2 Korin 3:2 - Hano Niu Testamen

² Kimiu sibomiu haḡea gim bora nomai ravrava, nu ravana alun irubwimai, kamai duluai gam ilo kimiu i gam basogo kimiu duluai.

2 Korin 3:2 ပူးပေါင်းရင်းမြစ်များ

Ravrava non Pol lalai ata Rom 1:8

Muana nam doron be nav vevea be nam hav vev te tabeana lalai noḡu God sivi Jisas Kraes huri kimiu duluai, bwatuna be sinombu duluai lol ureure ram avoi nomiu binihimwasigi garagusi.

1 Korin 3:10

Nam lalaḡo gin hogoi be God nu laia lalaiau, nam dari bwatbwatun imwa gea kun gabe mataisaon haḡohaḡo imwa. Atatun haḡohaḡo imwa dodolua be ram haḡo alun bwatbwatu n̄an gea, take sinombu duluai rav gitaḡoro kun hanigi ram haḡo imwa aluna.

2 Korin 11:11

I huri hano be nam hav butu tehe alumiu? Gim binihia be bwatun be nam hav tabe te kimiu? God mwa iloe be nam dabe kimiu.

2 Korin 12:15

Haḡe nam lol samsamwara be nav lai ginau duluai be noḡu, lalai kimiu, vaivotu inau siboku. Be nav tabe kimiu liu, ke kimiu giv tabeau halatena.

2 Korin 3:1

Matu kamai gam av ravravwega huri kamai sibomai. Hanigi, mwa doroniana be ravrava vi vev sera kamai lalai kimiu sa be vi vev sera kimiu lalai kamai, kun be ira tausala.

2 Korin 7:3

Nan hav vevea te kunia be namen av vai alumiu. Nan vevea lalai kimiu amua be nam dabe maragai kimiu be gav togo mai kimiu sa gav mate mai kimiu.

Filipae 1:7

I inau nam iloe be nan vavtutu be nav binihia kungeki huri kimiu duluai, bwatuna be nam haḡo kimiu lol irubwiku. Kimiu duluai gim bete alolon lolotavuha non God maia kadogaha be inau lol imwa vauvauhi i kadogaha be nam duḡoro i nam seserai lua mwasigi non Roroi tavuha.

1 Tesalonaeka 1:8

I silo vagahi non Ratahigi God mwa bataha ute sivi kimiu, i nu vano vai Masedonia i Kris mulei, take kadogaha nomiu binihimwasigi garagusi alun God mwa iloana vataha ute. Kadogaha mwa hav tu tehe be gamen vev havanau huria.