2 Korin 5:18 - Hano Niu Testamen

¹⁸ Ginau duluai kera geki ram mai nin God. Sivi Kraes, God mwa lol tamwata lol davolada maia sibona, i mwa lai lalai gida rovoga be tai vevea lalai atatu duluai huri tamwata be tav laia nin God.

2 Korin 5:18 ပူးပေါင်းရင်းမြစ်များ

Leo Tavuha gabe Luk nu Ravae 10:5

Mahavana be gim haroro lol imwa vwate, muana giv vevea be, ‘Tamwata na togo lol imwa uhu.’

Leo Tavuha gabe Luk nu Ravae 24:47

i lol ihana roroi huri binihi leahi, i tugu kaburai vuro vi toretore huria vataha vanua duluai vi tau bwatuna Jerusalem.

Leo Tavuha gabe Jon nu Ravae 3:16

Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.

Leo Tavuha gabe Jon nu Ravae 3:27

Haḡe Jon mwa bwaliura mwa bevea be, “Ihei si hav haḡo te dum hano tehe vaivotu God vi laia lalainia.

Lalaḡova 10:36

Gim ilo roroi gabe nu horae lalai sinombu ira Jius, nu seserai lua Roroi Tavuha huri tamwata sivi Jisas Kraes, kea Ratahigi ḡoro atatu duluai.

Ravrava non Pol lalai ata Rom 11:36

Uwe, God nu lol ginau duluai, i ginau duluai mwa du mwa loli sivinia i lalainia. Lalainia sarisari vai tuai! Amen.

Ravrava non Pol lalai ata Rom 5:1

Batena be tan vavtutu lolmatan God sivi nonda binihimwasigi, gida tan lol tamwata mai God i geki nu loli sivi nonda Ratahigi Jisas Kraes.

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

1 Korin 11:12

Geki mwasigi huribe vavine nu mai nin atamwani, take mulei atamwani nu vora nin vavine. Take ginau duluai mwa mai nin God.

1 Korin 12:6

I lalan̄an hala ivusi be God mwa lol rovoga sivi atatu take God gaituvwa n̄ano. God mwa lol rovoga lol gida duluai lol ginau n̄oto be tam lolia.

1 Korin 3:5

Matuke Apolos kea mwasin rau matana vwate? Sigai! Matuke Pol kea mwasin raumatana vwate? Sigai! Gida ira turin rovoga non God n̄an kunia gabe gam bului kimiu gin binihimwasigi. Gida gaitutuvwai vatvataha gida be tam lol rovoga be God mwa laia lalai gida be tav lolia.

1 Korin 8:6

take lalai gida God gaituvwa n̄ano gabe tamanda. Ginau duluai ram mai ninia, i tam rahu huria. Mulei Jisas Kraes gaituvwa n̄ano. Ginau duluai mwa loli sivinia, i gida mulei tam bora sivinia.

Kolosi 1:22

Take kadogaha, God mwa lol kimiu gi ira tuana mulei sivi mateanan Kraes. I kadogaha gov mai dum lolmatan God kun atatu gabe ran sabuga, i nu melmelo be vahalana sigai.

Hibru 2:17

Kea vivora gida vwate huria be vi lol rovoga lalai God kun gabe nonda muai tataroi rahurahu i mwa dataroi ginia sibona huri tugu kaburai nonda bwatigoro.

Jemes 1:17

Lalaḡov tavuha duluai i hogoi tavuha duluai ram mai nin God. Ginau tavtavuha keragea ram mai nin God be nu lol alo, vula, ira visiu, i kea mwa hav leahi tehe kun gigitan ginau keragea be ram leahi.

1 Jon 2:2

Kraes nu ron̄ gagarasi sibona be men lai dagai vuroda i vuron ureure duluai.

1 Jon 4:10

Geki mwasin lolotabetabe: nu hav vora te gida be tan lolotabei God, take nu lolotabetabe gida i nu hora Nituna be vi mate huri gida be men lai dagai vuron ureure.