2 Korin 8:21 - Hano Niu Testamen

²¹ Gam lol rovoga hahavwani be gav lol havanau be Ratahigi vi dameinia kun be nu vavtutu kunia.

2 Korin 8:21 ပူးပေါင်းရင်းမြစ်များ

Matiu 23:5

Ginau gabe ram lolia, ram lolia n̄an be atatu ramen gitara. Gim ḡita tan̄ vavagaha huri udun Ravrava Sabuga gabe ram bauhia la rera i la limara be lalavoa maragai. I gim ḡita ḡereḡeren gaisagara be n̄an̄ava maragai.

Matiu 5:16

Kunia mulei kimiu giv lol seserai nomiu gigitana vi gigita la lolmatara atatu, be rav gita batoi nomiu lalaḡova tavuha. Haḡe rav siv uloi roron Tamamiu atamare.

Matiu 6:1

“Nomiu lalaḡova duluai be gim lolia lalai God, ta giv lalaḡoinia la mwasin halana. Gisav lolira te lolmatan sinombu be atatu men gita kimiu. Be giv didi lolia kunia, Tamamiu lol ute atamare si hav tavwe te kimiu huria.

Matiu 6:4

Lalaḡova kunia huri buluiana ginau dahuligi. Tamamiu gabe mwa ḡita buluiana be gim lol dahulinia vi tavwe kimiu huria.

Ravrava non Pol lalai ata Rom 12:17

Be atatu vwate vi lol bahala lalainigo, gosav vol te muleinia gin hantai. Gov lol ron̄oe be gov lol ginau be atatu duluai rav gitae be nu vavtutu.

Ravrava non Pol lalai ata Rom 14:18

Atatu be mwa lol rovoga non Kraes, be mwa dogo la rahuana geki, kea haḡea mwa lol samsamwarai God, i atatu dodolua rav dara aluna.

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.

2 Korin 8:20

Gan gita ḡoro berevai tuara vwate gim av vai alumai la hala be gam haḡo hogoi gaivua geki.

2 Korin 8:22

Mulei, gam horae maira tuamai, be kea tagaro mwa lol vatuvwai be vi bului. Nu dovon̄ainia lalai kamai huba la hala ivusi, i kadogaha mwa doron maragai be men bului, bwatuna be mwa binihimwasigi maragai kimiu.

Filipae 4:8

Ira tuaku giv binihi huri ginau be ran tavuha i ran dadariha huri avkariana. Binihi huri ginau be ran mwasigi i binihi marahi i ran vavtutu, i ran melmelo i ran gabwola i mwa ḡogonaiana.

1 Tesalonaeka 5:22

i giv to dagai nin ginau duluai be ram hav tavuha tehe.

1 Timoti 3:7

Tomuai lol uloilua mulei mwa du be vi vora atatu be sinombu be ram hav togo te lol uloilua rai vinihi marahinia huribe rasav huriana tehe i nu hav sani tehe alun vidi non Setan.

1 Timoti 5:14

Haḡe nam doronia be ira bwero bweihe rav lagi, rav bav naturirigi, i rav gitaḡoro imwara sibora. Kunia ivwalu halan nora vi sigai be rav av vai alura.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.