2 Korin 5:10 - Hano Niu Testamen

¹⁰ Bwatuna be gida duluai tav tu la lolmatan Kraes be vi harahara lalai gida. Gida gaitutuvwai mwa du be tav lai havanau mwa du be tav lai dumwia, tavuha sa hantai huri ginau be tan lolira teti lol ureure mai rebehida.

2 Korin 5:10 ပူးပေါင်းရင်းမြစ်များ

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Lalaḡova 10:42

I nu vevea lalai kamai be gav toretore huri leo tavuha lalai sinombu, i mulei be gav tu gi gaitura huria be kea God nu gita luae be vi vora vevegi huri rahuana i mateana.

Lalaḡova 17:31

Bwatuna be nu hara vatuvwai gubwen̄i huria be vi vevegi ureure duluai gin vavtutu gin atatu gabe nu gita luae. Kea nu lai non mwasigi huri ginau geki lalai atatu duluai ginia be nu lol domarei wani gea nin mateana!”

Ravrava non Pol lalai ata Rom 2:16

Ginau n̄oto kerageki rav loli lol gubwen̄i be God, sivi Jisas Kraes, vi vevegi binihiv dahuligi non atatu. Roroi Tavuha gabe nam doretore huria mwa bev ginau kerageki.

Ravrava non Pol lalai ata Rom 6:19

Nam lolia la hala geki, huribe nu ririhai lalainigo be gov iloe. Amua gon lin̄ vatahanan rebehimwa be rai vora turin vuro i ginau hantai; gom dogo n̄ano huri ginau hantai. Kunia mulei gon lin̄ muleinigo gi turin ginau vavtutu. I vuvuri gov togo n̄ano huri God.

1 Korin 4:5

Haḡe kunia gosav vevegi te amua nin mwasin tarona be vi mai; gov hohovi vaivotu Ratahigi vi mai mulei. Kea vi lai bisirai ginau duluai be mwa du dahuligi lol ute meto vai lol ute ran maita. Ratahigi vi vaseserai ginau duluai be mwa du dahuligi alolon sinombu. I batena gea, God vi lol roroai ihan atatu gaitutuvwai, nu hurin ginau tavtavuha be ran lolia.

2 Korin 7:3

Nan hav vevea te kunia be namen av vai alumiu. Nan vevea lalai kimiu amua be nam dabe maragai kimiu be gav togo mai kimiu sa gav mate mai kimiu.

Ifisas 6:8

Gov vinihi dumwia be God vi lai tavwe lalai atatu duluai, turin rovoga sage atat vuroi, huri lolian tavuha.

Hibru 9:27

Mwa du be atatu duluai rav mate vatuvwa i God vi vevegira.

1 Pita 4:5

Gubwen̄ vwate rav vev melmeloinia lalai God, kea be mwa lol vatuvwai be vi vevegi rahuana i mateana.

Visirai 2:23

Inau nai wehi non virangai mulei, i kunia uloilua duluai vi iloe be inau haḡea be nam ilo binihin atatu duluai mai nora doroniva. Nav lai tavwe lalai gaitutuvwai i vatvataha kimiu hurin hava lalaḡova be kea nu lolia.”

Visirai 22:12

Nam ron̄ avoana geki mwa bevea be, “Gitae nam mai vilvilehi maragai. I mahavana be nai mai mulei ba lai tavwe lalai ira hei duluai huri nora lalaḡov tavuha.