2 Korin 6:7 - Hano Niu Testamen

⁷ gin avoan mwasigi, i gin muramura non God. Gam haḡo rahuana vavtutu mwa bora tutuḡoro huri kamai sibomai ḡoro ginau duluai.

2 Korin 6:7 ပူးပေါင်းရင်းမြစ်များ

Leo Tavuha gabe Mak nu Ravae 16:20

Ira roron̄tai ram ban ram doretore vataha ute, i Ratahigi mwa lalaḡo bul maira i mwa dovon̄ainia be nora toretore nu mwasigi gin ginau dan̄an̄a ivusi be ram lolia.] [

Lalaḡova 11:21

Haḡe muramura non Ratahigi mwa dogo maira, i sinombu gaivua maragai ram binihimwasigi i ram dabagilu huri Ratahigi.

1 Korin 1:24

Take lalainira sinombu be God nu uloi luara, ira Jius mai ira ata Krik, Kraes kea muramura non God i mataisao non God.

2 Korin 13:4

Kea mwasigi be nu mandamanda batena be nu mate alun volovolo, take mwa rahu kadogaha gin muramura non God. Kea mwasigi be kamai gam mandamanda lol Kraes, take huri kimiu kamai gam rahu alolon Kraes gin muramura non God.

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.

2 Korin 4:2

Take gan van burigai ginau dahuligi be ram lol hal busbusi. Gam hav lol te hal tentene, i gam leahi te silo vagahi non God. Gam bagahi mwasigi be nu vavtutu, gam seserai kamai lalai sinombu duluai be kamai ira ihei. Vuvuri

2 Korin 7:14

Nan av ravravwega lalai Taetus huri kimiu, i kimiu gin seserainia be nam bev mwasigi. Ginau duluai be gan vevea lalai kimiu nu mwasigi, i kimiu gin dovon̄ainia be havanau be gan av ravravwega huria lalai Taetus huri kimiu, i kimiu gin seserainia be nan vev mwasigi.

Ifisas 1:13

Haḡe kea mai kimiu mahavana be gin ron̄ mwasin silo vagahi huri Roroi Tavuha be vi lai varahuva lalai kimiu, kimiu gim binihimwasigi alun Kraes. I lol Kraes, God mwa dau mwasin non dovon̄a alun gogonaiana alumiu, ginia be mwa lai non Vui Sabuga gabe nu tatauleo huria.

Ifisas 3:20

Gin muramura non God be mwa lol rovoga bul mai gida, God vi lol dum gaivua liu nin havanau tehe be gida tam hudalinia sage tam binihia.

Ifisas 4:21

Nam iloe be gin ron̄oe huria, i kimiu haḡea alolona, i kimiu gin lai silo vagahi huri mwasigi be mwa dogo alolon Jisas.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

1 Tesalonaeka 5:8

Take gida ata lol gigita, mwa du be tav togonai gida siboda. Mwa du be tav saga binihimwasigi garagusi i lolotabetabe be vi tuḡoro gida, i doronhohov huri varahuva kun gaisagan bwatu.

2 Timoti 2:15

Gov lol ron̄oe lolmatan God be vi ron̄ mwandavuha ginigo. Gov mai gi atatun rovoga be gom hav busbusi tehe gin nom rovoga. Gov mai gi atatu be mwa bagahi atatu gin mwasin avoana non God la mwasin halana.

2 Timoti 4:7

Nan bwalo gin bwaloan tavuha, nan nogoi rovoan viluslusi, nan haḡo batugehi binihimwasigi garagusi.

Hibru 2:4

God sibona nu seserainia be non roroi mwasigi, ginia be mwa lol ira ginau dan̄an̄a i tagaro gin non muramura duluai. I mwa hogoi non Vui Sabuga mulei lalai ira hei tehe gabe mwa uloinira huria.

Jemes 1:18

God nu vinihi tuhi be vi lai rahuana sivi avoan mwasigi be tai vora raumatan ginau duluai lol ginau duluai be nu lolia.