2 Korin 4:5 - Hano Niu Testamen

⁵ Gam hav toretore te huri kamai sibomai, take gam doretore be Jisas Kraes kea Ratahigi i kamai nomiu atatun rovoga huri Jisas.

2 Korin 4:5 ပူးပေါင်းရင်းမြစ်များ

Matiu 23:8

Ta kimiu gisav lolia tehe be atatu rav uloi kimiu be ‘Ratahigi’, huri be nomiu Ratahigi gaituvwa n̄an, i kimiu duluai ira huhugaituvwa.

Matiu 3:11

Inau nam ḡaruhisabugai kimiu gin wai, bwatuna be gim binihileahi huri vuromiu. Take atatu vwate abena vi mai radu ataguku. Wani gea lavoa liuau, i inau siboku nam hav dadariha tehe be nav haḡo non sus. Wani gea vi garuhisabugai kimiu gin Vui Sabuga i gabi.

Leo Tavuha gabe Jon nu Ravae 7:18

Atatu gabe mwa avo gin non roron̄o sibona, wani gea mwa lol ron̄oe be vi lol roroainia sibona. Take wani gabe mwa doron be vi lol roroai wani be nu horae, kea mwa lol ginau mwasigi i kea mwa hav lol te ginau vahala.

Lalaḡova 10:36

Gim ilo roroi gabe nu horae lalai sinombu ira Jius, nu seserai lua Roroi Tavuha huri tamwata sivi Jisas Kraes, kea Ratahigi ḡoro atatu duluai.

Lalaḡova 2:36

“Haḡe sinombu duluai ira Jius rav iloe mwasigi be, Jisas geki gabe gin vohae vai alun volovolo, kea mwasigi atatu gabe God nu taua, Ratahigi i Wani Vurai.”

Lalaḡova 5:31

God nu lol domareinia vai la mwatuana kun gabe Tomuai i Varahu, be vi lai lalai sinombu ira Jius mahin̄ana huri tanon binihi leahi i, vi tugu kaburai vurora.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

1 Korin 10:33

Gov lolia kunia n̄ano be nam lolia. Kunia be inau nam doron be nav lol doroniva non atatu duluai la hala n̄oto. Nam hav lol te ginau be nu vavtutu huriau take ginau be nu vavtutu huri atatu duluai be rav rahu.

1 Korin 12:3

Nam doronbe giv iloe be atatu sigai be mwa lin̄ Vui non God mwa domuainia, vi vevea be, “vi vevegiana na Jisas.” Atatu vwate si hav vev te dumwia be, “Jisas kea Ratahigi,” be buluiana non Vui Sabuga sigai maia.

1 Korin 15:47

Muan Adam nu mai nin taniavu ata lol ureure. Gairuan Adam mwa mai nin amare.

1 Korin 2:2

Lol taro be nan togo mai abemiu kimiu nan vinihia be nav avo n̄ano huri Jisas Kraes be ran voha bolvoloe alun volovolo.

1 Korin 4:15

Be atatu vasan̄vul vahan̄vulu ram buluigo lol Kraes, mwa du be tamamwa vi vora gaituvwa n̄ano. Lol rahumwa lol Kraes Jisas, inau nam mai huba gi tamamwa huribe nam lai Roroi Tavuha lalainigo.

1 Korin 8:6

take lalai gida God gaituvwa n̄ano gabe tamanda. Ginau duluai ram mai ninia, i tam rahu huria. Mulei Jisas Kraes gaituvwa n̄ano. Ginau duluai mwa loli sivinia, i gida mulei tam bora sivinia.

2 Korin 1:19

Nitun God, Jisas Kraes, kea be Sailas i Timoti i inau nan toretore lalai kimiu nu hav vora te uwe i sigai. Lol Kraes kea uwe n̄ano.

2 Korin 1:24

Gam hav lol te ron̄oe be gav lol ḡoro nomiu binihimwasigi; gam iloe be gim du wasigi lol nomiu binihimwasigi garagusi. Take kamai atatun rovoga mai kimiu huri nomiu ron̄ mwandavuha.

Kelesia 5:13

Ira tuaku, God nu uloi kimiu huba gi atat mwaribwesi, take gisav haḡo te nomiu ribwesiva gi hala vwate be vi lol kimiu gi atat vuroga sibomiu. Giv lol rovoga lalai kimiu sibomiu gin lolotabetabe.

Filipae 1:15

Mwasigi be kera rituai ram doretore huri Kraes bwatuna be ram binbinihi hantai i ram binbinihi lavoa, take rituai ram doretore huri Kraes bwatuna be ram doron be ramen bului,

Filipae 2:11

I Kera duluai rav seserainia be Jisas Kraes kea Ratahigi, vi lai sarisari lalai God Tata.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

Taetas 1:11

Kera gea rav mambu, bwatuna be ram lol ḡoro atatu duluai gin silo vagahi be rasav vagahi te ginia. Kera ram rosoga gin hal hantai be ram lolia lalai sinombu.

2 Pita 2:3

Ira vagahi tentene kera geki ram doron nomiu homu, i kera rav haḡo kimiu i rav tentene lalai kimiu. Nora harahara ran avo vai alura tuai mwa mai radu i nora hantai mwa mwasigi.