2 Korin 3:6 - Hano Niu Testamen

⁶ Nu lol kamai gam mai dum gi atatun rovoga huri damean gara ninia sibona lalai non sinombu. Damean gara uhu nu hav vora te silo be nu rava, take kea vui. Silo be nu ravana mwa lai mateana, take Vui kea mwa lai rahuana.

2 Korin 3:6 ပူးပေါင်းရင်းမြစ်များ

Matiu 13:52

Haḡe mwa bwaliura be, “Geki gin binihiva be vagahin Silo gabe mwa roron̄tai huri Ute Lavoa atamare, kea kun vuigin imwa mwa lai lua ginau i maleiga nin vwavwan imwana.”

Matiu 26:28

Geki dagaku be men lol tatauleo non God be men tu. Dagaku gea vi rovo huri be God vi tugu kaburai vuron sinombu ivusi.

Leo Tavuha gabe Mak nu Ravae 14:24

Haḡe Jisas mwa bevea be, “Geki dagaku mwa rovo huri sinombu ivusi be men lol dum tatauleo non God be men tu.

Leo Tavuha gabe Luk nu Ravae 22:20

Kunia mulei, mwa lai laha lalainira atagun ginaganiana, mwa bevea be, “Laha geki tatauleo gara non God mwa laia mai dagaku gabe mwa rovo huri kimiu.”

Leo Tavuha gabe Jon nu Ravae 5:21

Kun tata nu lol domarei ira atatmate i mwa lai rahuana lalainira, kunia mulei inau Nituna nav lai rahuana lalai irahei be nam doronira.

Leo Tavuha gabe Jon nu Ravae 6:63

Ginau gabe mwa lai rahuana kea Vui Sabuga non God, take muramura non atatu nu hav dadariha tehe. Ta avoana duluai gabe nam laia lalai kimiu mwa lai rahuana i Vui Sabuga.

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Ravrava non Pol lalai ata Rom 3:20

bwatuna be atatu vwat sigai be vi lol vavtutu mai God be vi huri ira silo. Silo ram bagahi gida be tav ilo vuroda.

Ravrava non Pol lalai ata Rom 4:15

huribe silo vi lai dum lolhoro non God. Ta kebe silo vi vora sigai ginau sigai be vi lolia atatu vi dahae.

Ravrava non Pol lalai ata Rom 4:17

Kunia gabe mwa ravana lol avoan sabuga be, “Nam loligo i taman varan sinombu ivusi.” Geki mwasigi amua la lolmatan God, God gabe Ebraham mwa binihimwasiginia, God gabe mwa lai rahuana lalainira be ran mate i vi lol dum ginau be ram dogo, i rav visirai, i ram du.

Ravrava non Pol lalai ata Rom 7:6

Amua, silo nu haḡo gida kun atat vauhi, take rebehida be rebehi malea nu mate, i kadogaha gida tan ribwesi nin silo. I kadogaha tam dataro lalai God la hal gara mai vui, i vorate lol hal malea mai silo be nu ravana.

Ravrava non Pol lalai ata Rom 8:2

Sivi Kraes Jisas, silon Vui Sabuga be mwa lai rahuana mwa loliau nam du dagai nin silo be mwa lai vuro i mateana.

1 Korin 11:25

La hala n̄an gea, atagun ginaganiana, Jisas mwa lai laha. Mwa bevea be, “Laha geki kea damean gara be nu masiri gin dagan mateanaḡu. Giv laia i giv mwinua i giv binihi raduiau.”

1 Korin 12:28

Lol uloilua, God nu lai tanoi lalai atatu n̄oto, muana lalai ira hala, i gairuana lalai ira atatun vevsera, i gaitoluna lalai ira vagahi. I God nu lai ute lalainira be ram lol ginau dan̄an̄a, kera gabe ram barahu, kera be ram bului dum atat dolua, kera gabe ram ḡitaḡoro atat dodolua, i kera be ram avo dum la avoan dodolua. N̄oto vorate ira hala.

1 Korin 15:45

Nu ravana lol avoan sabuga be; “Muan atatu, Adam, kea muan atatu be nu lai rahuana, take nogonan Adam kea vui be mwa lai rahuana.

1 Korin 3:10

Nam lalaḡo gin hogoi be God nu laia lalaiau, nam dari bwatbwatun imwa gea kun gabe mataisaon haḡohaḡo imwa. Atatun haḡohaḡo imwa dodolua be ram haḡo alun bwatbwatu n̄an gea, take sinombu duluai rav gitaḡoro kun hanigi ram haḡo imwa aluna.

