2 Korin 8:7 - Hano Niu Testamen

⁷ Gin rosoga gin ginau duluai lol binihimwasigi garagusi, lol avoana, lol iloute, alolona be gin doronia mwasigi be giv bului, i lol lolotabetabe gin huhuinia nin kamai. Lol hala n̄an gea, giv wasi mulei lol vatavuha huri hogohogosi.

2 Korin 8:7 ပူးပေါင်းရင်းမြစ်များ

Matiu 25:22

“Haḡe atatun rovoga gabe nu lai dola vasan̄vul varua mwa haroro, mwa bevea be, ‘Ratahigi, gon lai lalaiau dola vasan̄vul varua. Gitae, nan mom lai mulei dola vasan̄vul varua amare aluna.’

Ravrava non Pol lalai ata Rom 15:14

Ira tuaku, nam iloe be kimiu gin masiri gin tavuha. Nam iloe be kimiu gim do mai mataisao duluai be gim doronia i be kimiu giv vagahi dum kimiu gingin kimiu.

1 Korin 1:5

Lol Kraes nu lol kimiu gim rosoga la hala duluai, lol nomiu avoana i nomiu mataisao.

1 Korin 12:13

Kraes kunia haḡea, rituai nin gida kera vara ira Jius, i rituai ira Lolobon̄i. Rituai nin gida ira turin rovoga, take rituai atat vuroi. Take gida n̄oto tam ḡaruhisabuga lol rebehi gaituvwa sivi Vui Sabuga gaituvwa. I nu tau gida duluai be tav harahara lol vui gaituvwa gea.

1 Korin 12:8

Vui Sabuga mwa lai lalai atatu vwate be vi avo gin mataisao, i Vui Sabuga n̄an gea mwa laia lalai atatu dolua be vi avo gin iloilo.

1 Korin 13:2

Nav haḡo hogoi huri avoan vasinerani. Nav ilo n̄oto ginau dauhiligi non God i iloute duluai, i noḡu binihimwasigi garagusi be nav tagara dum vusi nin tanona.

1 Korin 13:8

Lolotabetabe mwa hav nogo tehe. Ira hogoi huri avoan dau, take rav nogo. Ira hogoi huri avoan dodolua, take hogoi gea rav nogo. Hogoi huri mataisao take vi mai la nogonana.

1 Korin 14:12

Kunia n̄an maigo. Taro be gon doron hogoi lol vui maragai, gov hiḡera ivusi be rav haḡo hogoi be vi bului uloilua vi mauri wasi.

1 Korin 4:7

Kun hanigi? Ihei mwa bevea be giḡo gon tavuha nin atatu dodolua? Ginau vwate mwa dogo mai kimiu be God mwa hav laia te lalai kimiu? Sigai! Huri hano gim av ravravwega huri ginau be mwa hav vora te nomwa take God mwa laia lalainigo.

2 Korin 7:7

Gan lai lol maḡomaḡo, nu hav vora te huri non maiana n̄an take mulei nomiu avoan maḡomaḡo be gin laia sivinia. Taetus nu vevea lalai kamai huri nomiu doroniva be gim doron be gimen gitau i be gim ron̄ mwahantai maragai huri havanau be gin lolia. Kea mulei nu vevea huri gita ḡoro gaivua huriau, i baten be nan ron̄oe, nan samsamwara liu.

2 Korin 8:6

Gan hudali Taetus be vi bului kimiu be giv nogoi raumatan rovoga huri vatavuha be kea nu bwativugainia.

2 Korin 9:14

I batena be ram dataro, kera rav doron be ras togo mai kimiu bwatuna be hogoi gaivua non God nu laia huba lalai kimiu.

2 Korin 9:8

I God vi lai vatavuha ivusi liua be gom doronia. Kunia gov lai ivusi na ginau duluai be vi dadariha huri vataha rovoga tavuha.

Ifisas 4:29

Mahavana be gon avo gosav vev te ira avoana be rav lol ḡagaras atatu, take goi vev havanau gabe mwa du be sinombu vi lai avoana gabe rav bului atat dodolua rav muramuraga ginia. I aia havanau be gom bevea vi lol dum lalaḡova tavuha lalainira be ram roron̄tainigo.

Filipae 1:11

be giv lol ginau tavuha ivusi mai buluiana non Jisas Kraes be vi lai roroa i avkari lalai God.

Filipae 1:9

Geki haḡea noḡu tataro huri kimiu: be nomiu lolotabetabe vi mauri liu maragai; be giv haḡo iloute i giv ilo halana mai git batoi,

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

2 Timoti 2:1

Haḡe giḡo Timoti, nituku, gov tu wasi lol hogoi be tan laia lol Kraes Jisas.

Hibru 12:28

Huri ginau kera gea tav avkari God, huri be mwa lai gida tam mai, i kea mwa bora nonda Ratahigi Lavoa. I kea Ratahigi Lavoa be non muramura sihav nogo te dumwi. Nu tavuha be tav gogonainia la hala be kea mwa samsamwara ginia, i be tai vinihi marahinia, i mulei tai mataguinia,

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.

Visirai 3:17

Gim bevea be, ‘Inau nam rosoga liu, noḡu ginau duluai abena be nam doronia take gim hav iloe tehe be’, kimiu gim hiruga be gim hantai maragai, i gim davuha kun hanigi! Gim hiruga, gim la vuroi, i gim matagaraga.