2 Korin 6:6 - Hano Niu Testamen

⁶ Gam seserainia be kamai atatun rovoga non God gin rahumai be nu melmelo, nomai iloilon halan ginau, nomai ron̄ mwan̄ava i alen̄ tavuha non Vui Sabuga, gin mwasin lolotabetabe,

2 Korin 6:6 ပူးပေါင်းရင်းမြစ်များ

Ravrava non Pol lalai ata Rom 12:9

Nom lolotabetabe vi vora mwasigi. Gov varihai ginau hantai, i gov haḡo wasi havanau be nu tavuha.

Ravrava non Pol lalai ata Rom 15:19

bwatuna, muramuran ira ginau dan̄an̄a i ginau lalavoa be ran gitae, i huribe muramura non Vui Sabuga. Nan toretore la avoan Sabuga nin Jerusalem la hala mwa dalis vanua Ilirikum, i nan nogoi doren noḡu rovoga.

1 Korin 12:8

Vui Sabuga mwa lai lalai atatu vwate be vi avo gin mataisao, i Vui Sabuga n̄an gea mwa laia lalai atatu dolua be vi avo gin iloilo.

1 Korin 13:4

Lolotabetabe kea i lin̄ mulei i lolo tavuha, tabeana vorate binbinihi hantai, vorate mwa bigaigai i vorate ravwegana.

1 Korin 2:16

Ravrava sabuga mwa bevea be, “Ihei haḡea mwa ilo binihin Ratahigi? Ihei haḡea be mwa lol dumwia be men lai avoan vagahia lalainia?” Take gida, binihinda nu kun Kraes.

1 Korin 2:4

Ira noḡu silo vagahi mai toretore nu hav vora te gin avoana vuroi alun mataisao non atatu be men lol atatu gim matagu take gin mwasigin mataisao be Vui mwa hogoinia.

2 Korin 1:23

Nam bevea kungeki lalai kimiu, i nan navohi God be kea vivora noḡu matgita be geki mwasigi bwatuna huri hano nan hav tabagilu te mulei vai Korin, huri be gisav lai te vevegi sa ron̄ mwahantai.

2 Korin 11:11

I huri hano be nam hav butu tehe alumiu? Gim binihia be bwatun be nam hav tabe te kimiu? God mwa iloe be nam dabe kimiu.

2 Korin 11:4

Gim haḡo alen̄ mahuri mai ihei be mwa mai vai abemiu i mwa doretore huri Jisas dolua nin vwate be kamai gam toretore huria. Kimiu gim doron maragai be giv damei Vui sa Roroi Tavuha be dolua nin Vui i Leo Tavuha be gin laia huba nin kamai.

2 Korin 11:6

Mandovai nan hav huhui te halan avoana, take nam ilo ute. Gan seserainia geki nu melmelo lalai kimiu la hala duluai.

2 Korin 12:15

Haḡe nam lol samsamwara be nav lai ginau duluai be noḡu, lalai kimiu, vaivotu inau siboku. Be nav tabe kimiu liu, ke kimiu giv tabeau halatena.

2 Korin 13:10

Nam rav ravrava uhu batena be nam dogo dagai nin kimiu huria be batena be nav mai take nasav wasi tehe mai noḡu roron̄o mai kimiu. Ratahigi nu lai roron̄o geki be vi voha kimiu giv hamai amare, take mwa hav vora te huria be vi haḡo bahivoi kimiu.

2 Korin 2:10

Be giv binihi kaburai vuron ihei dolua, inau mulei nam binihi kaburai vurona. Havanau be nan binihi kaburainia i havanau tehe be nai binihi kaburainia la ihamiu, kunia be Kraes kea maiau.

2 Korin 2:4

Batena be nan rav ravrava lalai kimiu amua, nan habwe taro ririhai, i loloku nu hav ron̄ te mwandavuha, i nan ravae lol matarua ivusi. Nan hav ravae tehe be vi lol kimiu giv ron̄ mwahantai, take be vi lol kimiu giv iloe be nan dabe maragai kimiu.

