2 Korin 4:7 - Hano Niu Testamen

⁷ Kamai nomai na hogoi tavuha uhu nin God, take kamai kun tanon wai be tan malagoba be mwa dau ḡoḡo na hogoi tavuha alolona. Geki mwa seserainia be muramura gaivua mwa mai nin God, mwa hav vora te nin kamai.

2 Korin 4:7 ပူးပေါင်းရင်းမြစ်များ

Matiu 13:44

“Ute Lavoa atamare kun geki. Atatu vwate mwa habwe ginau tavuha gabe nu tahuliana lol tano. Mwa haḡoi ḡoro muleinia, mwa ban dagai gin samsamwara, mwa salei non viloḡoana duluai, mwa dabagilu mulei i mwa bol lua tano gea.”

Matiu 13:52

Haḡe mwa bwaliura be, “Geki gin binihiva be vagahin Silo gabe mwa roron̄tai huri Ute Lavoa atamare, kea kun vuigin imwa mwa lai lua ginau i maleiga nin vwavwan imwana.”

Leo Tavuha gabe Jon nu Ravae 16:33

Nan vev ginau geki lalai kimiu huribe, giv lai tamwata ginia, huribe be giv bul gaituvwa aluku. Ureure vi lol kimiu giv ron̄ ḡagarasi. Take giv tu wasigi! Nan rihu maragai nin ureure!”

1 Korin 1:28

Hano be ureure mwa ḡita bahivoinia i mwa binihia be kea ginau vuroi n̄ano kea havanau be God nu haḡoe be vi lol kaburaiana i havanau be ureure mwa binihia be kea raumatana.

2 Korin 10:10

Atat rituai ram bevea be, “Ravrava non Pol mwa ron̄oana be raumatan ravrava i ram muramuraga, take bwatuna be kea abeda nu mandamanda. I non avoana mwa hav vora te ginau vwate”

2 Korin 13:4

Kea mwasigi be nu mandamanda batena be nu mate alun volovolo, take mwa rahu kadogaha gin muramura non God. Kea mwasigi be kamai gam mandamanda lol Kraes, take huri kimiu kamai gam rahu alolon Kraes gin muramura non God.

2 Korin 4:1

God gin non sine hagavi, nu lai rovoga geki lalai kamai be gav lolia, i gosav lin̄ia tehe.

2 Korin 5:1

I tam iloe huba be rebehida kea kun imwa haohao be tam do alolona teti lol ureure vi lolian kaburai. Take batena be vi nogo, God kea vi lol imwa vwate lalai gida. Sihav vora te imwa be liman atatu vi lolia: Lol tanon rebehi gea vi vora tanoi vwate amare be vi togo vai tuai.

2 Korin 6:10

Gam habwe ron̄ mwahantai be gaivua, take tagaro gam samsamwara. Gam hiruga, take gam lol sinombu ivusi ram rosoga lol binihimwasigi. Nomai na ginau mwa sigai, take mwasigi be ginau duluai nomai abena.

Ifisas 2:5

Mwasigi be gida tan mate lol vui, bwatuna be ginau hantai be tan lolia vai alun God, take kea mwa lai rahuan gara lalai gida mai Kraes. Kimiu gim rahu mai hogoi non God.

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

Kolosi 2:12

Lol taro be gon garuhisabuga, ram davinigo mai Kraes, i gom domare mulei maia sivi nom binihimwasigi garagusi lol muramura non God gabe mwa seseraiana lol taro gabe mwa domarei mulei Kraes nin mateana.

Kolosi 2:3

Kraes kea bwatun gaihavan̄i be mwa haḡo ira ute rosoga dahuligi, kun ira iloilo i mataisao non God.

1 Tesalonaeka 1:5

bwatuna be Roroi Tavuha be gan laia vai abemiu nu hav vora te gin avoana n̄ano, take gin muramura, non Vui Sabuga, i mai binihimwasigi wasi be kea mwasigi. Mulei gin iloe be gon togo kun hanigi batena be kamai abemiu be gai bului kimiu.

1 Tesalonaeka 4:4

Mwa doron kimiu gaitutuvwai be giv huhuinia be giv togonai rebehimiu sibomiu lol hala be nu sabuga i nu marahi.

2 Timoti 2:20

Lol imwa gaivua aia nu masiri gin beleti mai kasbol. Rituai be nu loliana gin vatan̄oga i vatlegiga, take mulei ginau be nu loliana gin gai i tan merameraga. Ginau rituai nu haḡoana huri raumatan hala, i rituai nu loliana huri rovoga son̄son̄o.