2 Korin 7:9 - Hano Niu Testamen

⁹ Kadogaha inau nam ron̄ mwandavuha, mwa hav vora te huri be nam lolia gim ron̄ mwahantai, take huria be nomiu ron̄ mwahantai mwa lolia gim leahi rahumiu. Gim ron̄ mwahantai la hala be God nu doronia be giv vora kunia, i nu hav vora te kamai be gam lolia be giv ron̄ mwahantai la hala gea.

2 Korin 7:9 ပူးပေါင်းရင်းမြစ်များ

Matiu 3:8

Be kimiu gim binihileahi mwasigi, giv dovon̄ainia alun nomiu lalaḡova.

Leo Tavuha gabe Luk nu Ravae 15:10

La hala n̄an kunia nam bevea lalai kimiu be, ira enjel non God ram samsamwara huri atat vuroga vwate gabe mwa binihi leahi.”

Leo Tavuha gabe Luk nu Ravae 15:32

Take mwa du be tav samsamwara ba ḡan ginau huria, bwatuna be tuamwa nu mate haḡe ta mwa rahu mulei; nu sala take mwa habwean mulei.’ ”

Leo Tavuha gabe Luk nu Ravae 15:7

La hala n̄an kea nam bevea lalai kimiu be, vi vora samwarana gaivua lol ute atamare huri atat vuroga vwate gabe nu sala i mwa binihi leahi dagai ninira atat tavuha n̄avul gaisivo domwan gaisivo gabe ginau sigai be vi lolira rav binihi leahi.”

Lalaḡova 20:21

Lalai ira Jius mai ira Lolobon̄i be rav van burigai nin vurora lalai God i rav binihimwasigi alun nonda Ratahigi Jisas.

2 Korin 1:12

Geki hano be gam ron̄ mwandavuha huria, i nai vev dumwia gin binihi melmelo be: lol ginau duluai be gan lolira huba lol ureure, liuhage mai kimiu gan vavtutu i gan mwasigi lol irubwi huri God. Gan lol dumwia gin hogoi non God, nu hav vora te gin mataisao be ureure mwa do maia

2 Korin 2:16

Lalainira be ran sala huba, kamai kun be atatun mateana, be gam mai mai mateana, take lalainira be ran lai rahuana huba, kamai kun be halan rahuana be gam lai rahuana. Matu ihei be vi lol dum rovoga uhu?

2 Korin 7:8

Be noḡu ravrava vi lol kimiu giv ron̄ mwahantai, nam hav ron̄ te mwahantai, huri be mwa lolia gim ron̄ mwahantai, take gim ron̄ mwahantai n̄an huri mahavan vwelvwele.