1 Korin 3:5

Matuke Apolos kea mwasin rau matana vwate? Sigai! Matuke Pol kea mwasin raumatana vwate? Sigai! Gida ira turin rovoga non God n̄an kunia gabe gam bului kimiu gin binihimwasigi. Gida gaitutuvwai vatvataha gida be tam lol rovoga be God mwa laia lalai gida be tav lolia.

2 Korin 11:23

Matu kera atatun rovoga non Kraes? Inau nam lol rovoga huria liu. Nam av daltale kungeki, nam lol rovoga hahavwani liura. Nan togo lol imwa vauvauhi tagaro liu. Ran lol ḡagarasiau vaivusi liua be ran vivilisiau. Nu abena be nai mate vaivusi.

2 Korin 3:14

Take nora binihiva nu vono, vai votu garigi gavu gea mwa dahuli binihivanana batena be ram basogo dameana ata amua. Gavu gea Kraes n̄an nu lai dagainia huba.

2 Korin 3:3

Gim seserainia be ravrava non Kraes sibona nu horae sivi kamai. Ravrava uhu nu hav ravana tehe gin pen mai waina take gin vui non God be mwa rahu. Nu hav ravana tehe alun vatu be nu tatavola take alun irubwin atatu.

2 Korin 3:7

Silo be nu mai, mai mateana nu ravana alun vat tatavola. Nu mai, mai sarisari God, be nu lol lolmatan Moses mwa sarisari be ata Israel ran habwea nu ririhai be rav gitae bwatuna be sarisarina nu wasi maragai. Take gigita gea nu hav vora te n̄ava mwa bisdagai.

2 Korin 3:9

Be silo be nu rava alun pepa mwa bevegi sinombu be ram bahala lol vuro kea nu sarisari, mwasigi be hal gara be mwa lol sinombu ram bavtutu mai God kea sarisarina liu.

Kelesia 3:21

Mandovai gin binihiva be silo mwa hav dara tehe la tatauleo non God? Sigai hohoigi! Kea vi vora mwasigi n̄ano be silo vi lol gida tav vavtutu. Take God nu hav lai te silo be vi lai dum rahuana.

Ifisas 2:1

Tuai huba kimiu gin mate lol Vui bwatuna be vuromiu i ginau be gin lolia vai alun God.

Ifisas 2:5

Mwasigi be gida tan mate lol vui, bwatuna be ginau hantai be tan lolia vai alun God, take kea mwa lai rahuan gara lalai gida mai Kraes. Kimiu gim rahu mai hogoi non God.

Ifisas 3:7

Gin mwasin hogoi non God be mwa laia lalaiau sivi nin muramura, inau nam mai gi atatun rovoga be namen vev lua Roroi Tavuha gea.

1 Timoti 4:6

Be goi vev ginau kera geki lalai ira, tua goi vora atatun rovoga tavuha non Kraes Jisas. Avoana ata lol binihimwasigi garagusi vi loligo gov wasi lol binihimwasigi i silo vagahi tavuha be gov huria.

2 Timoti 1:11

God nu gita luau be nav vev Leo Tavuha i nai vora hala i vagahi.

Hibru 12:24

Giv mai huri Jisas, gabe kea atatu be vi tari mulei Tatauleo gara non God. I kimiu giv mai alun dagan Jisas gea gabe nu lol melmeloi kimiu, gabe mwa bev lua ginau gabe ran tavuha liu, ninia gea be dagan Ebol mwa bev luae.

Hibru 13:20

God mwa lol domarei Ratahigi Jisas Kraes atagun mateana. I kadogaha Jisas kea kun Lavoa huri Radaiḡoro Sipsip be Dagana mwa lalaḡoiana be men lol datauleon rahuana vai tuai non God mai bilan sipsip.

Hibru 7:22

I tatauleo gea be Jisas nu laia nu visirae lalai gida, nu tavuha liu nin ira tatauleo ata tuai.

Hibru 8:13

Batena be God nu avoi tatauleo gara, kea nu lol muan tatauleo mwa maleiga i ginau be ram maleiga sihav n̄ava tehe rav nogonogo.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Jon 1:1

Nomai roroi geki gam ravae lalai kimiu huri roroi huri rahuana, avoan mataisao. Avoana non God lalai kimiu mahavana be ureure sigai radu. Take avoan Mataisao non God gea nu togo huba. Bweromai nu ron̄oe i matamai nu gitae, i limamai nu sibweri avoana geki.