2 Korin 2:7 - Hano Niu Testamen

⁷ Take kadogaha mwa du be giv hagavia i giv av maḡomaḡoe i giv haḡo ḡoḡoe be si hav ron̄ te mwahantai liu ba bisdagai.

2 Korin 2:7 ပူးပေါင်းရင်းမြစ်များ

1 Korin 15:54

Lol taro be ginau geki vi loli, rebehi be vi lolian kaburai vi sagae sibona ginia kebe si hav lolian te dum kaburai, i rebehi geki be vi mate vi sagae ginia kebe si hav mate te dumwi. Lol taro be vi loli, avoan sabuga vi lolian vi mai gi mwasigi: “Mateana vi lolian kaburai lol samwarana.”

2 Korin 2:8

Haḡe nam hudali kimiu be giv seserainia be gim dabea.

2 Korin 5:4

La mahavana be tam do lol rebehi geki, tam habwe taro ririhai, i tam ron̄oe. Tam hav doron tehe be tav to vuroi, take tam doron be tav saga ḡoro gida lol rebehi ata amare. Vuvuri rebehi geki be vi mate vi gagavu gin rahuana.

2 Korin 7:10

Lalan̄an ron̄ mwahantai be God mwa doron be vi lol sinombu rav leahi irubwira i rahura. Geki vi tomuainira huri rahuana, i mwa du be gisav ron̄ te mwahantai huria. Take lalaiau ron̄ mwahantai kea be ureure mwa lai mateana.

Ifisas 4:32

Gov tavuha i gov mwemwearu mai atatu dodolua, goi binihi kaburai vuron atat dodolua kunia gabe God nu binihi kaburai vuromwa sivi Kraes.

Filipae 2:27

Uwe, nu haro, i nu abena be si mate, be nasav habwe te ron̄ mwahantai liu.

Kolosi 3:13

Gov mwemwearu mai ira tuamwa i gov binihi kaburai vurora. Be atatu vwate mwa lol vahala lalainigo, gov vinihi kaburai vuron atatu gea bwatun be God mwa binihi kaburai vuromwa.

1 Tesalonaeka 4:13

Ira tuaku, gam doron kimiu be giv iloe huri atatun Kraes be ran mate, be gisav ron̄ te mwahantai, kunira rituai be nora doronhohov sigai.

2 Tesalonaeka 3:6

Ira tuaku, lol roron̄o non ratahigi Jisas Kraes, gam bevea lalainigo be gov tu dagai nin atat binihimwasigi be mwa hav doron te didi lol rovoga i mwa hav huri te silo vagahi be gam laia lalainigo.