2 Korin 2:12 - Hano Niu Testamen

¹² Batena be nan mai vai Troas be nav toretore alun Leo Tavuha huri Kraes, Ratahigi nu lai taro tavuha vwat lalaiau aia.

2 Korin 2:12 ပူးပေါင်းရင်းမြစ်များ

Lalaḡova 14:27

Haḡe mahavana be ramuru botu Antiok, ramuru hara ḡoḡo sinombun uloilua duluai ute gaituvwa, i ramuru bevea lalainira huri ginau duluai gabe God nu lolia bul maira, i kun hanigi kea nu havan̄ hala huri ira Lolobon̄i be rav binihimwasigi.

Lalaḡova 16:11

Haḡe gam derai vanua Troas gam bano la waḡa vwate vai la vanua Samatres, i mwa rani gam bano vai Niabolis.

Lalaḡova 16:8

Haḡe ram ban rahurahu vaivotu Misia i ram bano vai Troas.

Lalaḡova 20:8

Haḡe kandel ivusi lol vwavwan imwa be gam ḡoḡo aia.

Ravrava non Pol lalai ata Rom 1:1

Nin Pol, atatun rovoga non Kraes Jisas. God nu uloiau be nai vora non hala i nu gita luau be nai vev lua Roroi Tavuha.

1 Korin 16:9

Huribe ginau tavuha huri rovoga nu laiana lalaiau kadogaha len̄len̄a be sinombu be ram avo wasi vai aluku.

1 Korin 9:12

Be atat dodolua rav lai tavwe huri kimiu, kamai mulei gav lai tavwe huria, lalai kamai ginau gea nu marahi liu. Take gam hav lolia tehe. Sigai, gam dau n̄oto ginau sibomai, huribe gasav lol te ḡoro atatu vwate nin non binihimwasigi alun Roroi Tavuha non Kraes.

1 Korin 9:14

La hala n̄an gea, God mwa bevea be kera be ram bev lua Roroi Tavuha rav lai tavwe nin rovoga geki.

1 Korin 9:16

Noḡu rovoga be nam bev lua Roroi Tavuha mwa hav lai te lalaiau ravwegana. Noḡu rovoga haḡea be nai vev lua Roroi Tavuha, Ratahigi mwa bevea be nav lolia. I vi hantai lalaiau vi liu kebe nasav vev te lua Roroi Tavuha.

2 Korin 10:14

Gam hav av te sasagerega maragai, kunia be mwa du be gav lolia be gan hav mai te radu vai abemiu. Take gan mai vai abemiu mai Leo Tavuha huri Kraes.

2 Korin 11:4

Gim haḡo alen̄ mahuri mai ihei be mwa mai vai abemiu i mwa doretore huri Jisas dolua nin vwate be kamai gam toretore huria. Kimiu gim doron maragai be giv damei Vui sa Roroi Tavuha be dolua nin Vui i Leo Tavuha be gin laia huba nin kamai.

2 Korin 11:7

Nan toretore huri Leo Tavuha non God lalai kimiu voliku sigai. Nan lolia siboku kun be nan hav vora te muai atatu be kimiu giv vora muai atatu. Gim binihia be kunia nu vahala?

2 Korin 4:3

Be Leo Tavuha be gim doretore hurira binihiva huria mwa hili, mwa hili n̄an lalainira be ram sala.

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

2 Korin 8:18

Gam hora Taetus mai tuada vwate kea ira binihimwasigi ram hagai maragainia huri non rovoga mai toretore huri Leo Tavuha.

2 Korin 9:13

Dovon̄an nomiu binihimwasigi, sinombu ivusi rav vev roroai God bwatuna be kimiu gim ron̄ maḡemu alun Leo Tavuha huri Kraes, Leo Tavuha be gim bevea be gim binihimwasigi i bwatun be gim bete vuroinia maira i mai atat dodolua.

Kolosi 4:3

Giv tataro mulei huri kamai be God vi lai non mwasigi lalai kamai be gav toretore dumwi la ginau dahuligi be God nu lol melmeloinia huri Kraes. Kea haḡea kadogaha nam dogo lol imwa vauvauhi.

1 Tesalonaeka 3:2

I nav hora Timoti vai abemiu. Timoti, kea tuamai mwa lol rovoga mai kamai huri God i mwa bului kamai be gai vevea lalai sinombu huri Roroi Tavuha huri Kraes. Gam horae be vi vamuramura i vi avdura kimiu lol nomiu binihimwasigi garagusi,