2 Korin 6:8 - Hano Niu Testamen

⁸ Atatu rituai ram dul bonogai vai alumai. Atatu ram bev ginau hahantai vai alumai, take rituai ram bev ginau tavuha. Rituai ram bevea be kamai atatun tenteneana, take kamai gam bev mwasigi.

2 Korin 6:8 ပူးပေါင်းရင်းမြစ်များ

Matiu 10:25

Nu tavuha lalai roron̄tai be si dadariha mai non vagahi, i turin rovoga be si dadariha mai non ratahigi. Be vuigin imwa vi uloinia be Belsibal, ratahigi ḡorora vui hantai, kunia ata la imwana vi uloinira gin iha hantai liu!

Matiu 22:16

Haḡe ram hora nora roron̄tai rituai maira gabe ram huri Herod vai aben Jisas, ram bevea be, “Vagahi, gam iloe be giḡo atat mwasigi. Gom bagahi mwasigi sinombu hurin hala gabe God mwa doronia, i gom hav matagui te atatu gaituvwa, son̄o be atatu gaivua sa tirigi.

Matiu 27:63

i ram bevea be, “Ratahigi, gam binihi dumwia be atat tentene uhu lol gubwen̄ rahuna nu vevea be, ‘Nav tomare mulei vai lol rahuana atagun gubwen̄ gaitolu.’

Leo Tavuha gabe Mak nu Ravae 12:14

Ram mai abena ram bevea be, “Vagahi, gam iloe be giḡo atat mwasigi, gom bagahi mwasigi sinombu huri hala gabe God mwa doronia i gom hav matagui te atatu gaituvwa. Son̄o be atatu gaivua sa naturigi. Gov vevea lalai kamai, gom binihi haninia? Nu vahala hurin nonda silo be tai vol takis lalai Ratahigi lavoa ata Rom sa sigai?”

Leo Tavuha gabe Jon nu Ravae 7:12

Haḡe sinombu rituai ram bin̄utun̄utu huria ram bevea be, “Kea atat tavuha,” take rituai ram bevea be, “Sigai, kea mwa bataltal sinombu.”

Lalaḡova 10:22

Haḡe ram bwaliua ram bevea be, “Tomuai Konilias mwa hora kamai. Kea mwasin atat tavuha mwa ḡogonai God i ira Jius ram binihi marahi maragainia. Enjel non God nu vevea lalainia be vi warego vai la imwana, huribe vi ron̄ hano be mwa du be goi vevea.”

Lalaḡova 16:39

Haḡe ram bano ram bev nora avoan hahagavi lalainira; i ram lai luara nin imwa vauvauhi, i kunia ramuru hudalinira be raru vi mwalue nin bwatutun vanua.

Lalaḡova 22:12

“Lol bwatutun vanua gea atatu vwate ihana Ananias, gabe mwa binihimwasigi God maragai i mwa dabe nonda Silo, i ira Jius be ram dogo aia ram binihi marahinia.

Lalaḡova 24:5

Kamai gan habwea huba be wani geki atat hantai vwate, i kea haḡea bwatun vahalana ivusi. I mwa la mwa lol vigaigaiana lol vanua ivusi Israel. I kea tomuai huri vatugigi taltale vwate alolomai be ram huri ata Nasaret gea.

Lalaḡova 28:22

Take gam doron be gamen ron̄ nom binihiva, bwatuna be vataha ute gam iloe be sinombu ram avo huri tatan̄ana be gom dogo alolona.”

Lalaḡova 4:21

Haḡe kunia Kansel mwa borotai maragai muleinira i mwa hora dagainira. Ram ḡitae be sihav dumwi tehe be rai vevegira, bwatuna be sinombu ram lol roroai God huri ginau be nu gabe loli.

Lalaḡova 5:13

Atatu vwat sigai avare dagai nin tatanan̄a gea be men bulu maira, son̄ be sinombu ram sagera.

Lalaḡova 6:3

Mwa du be giv gita lua atatu gaibitu alolomiu be ran masiri gin Vui sabuga i mataisao, vuvuri tav tarira huri ginau geki.

Ravrava non Pol lalai ata Rom 3:8

Kea kunia n̄ano be tav vevea be, “Gida tas lol hantai huria be tavuha vi mai.” Atatu rituai ram habwe tenteneana maira i ram bevea be kera ram bagahi ginau geki, take kera ram lol bahala ram hav lol te vevegi be kera ram laia.

2 Korin 1:18

Take be gim binihimwasigi mulei be hano be gam bevea sihav dumi tehe be uwe i sigai.

2 Korin 11:21

Ginau busbusi lalaiau be nai vevea kunia, take gav “mandamanda” maragai be gav lol ginau kera gea lalai kimiu! Take be ihei tehe be nu muramuraga dadariha be vi sasagerega, kunia, inau mulei nav butu i nav sasagerega. (Nam avo kun be daloi)

2 Korin 12:16

Nu melmelo be nam hav vora te marahin ginau lalai kimiu, take kimiu gim binihia be nam ruruhi kimiu, i nam dentene be nav haḡo batugehi kimiu.

2 Korin 4:2

Take gan van burigai ginau dahuligi be ram lol hal busbusi. Gam hav lol te hal tentene, i gam leahi te silo vagahi non God. Gam bagahi mwasigi be nu vavtutu, gam seserai kamai lalai sinombu duluai be kamai ira ihei. Vuvuri

1 Tesalonaeka 2:3

Nomai vev sera wasi mwa hav mai tehe nin tenteneana, sage binihiv bahala sage be gam lol ron̄oe be gamen san kimiu.

1 Timoti 3:7

Tomuai lol uloilua mulei mwa du be vi vora atatu be sinombu be ram hav togo te lol uloilua rai vinihi marahinia huribe rasav huriana tehe i nu hav sani tehe alun vidi non Setan.

1 Timoti 4:10

Bwatuna haḡe geki be tam lol rovoga hahavwani; tam doronhohov huri God be mwa dogo vai tuai, kea be varahun sinombu duluai, liuhage kera kebe ram binihimwasigi.

Hibru 13:13

Kunia mulei gida tav hiv avare dagai nin bwatutun vanua i tav bete la non busbusiana.

1 Pita 4:14

Lol taro be atatu rav vev avoan hantai hurigo bwatuna be gom huri Kraes, giḡo gom lai vatavuha, bwatuna sarisarin vui, vui non God, mwa dogo maigo.

3 Jon 1:12

Atatu n̄oto ram bev ginau tavuha huri Demetrias, i mwasigi mwa dame huri hano be ram bevea kamai mulei gam bev tavuhainia i gim iloe be ginau be gam bevea kea mwasigi.

Visirai 3:9

Giv roron̄tai! Huri tatan̄ana gea be bilan Setan, ira atat tentene gea be ram bevera be kera ira Jius, take ram dentene, inau nav lolira rav mai ba hiv bwaubwau lol bwalagemwa. I kera duluai rav iloe be, inau nam dabego.