2 Korin 8:6 - Hano Niu Testamen

⁶ Gan hudali Taetus be vi bului kimiu be giv nogoi raumatan rovoga huri vatavuha be kea nu bwativugainia.

2 Korin 8:6 ပူးပေါင်းရင်းမြစ်များ

Lalaḡova 24:17

“Ataguna be nam dogo dagai nin Jerusalem huri taulu rituai, nam bano mulei aia be namen lai homu rituai lalai noḡu sinombu i be namen tataroi.

Ravrava non Pol lalai ata Rom 15:25

Kadogaha namen vano vai Jerusalem ba bului sinombu non God.

2 Korin 12:18

Nan hora Taetus be vi mai vai abemiu, i nan hora tuamai maia. Taetus kea nu hav ruruhi te kimiu, sa nu ruruhi kimiu? Gim iloe be Taetus i inau binihimaru gaituvwa n̄ano i alen̄amaru gaituvwa n̄ano?

2 Korin 2:13

Take nan hav togo te lol tamwata, huri be nam habwe tuaku Taetus. Nan vev avoan vitulei lalainira aia Troas i nam ban vai Masedonia.

2 Korin 8:10

Geki hano be nam binihia be gis lolia. Taul vwate kimiu muana be gin doron be giv hogoi, i kimiu muana be gin hogoi.

2 Korin 8:19

Mulei tuada uhu ira binihimwasigi ran gita luae be vi van mai gida baten be gav hagai hogoi be vatu. Gam lol rovoga geki be gamen lol roroai Ratahigi i ba seserainia be gam doronia mwasigi be gamen bului.

2 Korin 8:23

Kadogaha huri Taetus kea vwaliuku, kea mwa lol rovoga bul maia be vi bului kimiu. I huri ira tuada rituai ram matu nin ira binihimwasigi, i ram lai sarisari lalai Kraes.

2 Korin 8:4

Take ran hudaligi i ram doron maragai kamai be gov bete maira lol rovoga non God huri sinombu.

2 Korin 9:5

Nam binihia be nav hora ira tuada be rav mai vai abemiu amua kamai gam siv mai. Rav lol vuvuri bavtutui hogoi be mwa mai nin mwasin lolora be gin tatauleo huria vi to dautau gam siv mai. I hogoi be mwa mai nin mwasin lolora nu hav vora te kea be gim barihai didi hagainia.

Filipae 4:18

I kadogaha nam lai ginau duluai i liu. Nam haḡo ginau duluai be nam doronia, bwatuna be Epavrodaetas nu lai nomiu hogoi lalaiau. Kun hogoi huri ahu bon ḡologolo lalai God, kea be mwa lai ḡoḡo tataroi i mwa ron̄ mwandavuha ginia.

1 Pita 4:10

Kimiu gaitutuvwai gin lai hogoi be giv lol ron̄oe ba bului atat dodolua. Giv tavuha ira turin rovoga non God mai lalan̄an hogoi gin vatavuha.