2 Korin 5:9 - Hano Niu Testamen

⁹ Gatavada gaituvwa n̄an be tav lol samsamwarai God be tam do teti sa amare.

2 Korin 5:9 ပူးပေါင်းရင်းမြစ်များ

Leo Tavuha gabe Jon nu Ravae 6:27

Gisav lalaḡo tehe huri ginaganiana be vi hantai dumwi ta giv lalaḡo huri ginaganiana gabe vi togo huri rahuana vai tuai. Geki haḡea ginaganiana gabe inau Nitun Atatu nav laia lalai kimiu, bwatuna God Tata nu tau dovon̄an non roron̄o aluku huba.”

Lalaḡova 10:35

Ihei tehe gabe mwa ḡogonainia i mwa lalaḡo bavtutu nu tavuha n̄an lalainia, son̄o be kea hava guli.

Ravrava non Pol lalai ata Rom 14:18

Atatu be mwa lol rovoga non Kraes, be mwa dogo la rahuana geki, kea haḡea mwa lol samsamwarai God, i atatu dodolua rav dara aluna.

Ravrava non Pol lalai ata Rom 14:8

Kebe tam rahu, tam rahu huri God, i kebe tav mate, tav mate huri God. I tav rahu sa tav mate, tam dogo la ihan God.

Ravrava non Pol lalai ata Rom 15:20

Nan doron maragai be nav toretore la avoan sabuga lol ute be atatu ram hav ron̄ te ihan Kraes, bwatun be nan hav doron te didi lol mulei rovoga non atatu be ran tau bwativuna huba.

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

2 Korin 5:6

Tav tu wasi, tam iloe be tam dogo lol rebehi uhu, gida hautu nin God.

2 Korin 5:8

Pol mwa bevea be, tasav matagu tehe. Tam doronia mwasigi be tav mwalue nin rebehi uhu i tav togo lol mwasin imwanda aben God.

Ifisas 1:6

i mwa lai roroai lalai God bwatuna be gin non hogoi. God nu lai hogoi gea lalai gida vuroi nan kunia, alolon Kraes, atatu gabe mwa doronia.

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Kolosi 1:29

Huribe men loli kun geki, nam lol rovoga i nam du wasi, gin muramura wasi non Kraes be mwa lol rovoga muramuraga aloloku.

1 Tesalonaeka 4:1

Ira tuaku, gan vagahi kimiu be hanigi giv togo la hala be God vi samsamwara ginia, i kimiu gim dogo alun hala gea. Kadogaha gam hudaligi i gam avdura kimiu lol Ratahigi Jisas be giv togo la hala gea vi liu.

1 Tesalonaeka 4:11

Giv lol ginau duluai be giv togo lol rahuana be nu masiri gin rahuanan tamwata. Gisav sogai tehe bwarin̄anhumiu lol ginau non atat dodolua i giv lol nomiu rovoga sibomiu kunia be gan vevea huba lalai kimiu.

1 Timoti 4:10

Bwatuna haḡe geki be tam lol rovoga hahavwani; tam doronhohov huri God be mwa dogo vai tuai, kea be varahun sinombu duluai, liuhage kera kebe ram binihimwasigi.

Hibru 12:28

Huri ginau kera gea tav avkari God, huri be mwa lai gida tam mai, i kea mwa bora nonda Ratahigi Lavoa. I kea Ratahigi Lavoa be non muramura sihav nogo te dumwi. Nu tavuha be tav gogonainia la hala be kea mwa samsamwara ginia, i be tai vinihi marahinia, i mulei tai mataguinia,

Hibru 4:11

Haḡe bwatuna gea gida tav lol ron̄oe be tav haroro dum huri mambuana aben God. I sihav tavuha te maragai be vwate nin gida vi lolia kunira tuai be ran hav tabe te silon God, i rasav haroro te dumwi.

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.