2 Korin 8:8 - Hano Niu Testamen

⁸ Nam hav lai te avoana lalai kimiu be giv hogohogo. Take nam doron be nav gita nomiu lolotabetabe mwasigi be tav dadarihai kimiu maira dodolua be ram doron mwasigi be rai bului.

2 Korin 8:8 ပူးပေါင်းရင်းမြစ်များ

Ravrava non Pol lalai ata Rom 12:9

Nom lolotabetabe vi vora mwasigi. Gov varihai ginau hantai, i gov haḡo wasi havanau be nu tavuha.

1 Korin 7:12

Huri hala rituai mulei, inau nam bevea geki, take mwa hav vora te Ratahigi. Be sivora atatun uloilua vwate tasalana abena be mwa hav lai te garuhisabuga radu take kea mwa samsamwara bul maia be men vora ahoana, kunia sihav vev te dagara dumwia.

1 Korin 7:25

Gon ravae lalaiau huri atatu mwa hav lago tehe i geki haḡea noḡu avoan vwaliu. Nam hav lai te avoan wasi vwate nin God, take nav vev dum binihiḡu siboku huribe Ratahigi nu tavuha maiau i nu hagaviau huba, huribe gom binihimwasigiau.

1 Korin 7:6

Nam bevea geki be men lai avoan vevsera lalainigo, take nuhav vora te leo horai vwate be gomen lolia kunia.

2 Korin 6:6

Gam seserainia be kamai atatun rovoga non God gin rahumai be nu melmelo, nomai iloilon halan ginau, nomai ron̄ mwan̄ava i alen̄ tavuha non Vui Sabuga, gin mwasin lolotabetabe,

2 Korin 8:10

Geki hano be nam binihia be gis lolia. Taul vwate kimiu muana be gin doron be giv hogoi, i kimiu muana be gin hogoi.

2 Korin 8:24

Giv seserainia lalainira dovon̄an nomiu lolotabetabe i huri hano higea be gam sasagerega huri kimiu. Vuvuri ira binihimwasigi duluai rav gita dumwia.

2 Korin 9:2

Nam iloe be gim doronia be giv bului. Nan av ravravwega huria lalai sinombu Masedonia, nam bevea lalainira be la ḡereḡeren Kris ran lol vatuvwai be rav hogoi lol taul vwate huba. I nomiu doroniva be giv hogoi nu lolira kera ivusi ram lol vatuvwai mulei be rav hogoi.

2 Korin 9:7

Gaitutuvwai alolomiu mwa du be vi hagainia kunia be nu binihi tuhia lol irubwina be vi hagainia kunia. Gosav hogoi tehe lol ron̄ mwahantai, mulei gosav hogoi tehe bwatun be gam ron̄oe kun be ram ḡorogoroinigo huria. God mwa dabe ihei be mwa hogoi gin samsamwara.

Ifisas 4:15

Sigai! Avoi mwasigi gin lolotabetabe, kamai gav mauri hae la halan Kraes duluai ihei haḡea bwatuna.

Ifisas 6:24

Hogoi non God lalai kimiu duluai be gim dabe nonda Ratahigi Jisas Kraes gin lolotabetabe be mosmosianana nu sigai.

Hibru 10:24

Nu tavuha be tav binbinihi huri gida gaitutuvwai be tav bulubului gida be vi lol gida tav wasi be tav bului atatu i be tav lol alen̄ tavuha.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.