2 Korin 5:12 - Hano Niu Testamen

¹² Gam hav lol ron̄oe tehe be gamen habwe seserai kamai mulei sibomai, take gam bev kamai sibomai lalai kimiu. Huri be giv ron̄ mwandavuha gin kamai. Kunia kimiu nomiu avoan vwaliu abena, lalainira be ram av lavoai huri ginau n̄an be ram ḡita dumwia take ran hav lai te binihiva maragai alun ginau ata lol irubwi.

2 Korin 5:12 ပူးပေါင်းရင်းမြစ်များ

2 Korin 1:14

I nam doronhohov be giv ilo dum ginau duluai huri kamai, vuvuri giv siv doron kamai, kunia kamai gav ilo huri kimiu la hala be Ratahigi Jisas Kraes vi mai mulei.

2 Korin 10:12

Gam n̄arin̄ari gam dadarihai kamai sibomai maira be ram binihia sibora be kera muan atatu. Kera sibora ram dadarihainira alura sibora, i ram harahara lalainira sibora be kera kunia. Geki mwa seserainia be ram hav ilo te havanau.

2 Korin 10:18

Nu hav vora te kera be ram binihira sibora be ran vavtutu be ran tavuha, take kera be Ratahigi mwa binihira be ran vavtutu.

2 Korin 10:7

Giv garere huri ira lalaḡova be ran loli lol matamiu. Be giv binihi dumwia be kamai mulei bilan Kraes kun kimiu.

2 Korin 10:8

Mwasigi be gam sasagerega huri roron̄o be Ratahigi nu laia lalai kamai. Take roron̄o geki be vi voha kimiu giv hamai amare, si hav wehi te kimiu vai ata, i nasav busbusi tehe.

2 Korin 12:11

Nam avo kun daloi, take kimiu haḡea gim lolia nam lolia kunia. Kimiu haḡea be mwa du be gis vev ginau tavuha huriau. Inau nam mai gi ginau vuroi, take kera “ira hala lavoa” be lalavoa ram hav dadariha te n̄an maiau!

2 Korin 3:1

Matu kamai gam av ravravwega huri kamai sibomai. Hanigi, mwa doroniana be ravrava vi vev sera kamai lalai kimiu sa be vi vev sera kimiu lalai kamai, kun be ira tausala.

2 Korin 6:4

Take la hala duluai gam seserainia be kamai atatun rovoga non God: aluna be gam damei ginau ririhai, i lol hal ririhai lalavoa.

Filipae 1:26

Giv ron̄ mwandavuha lol Kraes Jisas batena inau mulei mai kimiu.