2 Korin 7:1 - Hano Niu Testamen

¹ Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

2 Korin 7:1 ပူးပေါင်းရင်းမြစ်များ

Matiu 12:33

“Be gim doron vwaigai tavuha, giv riv gai tavuha. Be giv riv gai hahantai, giv lai vwaigai hantai. Bwatuna gai mwa iloana alun vwaina.

Matiu 5:48

Mwa du be giv to vavtutu tavuhai kun Tamamiu amare mwa do vavtutu tavuhai.

Matiu 5:8

Irahei be nora binihiva nu melmelo, kera haḡea rav ron̄ mwandavuha, huri be rav gita God.

Lalaḡova 9:31

Haḡe kunia uloilua Judia duluai, Kalili mai Samaria ram dogo lol tamwata. Haḡe uloilua mwa mauri doratora gin buluiana non Vui Sabuga, kun gabe mwa dogo gin binihi marahi alun Ratahigi.

Ravrava non Pol lalai ata Rom 5:20

Silo mwa mai be vi lol vuro vi liu; take la mahavana be vuro mwa mauri mwa liu, hogoi non God mwa ḡaivuaga.

1 Korin 6:20

bwatuna be God nu tavwego gin volimwa la tovtovo i kunia gov gogonai God gin rebehimwa.

2 Korin 1:20

Uwe, huri tatauleo non God duluai, kea Kraes, i sivi Jisas Kraes tam bevea be uwe huri sarisari God.

Ifisas 2:3

Lol taro tuai gida tan togo kunira, tan lol ron̄oe be tamen samwarai nonda doroniva siboda i be tamen lol ginau duluai be rebehida i binihinda mwa doronia. Tas ron̄ ḡagarasi gin lolhoro non God bwatuna alen̄a be tam dogo aluna. Gida tan ḡun sinombu dodolua n̄an mulei.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

1 Tesalonaeka 4:7

God nu hav uloi te gida be tav togo lol vuro, take tav togo melmelo.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

Hibru 12:23

Kimiu gin mai lol samwaran bulbulu be nu tavuha maragai mai ira atatu non God kun gabe ira nituna muai bwana gabe ihara mwa du huba lol ute ata amare. I kimiu giv mai huri God huria be kea vi vevegi lalai atatu, i giv mai ba bulu mai vuin ira atat vavtutu be ran mate huba.

Hibru 12:28

Huri ginau kera gea tav avkari God, huri be mwa lai gida tam mai, i kea mwa bora nonda Ratahigi Lavoa. I kea Ratahigi Lavoa be non muramura sihav nogo te dumwi. Nu tavuha be tav gogonainia la hala be kea mwa samsamwara ginia, i be tai vinihi marahinia, i mulei tai mataguinia,

Hibru 4:1

God nu taua huba lalai gida be tav lai dum mambuana gea be nu tatauleo huba huria lalai gida. Gida atatun God tav gitae be vwate aloloda sihav vahal te tarona be vi haroro lol mambuana non God.

Hibru 6:9

Ira noḡu buluana bisata kamai gam avo lalai kimiu kunia take, bisata nomai binihiva mwa hav hovi tehe huri kimiu n̄an haḡea. Kamai gam iloe be gim lai dum hala gea be God mwa lalaḡo aluna be vi lai varahuva lalai kimiu.

Jemes 4:8

Mai sosori vai aben God, i God vi mai sosorigo. Giv bwaga limamiu ira atat vuroga! Giv lol melmeloi irubwimiu, kimiu ira hoḡoiḡoro!

1 Pita 1:15

Take giv sabuga lol ginau duluai be gim lolia, kun God n̄ano, kea be nu uloinigo nu sabuga.

1 Pita 1:17

Gov tataro lalai God i gov uloinia gi Tata, i nu harahara huri rovoga non atat gaitutuvwai n̄an gaituvwa i lol taro be gim dogo lol ureure, giv lol ron̄oe be giv togo gin binihimarahi huri God.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Pita 2:11

Ira tuaku, kimiu gin ḡun atat mai i tausala lol ureure geki. Nam doron be giv lin̄ ginau hahantai be rebehimiu mwa doronia be vi lolia be mwa bwalo vai alun vui rahu.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

1 Jon 1:7

Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.

1 Jon 1:9

Be tas seserai lua vuroda lalai God, gida tai vinihi mwasigi be kea vi binihi kaburai vuroda.

1 Jon 3:3

Atatu duluai be ram haḡo doronhohov huri Kraes, rav melmelo kunia be Kraes nu melmelo.