2 Korin 4:2 - Hano Niu Testamen

² Take gan van burigai ginau dahuligi be ram lol hal busbusi. Gam hav lol te hal tentene, i gam leahi te silo vagahi non God. Gam bagahi mwasigi be nu vavtutu, gam seserai kamai lalai sinombu duluai be kamai ira ihei. Vuvuri

2 Korin 4:2 ပူးပေါင်းရင်းမြစ်များ

Ravrava non Pol lalai ata Rom 1:16

Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

Ravrava non Pol lalai ata Rom 6:21

Gom lol daltalei ginau, i kadogaha gom busbusi ginira. Ginau keragea ram lai mateana n̄ano.

1 Korin 4:5

Haḡe kunia gosav vevegi te amua nin mwasin tarona be vi mai; gov hohovi vaivotu Ratahigi vi mai mulei. Kea vi lai bisirai ginau duluai be mwa du dahuligi lol ute meto vai lol ute ran maita. Ratahigi vi vaseserai ginau duluai be mwa du dahuligi alolon sinombu. I batena gea, God vi lol roroai ihan atatu gaitutuvwai, nu hurin ginau tavtavuha be ran lolia.

2 Korin 1:12

Geki hano be gam ron̄ mwandavuha huria, i nai vev dumwia gin binihi melmelo be: lol ginau duluai be gan lolira huba lol ureure, liuhage mai kimiu gan vavtutu i gan mwasigi lol irubwi huri God. Gan lol dumwia gin hogoi non God, nu hav vora te gin mataisao be ureure mwa do maia

2 Korin 11:3

Take nam matagu be binihimiu rav sala dagai nin halamiu mwasigi i hal melmelo be gim huri Kraes kunia be teltele nu ruruhi Iv mai non hal hahantai.

2 Korin 11:6

Mandovai nan hav huhui te halan avoana, take nam ilo ute. Gan seserainia geki nu melmelo lalai kimiu la hala duluai.

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.

2 Korin 5:11

Huri be tam iloe huba huri binihiva be rav gogonai God, tan lol ron̄oe be tai bului sinombu be rav lai ḡoḡo mwasigi huri gida. God mwa ilo didinigi gida, i nam doronhohov be lol lolomiu kimiu mulei gim iloe.

2 Korin 6:8

Atatu rituai ram dul bonogai vai alumai. Atatu ram bev ginau hahantai vai alumai, take rituai ram bev ginau tavuha. Rituai ram bevea be kamai atatun tenteneana, take kamai gam bev mwasigi.

2 Korin 7:14

Nan av ravravwega lalai Taetus huri kimiu, i kimiu gin seserainia be nam bev mwasigi. Ginau duluai be gan vevea lalai kimiu nu mwasigi, i kimiu gin dovon̄ainia be havanau be gan av ravravwega huria lalai Taetus huri kimiu, i kimiu gin seserainia be nan vev mwasigi.

Ifisas 4:14

I sihav n̄ava tehe gida tas hav mom bora te kun naturigi mulei. Tasav vora te kun waḡa be mwa halahala dadaligi navo mwa bohainia ban mwa mai. Sihav avte lumlum gida gin silo vagahi gara duluai gam ron̄oe non sinombu be ram lol ron̄oe be ramen saruruhi kamai. Ram dari halana i ram lol ron̄ hal saruruhi be men ruruhi sinombu vai alolon halan salana.

Ifisas 5:12

Vain busbusiana haḡea huria be men veveana huri sinombu kera gea be ran lolia dahuligi.