2 Korin 5:14 - Hano Niu Testamen

¹⁴ Lolotabetabe non Kraes mwa haḡo bul gida, bwatun be gam iloe be kea nu mate huri atatu duluai. Kera duluai rav mate lol Kraes.

2 Korin 5:14 ပူးပေါင်းရင်းမြစ်များ

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Leo Tavuha gabe Luk nu Ravae 15:24

Huri be nituku uhu nu mate take uhugaha mwa rahu mulei; kea nu sala take mwa habwean mulei.” Haḡe ginaganian lavoa mwa daubwatuna.

Leo Tavuha gabe Luk nu Ravae 15:32

Take mwa du be tav samsamwara ba ḡan ginau huria, bwatuna be tuamwa nu mate haḡe ta mwa rahu mulei; nu sala take mwa habwean mulei.’ ”

Leo Tavuha gabe Luk nu Ravae 24:29

take ramuru borotainia ramuru bevea be, “To mai kamaru; ute nu ravravi huba.” I kea mwa haroro mwa dogo maira.

Leo Tavuha gabe Jon nu Ravae 1:29

Haḡe gubwen̄ dolua Jon mwa ḡita Jisas mwa mai huria, mwa bevea be, “Kea ha kahaḡa be Nitui Sipsip bilan God, gabe mwa lai dagai vuron ureure!

Leo Tavuha gabe Jon nu Ravae 11:25

Jisas mwa bevea lalainia be, “Inau tomarean mulei i rahuana. Ihei mwa binihimwasigiau vi rahu, gaituvwa n̄an be mwa mate;

Leo Tavuha gabe Jon nu Ravae 5:25

Nam bev mwasigi lalai kimiu be mahavana mwa mai huba batena be ira atat mate rav ron̄ siloku, inau Nitun God, i kera be rav ron̄oe rav rahu mulei.

Lalaḡova 18:5

Mahavana be Sailas mai Timoti ramuru mai nin Masedonia, Pol mwa lai mahavana duluai alun toretore huri roroi, i mwa bev tavuhai halana lalai ira Jius be Jisas kea Kraes.

Ravrava non Pol lalai ata Rom 2:2

God vi vevegi irahei be ram lol ginau den̄keten̄ke i tam iloe be non vevegi nu vavtutu.

Ravrava non Pol lalai ata Rom 5:15

Take hogoi non God nu hav vora te kun vuron Adam. Sinombu ran mate huri vuron atat gaituvwa. Take hogoi non God nu lavoa liu; sinombu ran lai hogoi non God huri rahuana nin hogoi non atat gaituvwa, Jisas Kraes.

Ravrava non Pol lalai ata Rom 6:13

Gosav lin̄ te rahumwa be vi gogonai vuro, kun ginau be gamen lolia be men lol vuro. Ninia gea, lin̄igo sibomwa la liman God kunira be ran mate i kadogaha ram rahu. Kamai gam lolia gin rebehimai be gamen vuroga.

Ravrava non Pol lalai ata Rom 6:6

Tam iloe be rahuda ata amua nu mate mai Jisas alun volovolo, huribe vuroda gaitutuvwai si hav muramura tehe ḡoro gida i gida ta sav vora te turin vuro.

1 Korin 16:22

Be vwate si hav tabe te God, lin̄ia na togo dagai nin God. Nomai Ratahigi, gam doron be gov mai vilvilehi!

1 Korin 2:14

Atatu be Vui Sabuga sigai alolona si hav lai te dum ira hogoi be mwa mai nin Vui non God, bwatuna be ginau keragea ram bwaḡelega n̄ano lol matara.

2 Korin 3:7

Silo be nu mai, mai mateana nu ravana alun vat tatavola. Nu mai, mai sarisari God, be nu lol lolmatan Moses mwa sarisari be ata Israel ran habwea nu ririhai be rav gitae bwatuna be sarisarina nu wasi maragai. Take gigita gea nu hav vora te n̄ava mwa bisdagai.

2 Korin 3:9

Be silo be nu rava alun pepa mwa bevegi sinombu be ram bahala lol vuro kea nu sarisari, mwasigi be hal gara be mwa lol sinombu ram bavtutu mai God kea sarisarina liu.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Ifisas 6:24

Hogoi non God lalai kimiu duluai be gim dabe nonda Ratahigi Jisas Kraes gin lolotabetabe be mosmosianana nu sigai.

Kolosi 2:13

Lol taro gabe gom mate gin vuromwa, huribe vorate gom maribwesi nin muramuran vuromwa sibomwa. Bwatuna be kimiu ira Lolobon̄i, kimiu gim dogo avare nin Silo. Take God mwa loligo gom rahurahu mai Kraes, i mwa binihi kaburai vuroda duluai.

Kolosi 3:3

Nom lolian vuroga sibomwa nu mate, i rahumwa gabe ginau gara mwa dogo mai Kraes lol God sibona.

1 Timoti 2:6

Nu mahin̄ainia sibona be vi vora varahun sinombu. Geki mwa lol ḡigilainia la mwasin tarona be God mwa doron atatu duluai be rav rahu.

1 Timoti 5:6

Take bwero be lol rahuna mwa lol ginau kun be mwa doron be men ron̄ mwandavuha, kea nu mate mwasigi be mwa rahu radu.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

Hibru 2:9

Havanau be gam ḡita dumwia kea Jisas, huri mahavana vwelvwele kea nu togo hivhivo halaten ira enjel. Gin sine hagavi non God lol non hogoi, Jisas mwa mate huri atatu duluai. I kunia be Jisas nu ron̄ḡagarasi i mwa mate huba, kea mwa lai tanoi haehae mai gai sosorin bwatu!

Hibru 6:10

Huri alen̄an God vataha mahavana nu tavuha n̄ano. I kea sihav vinihi te dum malioi rovoga duluai gea be gin lolia. I kea vi vinihi dumwia be kimiu gim dabea lol nomiu doroniva liu, i be gin bului raduinira atatun uloilua dodolua, i gin bului raduinira.

1 Pita 1:8

Kimiu gim hav gita te Kraes, take gim dabea radu. Gisav gita te dumwia Kadogaha, take gim binihimwasigi nia. Haḡe kimiu giv masiri gin samwarana be sihav veveana te dumwi, samwarana be nu masiri gin sarisari.

1 Jon 5:19

Tam iloe be tam mai nin God i ureure duluai, i ureure duluai mwa dogo halaten muramura non ivwalu.