiana lalai kimiu.

1 Pita 2:7

Vatu geki vat binihi marahi lalainigo be gom binihimwasigi. Take lalainira be ram hav vinihi te mwasigi, “Vatu gabe kera be ran vohae ram barihainia mwa mai gi bwatbwatun Siguna.”

1 Pita 5:1

Kadogaha nam do mai ginau vwate be nav vevea lalai ira bwatmetue lol nomiu vatugigi. Inau mulei nam bora bwatmetue. Nan gita ron̄ ḡagarasi non Kraes duluai, i nav bete lol sarisari be vi seserai nia lalai gida. Nam hudali kimiu mulei,

2 Pita 1:4

Sivi ginau kera geki nu lai lalai gida ira tatauleo Wasi i tavuha. Mai hogoi kera geki kimiu giv betea i giv kun God, i ureure sihav lol te dum hantai kimiu mai non doroniv bwatigoro.

Ravrava nin Jud 1:1

Nin Jud atatun rovoga non Jisas Kraes i tuan Semes. Lalai atatu duluai be God nu Uloinira. God Tata nu tabe kimiu, i kimiu gin rahu lol Jisas Kraes: