2 Korin 13:9 - Hano Niu Testamen

⁹ Gam ron̄ mwandavuha be gav beuga, be kimiu giv mai wasi, i gam dataro be giv mai gi atat duluai.

2 Korin 13:9 ပူးပေါင်းရင်းမြစ်များ

Ravrava non Pol lalai ata Rom 15:2

Tav lin̄ gida gaitutuvwai be tav bului ira tuada huria be rav tavuha, be rav tu wasigi lol binihimwasigi garagusi.

1 Korin 1:10

Ira tuaku, inau hala non Jisas Kraes, nam navohi kimiu be giv bulgaituvwa huribe harabora vi sigai lol davolamiu. Giv bulgaituvwa mai binihiv gaituvwa lol binihimiu mai alen̄amiu.

1 Korin 2:3

Batena be nan mai huri kimiu, nan mandamanda maragai, i nan matmatagu.

1 Korin 4:10

Bwatuna be tam lol rovoga huri Kraes, tam mai gi bwaḡele lolmatan atatu, take kimiu gin mataisaoga huribe kimiu non Kraes. Atatu ram ḡita bahivoi kamai, take ram binihi marahi kimiu.

2 Korin 11:30

Be mwa du be nav av sasagerega, nav av ravravwega huri ginau be mwa seserainia be inau nam mandamanda.

2 Korin 13:11

Kadogaha, ira tuaku nam bevea be tai vilin̄lin̄i. Giv lol ron̄oe be giv mai gi atat duluai. Giv lol havanau be nan hudali kimiu be giv togo lol tamwata. Vuvuri God be kea lolotabetabe i tamwata vi togo mai kimiu.

2 Korin 13:4

Kea mwasigi be nu mandamanda batena be nu mate alun volovolo, take mwa rahu kadogaha gin muramura non God. Kea mwasigi be kamai gam mandamanda lol Kraes, take huri kimiu kamai gam rahu alolon Kraes gin muramura non God.

2 Korin 4:12

Haḡe mateana mwa lol rovoga alolomai, take rahuana mwa lol rovogamai.

2 Korin 7:1

Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

Kolosi 1:28

I tav tu rahurahu be tav toretore huri Kraes lalai atat gaitutuvwai, tav haḡo mataisao duluai be tai vev dau i tav vagahi atatu duluai, la hala be tav lai gaitutuvwainira vai aben God kun gabe atat mituaga lol Kraes.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

1 Tesalonaeka 3:10

Bon̄i i rani gam dataro ḡaoḡao mai lolomai duluai be gam ḡita mulei kimiu i gam lai ginau duluai lalai kimiu be gim doronia huri be vi lol nomiu binihimwasigi garagusi.

2 Timoti 3:17

Haḡo avoan sabuga, atatu be mwa lol rovoga lalai God vi lol dumwia, vi lai duluai hano be mwa doronia be vi lol rovoga tavuha duluai.

Hibru 12:23

Kimiu gin mai lol samwaran bulbulu be nu tavuha maragai mai ira atatu non God kun gabe ira nituna muai bwana gabe ihara mwa du huba lol ute ata amare. I kimiu giv mai huri God huria be kea vi vevegi lalai atatu, i giv mai ba bulu mai vuin ira atat vavtutu be ran mate huba.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

Hibru 6:1

Huri ginau geki si tavuha maragai be tas van bavtutu la avoana be mwa lol gida tam mituaga huba lol nonda binihimwasigi garagusi. Tasav mom lol te mulei bwatbwatun imwa. Gim ilo ginau kera geki huba. Mwa hav tu tehe be gisav mom lol te mulei alen̄a gea be tamen avoinia be gida tav leahi rahuda nin alen̄a ata tuai be nu salai gida nin God.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.