2 Korin 3:3

Gim seserainia be ravrava non Kraes sibona nu horae sivi kamai. Ravrava uhu nu hav ravana tehe gin pen mai waina take gin vui non God be mwa rahu. Nu hav ravana tehe alun vatu be nu tatavola take alun irubwin atatu.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

2 Korin 7:2

Giv havan̄ irubwimiu lalai kamai. Kamai gam hav lol te bahal havanau lalai tuamiu vwate, i gan hav lol te hantai binihimwasigi non kimiu vwate, i gan hav tentene tehe lalai kimiu vwate.

Kelesia 3:2

Vevea lalaiau ginau gaituvwa geki kunhanigi haḡea gom lai Vui Sabuga? Gom lai Vui Sabuga huribe gom huri silo? Sigai, gom lai Vui Sabuga bwatuna be gom ron̄ Roroi Tavuha i gom binihimwasigi aluna.

Kelesia 3:5

Mandovai God mwa lai Vui Sabuga i mwa lol ginau dan̄an̄a lol davolamiu huribe gim huri silo? Sigai, mwa lol ginau kerageki bwatuna be gom ron̄ Roroi Tavuha i gom binihimwasiginia.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Ifisas 3:4

Be goi vasogo havanau haḡea be nan ravae, gov gita dumwia be, inau nan ilo dum ginau dahuligi huri Kraes.

Ifisas 4:2

Giv lin̄ maḡemu vataha mahavana i giv togo ḡoḡonai, i giv ron̄ mwa n̄ava, i giv dame ḡoro vatvataha kimiu lol lolotabetabe.

Ifisas 4:32

Gov tavuha i gov mwemwearu mai atatu dodolua, goi binihi kaburai vuron atat dodolua kunia gabe God nu binihi kaburai vuromwa sivi Kraes.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

Kolosi 2:3

Kraes kea bwatun gaihavan̄i be mwa haḡo ira ute rosoga dahuligi, kun ira iloilo i mataisao non God.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

1 Tesalonaeka 2:10

Batena be kamai gan togo mai kimiu, gan togo lol hala be nu sabuga i nu vavtutu, vahalana sigai aluna. Gim iloe be geki mwasigi, i God mulei mwa iloe.

1 Timoti 4:12

Gosav lin̄ te atatu be rav gita bahivoinigo huribe giḡo mwalaḡelo n̄ano, take gov vora malele lalai ira atat binihimwasigi lol nom avoana, nom lalaḡova, nom lolotabetabe, nom binihimwasigi garagusi, i lol nom togoan melmelo.

1 Timoti 5:2

Ira vavin metuaga kun be ira ratahi, i ira daulato kun be ira hogosi. Gov lol maira lol hala be nu melmelo tagaro.

2 Timoti 3:10

Take giḡo gon huri hano be nan vagahia, hala be nam dogo, noḡu hala. Gon huri noḡu binihimwasigi garagusi, noḡu ron̄ mwan̄ava, i lolotabetabe, i gom iloe be nan hav lin̄ia tehe,

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

Taetas 2:7

Lol hala duluai gov vora malele huri lalaḡov tavuha duluai. Batena be gom bagahi, gov vagahi gin vavtutu i binihi marahi.

Jemes 3:17

Take mataisao be mwa mai nin God kea muan ginau be nu melmelo. Ataguna tamwata, silo gogonai, i nu maron̄ron̄o be vi ron̄ mwahantai. Mataisao geki mwa lol vatuvwai be vi bului kera be ram dogo ririhai i vi lol tavuha lalai kera dodolua. Kea nu vavtutu i nu mwasigi.

1 Pita 1:12

God nu seserainia lalainira be nora rovoga nu hav vorate hurira Sibora take huri kimiu, lol taro be nu veveana na ira mwasigi be gim ron̄oe kadogaha. Kera be ram doretore huri Roroi Tavuha lalai kimiu ran vev ginau kerageki mai buluiana non Vui Sabuga gabe nu horana nin ute atamare ginau alolona gabe ira enjel ram doronia be rav gitae.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Jon 3:18

Naturirigi gisav avo tehe n̄an huri lolotabetabe, take gin nom lalaḡova.