2 Korin 13:2 - Hano Niu Testamen

² Batena be nan togo mai kimiu varuana, nan lai avoan vamata lalainira be ran lol bwatigoro. Kadogaha inau nam do dagai nin kimiu, i nam lai avoan vamata lalainira rituai. Batena be nai mai mulei vai abemiu, nasav maron̄ron̄o tehe lalainira.

2 Korin 13:2 ပူးပေါင်းရင်းမြစ်များ

1 Korin 5:5

Kimiu giv tau atatu gea la liman Setan be rebehina vi vano. I aia vurona sibona mwa binihi kaburaiana, i non vui rahu vi rahu lol gubwen̄in Ratahigi.

2 Korin 1:23

Nam bevea kungeki lalai kimiu, i nan navohi God be kea vivora noḡu matgita be geki mwasigi bwatuna huri hano nan hav tabagilu te mulei vai Korin, huri be gisav lai te vevegi sa ron̄ mwahantai.

2 Korin 12:14

Kadogaha nam lol dautau be nav mai abemiu vatoluna, i nasav vora te marahin rovoga lalai kimiu. Nam hav doron te havanau nin kimiu, take kimiu haḡea. Naturigi mwa hav doron tehe be rav lol ḡoḡo huri be rav hogoi lalai ira tamara i ratahira. Tama i ratahi rasav lol te ḡoḡo huri be rav hogoi lalai ira nitura.

2 Korin 13:10

Nam rav ravrava uhu batena be nam dogo dagai nin kimiu huria be batena be nav mai take nasav wasi tehe mai noḡu roron̄o mai kimiu. Ratahigi nu lai roron̄o geki be vi voha kimiu giv hamai amare, take mwa hav vora te huria be vi haḡo bahivoi kimiu.