2 Korin 5:15 - Hano Niu Testamen

¹⁵ Kraes nu mate huri atatu duluai, be kera be ram rahu rasav togo te hurira sibora tagaro. Kraes nu mate hurira i nu tomare mulei nin mateana huri be rav rahu huria.

2 Korin 5:15 ပူးပေါင်းရင်းမြစ်များ

Leo Tavuha gabe Luk nu Ravae 1:74

be vi varahu gida nin liman nonda ivwalu, tav siv lol mahuri rovoga lalainia.

Leo Tavuha gabe Jon nu Ravae 5:24

“Nam bev mwasigi lalai kimiu be, ihei tehe be mwa ron̄ noḡu avoana, i mwa binihimwasigi wani be nu horau, wani gea vi haḡo rahuana vai tuai.

Leo Tavuha gabe Jon nu Ravae 6:57

Tata gabe mwa rahu mwa horau mai i bwatuna kea inau mulei nam rahu. Kunia mulei wani gabe mwa ḡan vigohoku vi rahu bwatuna inau.

Ravrava non Pol lalai ata Rom 12:1

Bwatuna higea, ira tua nu tau bwatuna be God nu lol seserai non hahagavi lalai gida, nam bevea lalainigo be gov lai rahumwa kun gabe hogoi rahu lalainia. Nom hogoi vi vora lalai God n̄ano i vi lol samsamwarainia, kea gabe hala sabuga lalainigo huri gogonaiana.

Ravrava non Pol lalai ata Rom 4:25

Jisas nu mai huribe vi mate huri vuroda, i mwa domare mulei nin mateana be men lol gida tamen vavtutu la lolmatan God.

Ravrava non Pol lalai ata Rom 6:2

Sigai! Tam mate alun vuron rahuda ata amua, i kun hanigi haḡea tav lol rahu be vi togo lol vuro vataha mahavana?

Ravrava non Pol lalai ata Rom 6:6

Tam iloe be rahuda ata amua nu mate mai Jisas alun volovolo, huribe vuroda gaitutuvwai si hav muramura tehe ḡoro gida i gida ta sav vora te turin vuro.

Ravrava non Pol lalai ata Rom 8:10

Rebehimwa vi mate vataha mahavana gin vuro. Ta kebe Kraes mwa dogo maigo, kea Vui Sabuga mwa lai lalainigo rahuana, huribe Kraes mwa loligo gom bavtutu la lolmatan God.

Ravrava non Pol lalai ata Rom 8:2

Sivi Kraes Jisas, silon Vui Sabuga be mwa lai rahuana mwa loliau nam du dagai nin silo be mwa lai vuro i mateana.

Ravrava non Pol lalai ata Rom 8:6

Mandovai be binihin atatu mwa dogo halaten vurona sibona, kea mateana. Ta kebe binihira vi lalaḡo hurin Vui Sabuga, kea rahuana vi tamwata.

1 Korin 10:33

Gov lolia kunia n̄ano be nam lolia. Kunia be inau nam doron be nav lol doroniva non atatu duluai la hala n̄oto. Nam hav lol te ginau be nu vavtutu huriau take ginau be nu vavtutu huri atatu duluai be rav rahu.

2 Korin 12:10

Haḡe nam samsamwara be nav sasagerega huri noḡu mandamanda, ram av leileiau ram lai taro ririhai lalaiau, nam ron̄ḡagarasi, i lalan̄an taro ririhai huri Kraes. Bwatuna be batena be nam mandamanda, vuvuri nam wasi mwasigi.

2 Korin 3:6

Nu lol kamai gam mai dum gi atatun rovoga huri damean gara ninia sibona lalai non sinombu. Damean gara uhu nu hav vora te silo be nu rava, take kea vui. Silo be nu ravana mwa lai mateana, take Vui kea mwa lai rahuana.

2 Korin 5:16

Nin kadogaha mwa bano gam hav binihi te huri ihei kunia ureure mwa binihia. Amua gam binihia huri Kraes kunia be ureure nu binihia, take kadogaha gam hav mom binbinihi te kunia.

Kelesia 5:25

Tam lai rahuan gara nin Vui Sabuga, i tav huri Vui.

Ifisas 4:17

Nam bevea lalainigo geki be la ihan Ratahigi, rahumiu sihav togo rahurahu kun ira len̄len̄aga be nora binbinihi nu hav dadariha tehe.

Ifisas 5:14

i ginau duluai be mwa loliana mwa maron̄ron̄o vi mai dumwi gi gigita. Geki haḡea huri havanau mwa bevea be: “Mamata nin maturuva! Tomare nin mateana, i Kraes vi gigita alumwa.”

Kolosi 2:12

Lol taro be gon garuhisabuga, ram davinigo mai Kraes, i gom domare mulei maia sivi nom binihimwasigi garagusi lol muramura non God gabe mwa seseraiana lol taro gabe mwa domarei mulei Kraes nin mateana.

Kolosi 3:1

Lol taro be gon tomare nin mateana mai Kraes, gov binbinihi huri hano be mwa du amare, aia gabe Kraes mwa dogo la mwatuan God.

Kolosi 3:17

Ginau n̄oto be gom lolia i gom bevea vi loli be men gogonai Jisas nonda Ratahigi. I lol ginau n̄oto be gom lolia, gov lai tabeana lalai God tamanda sivi Jisas.

Kolosi 3:23

Lol rovoga tavuha be gom lol dumwia, gov lolia kunia gabe gom lolia lalai God, take vorate lalai atatu.

1 Tesalonaeka 5:10

Jisas nu mate huri gida be tav togo ute gaituvwa dum bulmaia, gaituvwa be tam rahu sa tam mate batena be vi mai.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

1 Pita 4:6

La halana geki Leo Tavuha nu toretore huri kera be ran mate kadogaha. Gaituvwa n̄an kera ran vevegi kun sinombu duluai, Leo Tavuha nu toretore lalainira i kera rav rahu dum lol vui kunia be God mwa rahu.

1 Jon 4:9

God mwa seserai non lolotabetabe huri gida, mahavana be nu hora Nituna vora gaituvwa vai lol ureure be vi lai rahuana lalai gida.

Visirai 1:18

Inau gabe nam rahu. Nan mate take kadogaha nam rahu mulei vai tuai vai tuai. Nam muramuraga ḡoro mateana ureure non ira atat mate.