2 Korin 6:5 - Hano Niu Testamen

⁵ Ram bivilis kamai i ram dau kamai lol imwa vauvauhi. Gam bisogari maira be ram barihai kamai i ram dau bwatun bwaloana. Gam lol rovoga hahavwani, i mahavan rituai gam hav maturu te dumwi i ginaganiana sigai.

2 Korin 6:5 ပူးပေါင်းရင်းမြစ်များ

Matiu 14:10

Haḡe mwa hora non atatun bwaloana vwate be vi van vi tav n̄andu mwagoron Jon Garuhisabuga lol imwa vauvauhi.

Matiu 14:3

Tuan Herod vwate ihana Vilip. Vilip mwa lagi mai vavine vwate ihana Herodias. Borabe vain̄ava lavoa Herod mwa surai vavine gea, mwa bora tasalana. Haḡe Jon mwa ḡitae, mwa bevea lalai Herod be, “Ginau gea gom lolia nu hav vavtutu tehe be gom surai tasalan tuamwa.” Bwatuna ute uhu Herod mwa hora non atatu be rav haḡo batugehi Jon, ba bauhia ba daua lol imwa vauvauhi.

Matiu 9:15

I Jisas mwa bwaliura be, “La mahavana be atatu vwate mwa siv lagi i mwa dogo radu mai non sinombu, gim binihia be kera rav ron̄ mwahantai batena ram dogo radu maia? O sigai! Ta tarona vi mai be rav lai dagai wani lagi ninira, i la mahavana haḡe gea be non sinombu rav siv garagara vwavwa.

Lalaḡova 13:3

Haḡe ram dataro, ram dau limara alura i ram hora luara.

Lalaḡova 14:19

Haḡe ira Jius rituai ram mai nin Antiok lol vanua Pisidia, i nin vanua Ikoniam, i sinombu gaivua ram bulu maira, haḡe ram boha Pol gin vatu i ram rav kaburainia nin bwatutun vanua, ram binihia be kea nu mate huba.

Lalaḡova 14:23

Haḡe ramuru ḡita lua tomuai vataha imwa tataro, i ramuru dataro gin maro gagasi huria lalai Ratahigi gabe ram binihi mwasigi aluna.

Lalaḡova 17:5

Take ira Jius sinera mwa hantai i ram hara ḡoḡo atat hahantai be ram lago mai taval ten lalaḡova la hal lalavoa i ram bul nora binihiv hahantai. I ram duḡoro bwatutun vanua duluai i ram momogai gatavan imwan Jason, huri be ramen habwe Pol mai Sailas ba lai bwihivareinira vai alolon sinombu.

Lalaḡova 20:31

Giv gita ḡoro maragai bwatuna be, nan vagahi kimiu duluai huri taul gaitolu i mataruaku mwa rovo huri kimiu bon̄i i rani.”

Lalaḡova 23:10

Haḡe vigaigaiana mwa wasi maragai vaivotu be tomuai ḡoro atatun bwaloana mwa matagu maragai huri be bereva ram biviha Pol la mahava n̄an kunia. Haḡe bwatuna gea mwa hora non atatun bwaloana ram hivo lol sinombu ram lai dagai Pol ninira, i ram lagoi dagainia vai lol vwavwan imwa wasi.

Lalaḡova 23:35

mwa bevea be, “Nav roron̄tai mulei nom avoana mahavana be nom ivwalu rai votu.” Haḡe mwa dau avoana lalai ira matmatai ḡoro be rav gita ḡoroe la bwatun vanuan tomuai vevev.

Lalaḡova 24:27

Haḡe taulu gairua mwa nogo mahavana be Vilikis mwa nogoi doren non taulu lol tanon Tomuai vevev, kea mwa dau Pol mwa do lol imwa vauvauhi. Bwatuna be mwa doron be men lol ira Jius be ramen ron̄ mwa davuha ginia. I kadogaha Posias mai Vestas ramuru lai tanona.

Lalaḡova 26:10

Geki ginau be nan lolia lol vanua Jerusalem. Nan lai roron̄o liu ira muai tataroi i nan tau sinombu non God ivusi lol imwa vauvauhi; i mahavana be mwa bevegira huri mateana, inau mulei nam dame huria.

