2 Korin 3:5 - Hano Niu Testamen

⁵ Gam hav vevea tehe be gav lol dum rovoga uhu gahemai. God, kea haḡea be mwa lol kamai gam lol dum rovoga be mwa du be gav lolira.

2 Korin 3:5 ပူးပေါင်းရင်းမြစ်များ

Leo Tavuha gabe Luk nu Ravae 21:15

bwatuna Inau nav lai avoana i mataisao gabe giv avo aluna, gabe nomiu ivwalu rasav ivwalui te dum kimiu ginia, rasav tagara te dagai dum nomiu avoana.

Leo Tavuha gabe Luk nu Ravae 24:49

I inau siboku nav horae vai alumiu ginau gabe Tamaḡu nu tatauleo huria. Take giv hohov lol bwatutun vanua vai votu muramura ata amare vi himai alumiu.”

Leo Tavuha gabe Jon nu Ravae 15:5

“Inau mwasin bwatun taligaon waen, i kimiu rarana. Ihei tehe mwa bulu maiau, inau maia, i vi vwavwae bilin̄iai; huribe gisav lol te dum hano dagai niniau.

Ravrava non Pol lalai ata Rom 15:18

Nasav mom avo tehe huri ginau vwate take nav avo huri havanau be Kraes nu lolia siviau lol taro be nan tomuai ira Lolobon̄i kun hanigi haḡe rav tabe God. Kera ran tabe God bwatuna havanau be nan vevea i nan lolia,

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

1 Korin 3:10

Nam lalaḡo gin hogoi be God nu laia lalaiau, nam dari bwatbwatun imwa gea kun gabe mataisaon haḡohaḡo imwa. Atatun haḡohaḡo imwa dodolua be ram haḡo alun bwatbwatu n̄an gea, take sinombu duluai rav gitaḡoro kun hanigi ram haḡo imwa aluna.

1 Korin 3:6

Inau nan riv biri, i Apolos mwa ruhua gin wai. Take God kea n̄an atatu gaituvwa be mwa lolia mwa mauri.

2 Korin 12:9

Take nu vevea lalaiau be, “Noḡu hogoi kea nu dadariha hurigo. Batena be gom mandamanda, noḡu muramura mwa mai melmelo alolomwa.” Kadogaha nam ron̄ mwandavuha be namen vev lua noḡu vahalana, huribe muramura non Kraes vi togo aloloku.

2 Korin 2:16

Lalainira be ran sala huba, kamai kun be atatun mateana, be gam mai mai mateana, take lalainira be ran lai rahuana huba, kamai kun be halan rahuana be gam lai rahuana. Matu ihei be vi lol dum rovoga uhu?

2 Korin 4:7

Kamai nomai na hogoi tavuha uhu nin God, take kamai kun tanon wai be tan malagoba be mwa dau ḡoḡo na hogoi tavuha alolona. Geki mwa seserainia be muramura gaivua mwa mai nin God, mwa hav vora te nin kamai.

Filipae 2:13

bwatuna be God mwa lol rovoga alolomiu, be vi bului kimiu giv doron be giv lol hano be vi lol samsamwarai lolon God.

Filipae 4:13

Nav lol dum ginau duluai sivi Kraes, bwatuna be kea mwa lai hui wasi lalaiau.

2 Timoti 2:2

Giḡo gon ron̄oau huba be nan toretore lolmatan sinombu. Gov haḡo wasi ira toretore uhu i gov taua la liman atat tavtavuha be rav toretore dumwi lalai atat dodolua.

Jemes 1:17

Lalaḡov tavuha duluai i hogoi tavuha duluai ram mai nin God. Ginau tavtavuha keragea ram mai nin God be nu lol alo, vula, ira visiu, i kea mwa hav leahi tehe kun gigitan ginau keragea be ram leahi.