2 Korin 4:10 - Hano Niu Testamen

¹⁰ Gam datal mateanan Jisas lol rebehimai sibomai huri be rahun Jisas vi gitan dumwi alun rebehimai.

2 Korin 4:10 ပူးပေါင်းရင်းမြစ်များ

Leo Tavuha gabe Jon nu Ravae 14:19

Tiri ḡalia n̄an ureure sihav mom ḡitau tehe, take kimiu giv gitau; i bwatuna be nam rahu kimiu mulei giv rahu.

Ravrava non Pol lalai ata Rom 6:5

Jisas nu mate, i gida mulei tam bulu maia lol mateana mulei. I gida mulei tav bulumaia be tav tomare nin mateana kunia be kea nu lolia.

Ravrava non Pol lalai ata Rom 6:8

Kebe tav mate mai varahuda, tam iloe be tav rahu mulei maia.

Ravrava non Pol lalai ata Rom 8:36

Kunia be mwa ravana lol Ravrava Sabuga be: “Lol ihamwa gam dogo lol gagarasin mateana vataha mahavana. Atatu ram binimbe kamai gan kun sipsip n̄ano be vi wehian kaburai.”

2 Korin 1:5

Gam bete lol gagarasi non Kraes ivusi. La hala n̄an gea, lol maḡomaḡo gaivua mwa mai lalai gida sivi Kraes.

2 Korin 1:9

Mwasigi maragai be lol irubwimai gam binihimwasigi be gai mate. Take geki mwa loli huri be gasav butu te alumai sibomai take alun God n̄ano, kea nu ragas sinombu nin mateana.

2 Korin 13:4

Kea mwasigi be nu mandamanda batena be nu mate alun volovolo, take mwa rahu kadogaha gin muramura non God. Kea mwasigi be kamai gam mandamanda lol Kraes, take huri kimiu kamai gam rahu alolon Kraes gin muramura non God.

2 Korin 4:11

Gam rahu radu gam dogo, take huri Jisas tagaro gam habwe taro ririhai huri mateana huri be rahun Jisas vi gitan dumwi alun rebehimai be mwa mate.

Kelesia 6:17

Haḡe gisav lai tehe lalaiau taro ririhai mulei vwate. Dovon̄a abena la rebehiku be mwa seserainia be inau turin rovoga non Kraes Jisas.

Kolosi 1:24

Nam samwara lol noḡu taro ririhai hurigo. Huribe nam ron̄ḡagarasi lol rebehiku huribe namen lol nogonogoi ron̄ḡagarasi non Kraes. Ginau rituai abena be Kraes mwa ron̄ ḡagarasi sivi rebehina, gabe uloilua.

2 Timoti 2:11

Mwasin avoan vagahi geki: “Be gida tav mate maia, tav rahu mulei ba do maia.

1 Pita 4:13

Take giv ron̄ mwandavuha be kimiu gim bului mai ron̄ ḡagarasi non Kraes bwatuna be kimiu giv ron̄ mwandavuha i giv masiri gin samwarana lol taro be Kraes vi mai mulei lol sarisari.

1 Pita 4:14

Lol taro be atatu rav vev avoan hantai hurigo bwatuna be gom huri Kraes, giḡo gom lai vatavuha, bwatuna sarisarin vui, vui non God, mwa dogo maigo.

Visirai 1:17

Mahavana be nam ḡitae nam hovi vai lol bwalagena kun atat mate. Take mwa dau mwatuana aluku mwa bevea be: “Gosav matagu tehe! Inau muana, i nogonana.