Lalaḡova 26:29

Pol mwa bwaliua mwa bevea be, “Mahavana vwelvwele sage n̄ava, take noḡu tataro lalai God be giḡo i kimiu duluai gabe gim roron̄taiau garigi giv vora kuniau, i nam hav doron tehe be giv vora atat vauvauhi!”

Lalaḡova 5:18

I kera ram haḡo batugehi ira hala ram daura lol imwa vauvauhi.

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

1 Korin 4:11

Vaivotu garigi, gina ganiana sigai be gav gania sage wai be gav mwinua sage gaisaga be gav sagasagainia. Ram wehi kamai vataha mahavana i tanomai sigai be gav mambuharai aia.

1 Korin 7:5

Gosav bugurai te rebehimwa be gomen hogoinia mai vwaliumwa, vaivotu be kimiru saraḡo giru vi dame haragaituvwa be giru vi togo dagai huba nin rebehin lagiana huri taro vwate; take taro gea n̄an huri tataro. I ataguna gea vi mai bulbulu mulei i setan sihav ḡal te dumwigo sibomwa bwatuna be gom bwalaunigo sibomwa.

2 Korin 11:27

Nam lol rovoga be nu ririhai i nu savsavi, i vaivusi nan hav maturu te dumwi. Maro nu gasiau i nan mandou, i vaivusi be nan hav gan te dum ginau nan maturu vuroi. Nan hohoga i gaisagaku nu sigai.

Ifisas 3:1

Huri ginau geki, inau Pol atat vauvauhi huri Kraes Jisas huri kimiu ira Lolobon̄i, nam dataro lalai God.

Filipae 1:13

Ira radaiḡoro imwan ratahigi lavoa i kera gaitutuvwai duluai ram iloe be nam dogo lol imwan vauvauhi bwatuna be inau atatun rovoga lol Kraes.

1 Tesalonaeka 2:9

Ira tuaku, nam iloe be gim binihi dum nomai rovoga hahavwani i taro ririhai duluai. Gan lol rovoga hahavwani i taro ririhai duluai. Gan lol rovoga bon̄i i ute rani be gasav mai tehe gi marahin rovoga lalai ihei tehe alolomiu, taro be gan toretore huri Roroi Tavuha non God lalai kimiu.

1 Timoti 4:10

Bwatuna haḡe geki be tam lol rovoga hahavwani; tam doronhohov huri God be mwa dogo vai tuai, kea be varahun sinombu duluai, liuhage kera kebe ram binihimwasigi.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

2 Timoti 2:9

i nam ron̄ ḡagarasi bwatuna Roroi Tavuha, i kadogaha ram bauhiau gin gao talai kun atatun wehi surai. Take silo vagahi non God kea mwa hav togo tehe lol imwa vauvauhi.

2 Timoti 4:5

Take giḡo gov togonainigo sibomwa vataha taro duluai. Dame ḡoro taro ririhai duluai. Gov lol rovoga be, gov toretore huri Leo Tavuha, i lol haraharai rovoga duluai be non atatun rovoga non God.

Hibru 11:36

Atatu rituai atatu ram manuhi hantainira, i ram bivilisira. I atatu rituai mulei kunia atatu ram bauhira gin gao talai ram daura lol imwa vauvauhi.

Hibru 13:17

Giv ron̄ silon nomiu tomuai, i giv huri nora avoana. Ram gitaḡoro tavuhai kimiu be ram hav mambu tehe. I rav vev ginau n̄oton̄oto lalai God huri havanau be ram lolia. Be giv ron̄ silora kera rav ron̄ mwandavuha lol nora rovoga. Be gosav ron̄ora tehe kera rav ron̄ mwahantai. Ginau gea barabe vi bului dum kimiu.

Hibru 13:23

Kadogaha giv ilo didininia be nonda buluana Timoti nu mwalue huba nin imwa vauvauhi. I be kea vi votu teti vilvilehi. Nav laia maiau mahavana be nai mai be namen varahi ron̄ kimiu.

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.